Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, Ардчилсан хувьсгалын 32 жилийн ойг тохиолдуулан Монгол Улсын Ерөнхийлөгч Халтмаагийн Баттулга зарлиг гаргаж, Монгол Улсын Хөдөлмөрийн баатар цол, Ардын цол, Гавьяат цол, одон, медаль хүртээлээ.

Харин улс орны хөгжлийн түлхүүр болсон барилга, бүтээн байгуулалтын салбараас "Жигүүр Гранд Групп"-ийн арматурын бригадын даргаар ажилладаг Л.Эрдэнэчимэгийг “Гавьяат барилгачин” цолоор шагнажээ.

1980 оноос өрлөгчнөөр ажлын гараагаа эхэлж, 40 гаруй жил барилга барихдаа Эх нялхсын төв, Нэгдүгээр төрөх, 500 хүүхдийн амбулатори, Чингис зочид буудал болон "Жигүүр Гранд Групп"-ийн томоохон төслүүдэд барилгын арматурын ажлыг хийж гүйцэтгэсэн байна. 

Нийслэл хотын өнөөгийн сайхан өнгө төрхийг бий болоход хувь нэмрээ оруулж буй 32 жилийн түүхт "Жигүүр Гранд Групп"-ээс Монголу улсын “Гавьяат барилгачин” цолоор шагнагдсан 2 дахь эрхэм нь болон хамт олныхоo бахархал нь болж буйд халуун баяр хүргэе.