Амины орон сууцны төлөвлөлт №2
Өмнөх дугаарын нийтлэлд зочны өрөө, унтлагын өрөөний боломжит зохион байгуулалт, төлөвлөлтийн талаар нийтэлсэн. Энэ удаад бусад өрөөний төлөвлөлтөд анхаарах асуудал болон зохион байгуулалтын талаар үргэлжлүүлэн авч үзье.
Амины сууцны нийт талбайн 12-18% хувьд гал тогоо төлөвлөгдвөл түүнийг зохистой харьцаа гэж үзэж болно. Хэрэв түүнээс бага бол ашиглалтын явцад гал тогооны үйл ажиллагаа бусад өрөөнд хальдаг гэж үздэг, харин том бол бусад өрөөний ашиглалт гал тогоо руу шилждэг байна. Та бүхэн харсан л байх, зарим айлын хоол идэх зуршил зочны өрөөндөө өрнөдөг бол харин зарим айлын ажил, хичээлээ хийх нь гал тогоонд нь болж байдгийг. Тиймээс дээрх харьцааг хадгалах нь их чухал байдаг.
Гал тогооны өрөө: Мөн гал тогооны өрөө нь амины сууцны бусад өрөөнүүдийг бодвол хамгийн их чийглэг, халуун орчин байдаг. Манай нөхцөлд голдуу оргил цагийн үед гал тогооны чийглэг 70-ээс дээш хувь, температур 27 цельсээс дээш гарсан байдаг. Ийм нөхцөлд зөв төлөвлөсөн агааржуулалт маш чухал. Агааржуулалт болон амины сууцны агаарын чанарыг сайжруулах талаар дараагийн нийтлэлд үзнэ.
Гал тогооны төлөвлөлтөд гол анхаарах зүйл бол тус өрөөнд ажиллах хүний тох тухь юм. Өөрөөр хэлбэл гал тогоо хавчиг эсвэл тавилга, тоног төхөөрөмж зохисгүй тавигдвал бол гэрийн эзэгтэй гал тогоонд цагаа өнгөрөөхөд түвэгтэй болно.
Тиймээс ямар ч хэмжээтэй өрөөнд ямар ч төрлийн гал тогоо сонгосон та дотор нь чөлөөтэй ажиллах боломжтой байхын тулд дараах зүйлст анхаарлаа хандуулаарай.
1.Төлөвлөлтийн хувьд гал тогоонд нэг тавилгаас нөгөө рүү, нэг тоног төхөөрөмжөөс нөгөө рүү явах зай ихдээ 160,0 см-ээс хэтэрч болохгүй мөн дороо эргээд буюу 0 алхамтай бас төлөвлөж болохгүй. Дээрх хэмжээнээс хол бол хүн гал тогооны явдлаас үүдэлтэй ядрах мэдрэмжинд түргэх орох магадлалтай бол 0 алхамтай нөхцөлд хоолны материалаа асгаж цутгах, аяга, таваг, хоолны тогоо гэх мэтийг юманд цохих, хагалах мөн давчуу орчинд анхаарал сулрах, бухимдах эрсдэлтэй байдаг гэж үздэг.
2.Гал тогооны өрөөний тоног төхөөрөмжүүд багадаа заавал нэг тавилга алгасч байрлана. Жишээ нь хөргөгч, шарах шүүгээ хоёр дундаа нэг тавилга буюу 40-60 см зайтай, угаалтуур, шарах шүүгээ хоёр мөн нэг тавилгын зайтай гэх мэт. Энэ нь хүний үйл ажиллагаа болон тоног төхөөрөмжийн аюулгүй ажиллагааг бодолцсон хэмжээ юм.
3.Дээр дурдсан хэмжээ бас шарах шүүгээний үйлчилгээний хэсэг (халуун хоол гаргах, хоол хийх үед бэлтгэл материал, багаж тавих гэх мэт), угаалтуурын үйлчилгээний хэсэг гэх мэтэд зориулагддаг тул аль болох дээрх зайг баримтлахыг хичээх нь зүйтэй.
4.Хэрэв зайлшгүй хоёр төхөөрөмжийг нийлүүлж тавих шаардлага гарвал бие биен рүүгээ ус үсрэх, халалт үүсэх нөхцөлийг хааж байж зэрэгцүүлж тавина.
