Улсын Үндсэн хуулиар Төр иргэдээ эрүүл, аюулгүй орчинд амьдруулах, орчны бохирдолоос хамгаалах үүрэгтэй байдаг.

Гэр хороололд амьдарч байгаа 180.000 орчим айл өрхийн 700 гаруй мянган иргэд эрүүл аюулгүй орчинд амьдарч чадахгүй, орчны бохирдлоос хамгаалагдаж чадахгүй, Үндсэн хуулиар олгогдсон эрхээ эдэлж чадахгүй байна.

Иргэд төлбөрийн чадвар муугаас мэргэжлийн байгууллагаар зураг төсөл гаргуулж, мэргэжлийн зөвлөгөө авч чадахгүй байгаагаас ямар нэгэн зураг төсөлгүй, барилгын норм дүрэм, стандартуудыг зөрчсөн барилга байшин гэр хороололд олноор баригдаж  баригдаж байна

Гэр хороолол, зусланд газар хөдлөлтөнд тэсвэргүй, дулааны алдагдалтай, галын аюултай, мөөгөнцөртэй, эрүүл ахуйн шаардлага хангахгүйгээс иргэдийн амь нас эрүүл мэндэд эрсдэлтэй барилга байшин олон байна.

Төрөөс Норм дүрэм, стандартын шаардлага хангасан төрөл бүрийн хэмжээ хэлбэртэй амины орон сууц болон дэд бүтцийн нэг маягийн зураг төсөл боловсруулан  мэргэжлийн зөвлөгөө өгч хямд зардалаар иргэддээ үйлчлэх боломж байна.`

Цаашид төрөөс хэрэгжүүлж байгаа бодлогын хүрээнд норм дүрэм стандартын шаардлага хангасан зураг төсөлтэй амины орон сууц барьж байгаа иргэдээ дэмжсэн үйл ажиллагаа явуулж, хөнгөлөлттэй зээлэнд хамруулах нь зүйтэй юм. 

300 мянга гаруй айл гэр хороололд амьдардаг нийслэл хотод амины орон сууц, жижиг байшингийн эрэлт хэрэгцээ маш өндөр байдаг. Хүн бүхэн, дор бүртээ хашаандаа хүссэн байшингаа барьж амьдрах нь манай хотод бол дурын л асуудал. Бид байшингаа хүссэнээрээ барьдаг ч, дулаалгаа буруу хийсэн, сууриа буруу цутгасан, цахилгаан, сантехникийн шийдлээ оновчгүй хийснээс болоод байшингаа чанаргүй барих, урт хугацаандаа засварын зардал өндөр гарах, өнгө үзэмж дорой болох гээд олон бэрхшээл тулгардаг.

Гэхдээ байшингаа чанартай, бат бөх бариулах боломж байгаа юу гэвэл тийм. Мэргэжлийн байгууллагаар зохих шаардлагыг нь хангасан зураг төсөл гаргуулан, тооцооллыг нь хийлгэж байгаад хүссэн байшингаа бариулах боломж бий. Гэтэл жирийн нэг айл өрхүүдэд мэргэжлийн компаниудаас чамгүй үнэтэй зураг төслийн үйлчилгээ аваад байх мөнгө төгрөгний боломж байгаа гэж үү? Арай ядан байшин барих хэдэн төгрөгөөс нь хөрсний шинжилгээ дүгнэлт тусад нь гаргуулж төлбөр төлөхөөс гадна зураг төсөл зохиолгох хөлс илүү гарна.