5.Хоолны ширээг гал тогооны бэлтгэл ширээтэй хольдог нь манайхны хамгийн түгээмэл алдаа. Энэ тохиолдолд хоолны ширээ зориулалтаараа биш зүгээр л элдэв “новш” тавих тавиур төдий болдог. Зүй нь хоолны ширээ гал тогооноос буюу шарах шүүгээнээс 120.0 -160.0 см зайд тусдаа байрлах ба гал тогооны бэлтгэл ширээ бол зөвхөн гал тогооны тавилгатай залгаа 2-т дурдсан зай хэмжээний дотор байрлаж байх ёсой юм. Дурдсан зайнаас холдох тохиолдолд хүн хоолоо барьж “хол явах” шаардлагатай болдог бөгөөд мөн л хоолны ширээг ашиглах магадлал буурч ирдэг.
6.Гал тогооны өрөөнд гэрэлтүүлэг маш чухал тул дор хаяж шарах шүүгээний дээр, угаалтуурын дээр, бэлтгэх ширээний дээр гэрэлтүүлэг төлөвлөж өгөхийг эрмэлзээрэй.
Гал тогооны өрөөний стандарт хэмжээ гэдэг ойлголт бараг үгүй ба учир нь гал тогооны өрөө нь хэмжээ гэхээс илүү тавилгын зохион байгуулалт тэдгээрийн хэмжээнээс хамаарч зохион байгуулагдаж байдаг.
Үүнд дараах хувилбарууд байж болно.
U- ХЭЛБЭРТЭЙ ГАЛ ТОГОО
Ийм хэлбэрийн гал тогоонд “алтан гурвалжин” гэсэн ойлголт хэрэглэгддэг. Хэрвээ гурвалжины гурван өнцгийг А,Б,В гэж үзвэл талуудын урт 40 см-ээс их, 160,0 см-ээс бага байлгахыг эрмэлзэх
Хувилбар – 1
Ийм төрлийн гал тогоо хүний үйл ажиллагаанд хамгийн зохимжтой байдаг. Голын зай 107.0-122.0 см.
Ref-хөргөгч
DW-Аяга таваг угаагч
2 тасалгаатай угаалтуур
Шарах шүүгээ
Хувилбар – 2
Ийм төрлийн гал тогоо хүний үйл ажиллагаанд хамгийн зохимжтой байдаг. Голын зай өргөн байх тусам ашиглалтанд таатай.
Ref-хөргөгч
DW-Аяга таваг угаагч
2 тасалгаатай угаалтуур
Шарах шүүгээ
Хувилбар – 3
Ийм төрлийн гал тогоо хүний үйл ажиллагаанд хамгийн зохимжтой байдаг. Түргэн хооллох хэсгийг нэмж төлөвлөв.Ref-хөргөгч
DW-Аяга таваг угаагч
2 тасалгаатай угаалтуур
Шарах шүүгээ
L- ХЭЛБЭРТЭЙ ГАЛ ТОГОО
Хувилбар-1
Ийм хэлбэрийн гал тогоон цэлгэр, чөлөөтэй мэдрэмжийг төрүүлдэг. Хэрэв ийм төлөвлөлт хийсэн тохиолдолд зэргэлдээх өрөөний тавилгыг гал тогооны хэсгээс аль болох ялгамжтай шууд харьцахгүйгээр байрлуулах нь чухал.Ref-хөргөгч
DW-Аяга таваг угаагч
1 тасалгаатай угаалтуур
Шарах шүүгээ
Хувилбар-2
Хоолны ширээний хамт
Ref-хөргөгч
DW-Аяга таваг угаагч
1 тасалгаатай угаалтуур
Шарах шүүгээ
Хувилбар-3
Жижиг талбайд шийдэх хувилбарRef-хөргөгч
1 тасалгаатай угаалтуур
Шарах шүүгээ
Хувилбар – 4
Ийм хувилбар нь гал тогоог бүрэн бусад өрөөнөөс тусгаарлаж байна.
Ref-хөргөгч
DW-Аяга таваг угаагч
2 тасалгаатай угаалтуур
Шарах шүүгээ
Хувилбар – 5
Ийм хувилбар нь гал тогоог бүрэн бусад өрөөнөөс тусгаарлаж байна. Ref-хөргөгч
Ov-Битүү шарах шүүгээ
DW-Аяга таваг угаагч
2 тасалгаатай угаалтуур
Шарах шүүгээ
II- ХЭЛБЭРТЭЙ ГАЛ ТОГОО (GALLEY)
Хувилбар-1
Ийм хэлбэрийн гал тогоо нь цөөхөн гэр бүлийн гишүүнтэй айлд тохиромжтой ба өнцөг булан, эргэлт байхгүй тул ашиглахад таатай хувилбар юм. Ref-хөргөгч
DW-Аяга таваг угаагч
1 тасалгаатай угаалтуур
Шарах шүүгээ
Хувилбар-2
Ref-хөргөгчDW-Аяга таваг угаагч
2 тасалгаатай угаалтуур
Шарах шүүгээ
Хувилбар-3
Ref-хөргөгч2 тасалгаатай угаалтуур
Шарах шүүгээ
Хувилбар – 4
Ref-хөргөгчDW-Аяга таваг угаагч
1 тасалгаатай угаалтуур
Шарах шүүгээ
Хувилбар – 5
Хооллох ширээтэй хувилбарRef-хөргөгч
Ov-Битүү шарах шүүгээ
DW-Аяга таваг угаагч
2 тасалгаатай угаалтуур
Шарах шүүгээ
Ариун цэврийн өрөө
Ариун цэврийн өрөөний тухайд мөн л тус өрөөнд тавьж буй тоноглолоос шалгаалж өрөөний зохион байгуулалт хамаардаг боловч манай нөхцөлд стандарт хэмжээтэй өрөө гаргаж түүндээ тоноглолоо багтаах болжээ. Ялангуяа амины сууцанд эхлээд өрөөгөө гаргачихаад дараа нь тоноглолоо багтаах гэсэн үзэгдэл их байна. Зүй нь тоноглолоо болж өгвөл сонгочихоод сая өрөөний хэмжээгээ төлөвлөвөл зөв зохион байгуулалт болно.
Тоноглолоос шалтгаалсан төлөвлөлтөд дараах зүйлсийг анхаарна.
Доор дурдсан хэмжээнүүд нь нэгдүгээрт хүний чөлөтэй тухайн тоноглолтой харьцах нөхцөлийг бодолцсон, хоёрдугаар тоноглолд ажил үйлчилгээ хийх нөхцөлийг тооцсон хэмжээ гэж ойлгоно.
Зурагт хамгийн жижиг хэмжээтэй ванныг үзүүлжээ. Ванны урд чөлөөтэй зай талбай хамгийн багадаа 53,0 см өргөнтэй байх шаардлагатай бол хамгийн тохиромжтой нь зай талбай бол ванны өөрийнх нь өргөнтэй тэнцүү буюу 76,0 см юм.
Шүршүүрийн хувьд хамгийн багадаа 76,0 см өргөнтэй байх шаардлагатай бол тохиромжтой өргөн нь 91,0 см болно. Харин шүршүүрийн урд талын чөлөөт зай талбай хамгийн багадаа 61,0 см байх шаардлагатай бол тохиромжтой хэмжээ нь 76,0 см болно.
Суултуурын хувьд түүний төвөөс хоёр тийш нийт хамгийн багадаа 76,0 см шаардлагатай бол тохиромжтой хэмжээн нь 102,0 см болно. Харин урд талдаа 53.0 см шаардлагатай бол тохиоромжтой хэмжээ нь 76,0 см болно.
Угаалтуурын хувьд суултуурт барих хэмжээтэй яг адил бөгөөд түүний төвөөс хоёр тийш нийт хамгийн багадаа 76,0 см шаардлагатай бол тохиромжтой хэмжээ нь 102,0 см болно. Харин урд талдаа 53.0 см шаардлагатай бол тохиромжтой хэмжээ нь 76,0 см болно.Дээрх нөхцөлүүдээс шалтгаалж ариун цэврийн өрөөний хамгийн бага байж болох төлөвлөлтийн хувилбаруудыг үзүүлье.
Хувилбар -1
Манай нөхцөлд зочид буудал, угсармал байруудад түгээмэл байдаг төлөвлөлт.Хувилбар -2
Душтэй хувилбар
Хувилбар -3
Зөвхөн угаалтуур, суултууртай хувилбар. Ханаа дагаж гүйдэг хаалгатай байх.
Хувилбар -4
Хамгийн жижиг хувилбар. Зөвхөн угаалтуур, суултууртай хувилбар. Ханаа дагаж гүйдэг хаалгатай байх.
Амины сууцанд эдгээрээс гадна үүдний өрөө, техникийн өрөө, хүүхдийн өрөө, ажлын өрөө, шашны өрөө гэх мэт гэр бүлийн тань хүсэл сонирхол, мэдрэмжээс шалтгаалсан олон өрөөг төлөвлөж болох ба дээрх бүгдийг төлөвлөхдөө гагцхүү нийтлэлд дурдсан төлөвлөлтийн шаардлагуудыг анхаарч үзэн, сонгож буй тавилга, стандарт хэмжээнүүд дээр тулгуурлан төлөвлөж эхэлбэл сая амьдралд ойрхон, ашиглалтын явцад таатай орчинтой сууцтай болно.
Дараагийн нийтлэлд амины сууцны дотоод агаарын орчныг зөв төлөвлөж, түүнийг өрөөний зохион байгуулалттай уялдуулах нь сэдвээр үргэлжлүүлэх болно.
Үргэлжлэл бий...
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.