Өдрийн мэнд. “Солонгын Домог” ХХК сүүлийн үед ямар зорилт тавин ажиллаж байна? 

Баярлалаа. Танай байгууллагатай хамтран ажиллаад 4 жил болсон байна. Япон улсын АЙКА брэндийн албан ёсны эрхтэйгээр барилгын салбарт ажиллаад мөн л 4 жил болжээ. 

Монголд өндөр технологийн, сайн чанартай барилгын материалуудыг Японоос нийлүүлэх, хэрэглэх, ашиглах талаар сургалт зөвлөгөө өгөх, гүйцэтгэх боловсон хүчин бэлдэх зорилготой ажиллаж байна. Цаашдаа бид энэхүү материалуудаараа барилга, замын архитектур, дизайн, засвар үйлчилгээнд түлхүү ажиллах төлөвлөгөөтэй байгаа.    

Японы АЙКА брэндийн бүтээгдэхүүнийг оруулж ирэх болсон бэ?

Японы АЙКА бол маш алдартай өндөр технологийн барилгын цавуу, чулуун будаг, өнгөт хуулга хавтан, сайдинг, шал, байгалийн чулуу үйлдвэрлэлээрээ брэнд болсон компани. Материалууд нь үнэтэй, чанартай, мэргэжлийн хүмүүсийн хорхойг хүргэсэн бүтээгдэхүүнүүд үйлдвэрлэдэг. Энэ гоё бүтээгдэхүүнүүдийг Монголд хэрэглээсэй л гэж хүссэн. Албан ёсны эрхийг авах гэж нэлээд ярвигтай байсан шүү. (инээв)

Цаашдаа Монголд манайхаас өөр компанид бүтээгдэхүүн борлуулах эрхээ өгөхгүй тийм л хатуу үйлдвэр. 

Өндөр технологийн чулуун будагынхаа талаар уншигчдад тайлбарлаач?

Энэ нь ЖОЛИПЭЙТ-чулуун будаг юм. Дэлхий дээр ганцаараа 30-40 жилийн баталгааг өгдөг эко, өнгө алдахгүй, хуурч унахгүй, ус чийг нэвтрэхгүй, чулуу болж хатдаг учраас чулуун будаг гэж нэрлэсэн. Зарим хүмүүс өтгөн болохоор нь чулуун замаск гэж бас нэрлээд байдаг юм. Усан суурьтай тул усаар шингэлээд шүрших, шпатлиар татах, төрөл бүрийн тусгай хээтэй өөрийнхөө өнхрүүшээр явдаг маш гоё будаг. Барилгын гадна фасад, дотор засалд өргөн хэрэглэнэ. Японд хэрэглэхгүй салбар гэж байхгүй юм билээ. Эмнэлэг, сургууль, цэцэрлэг, айл өрх, албан газар, худалдаа үйлчилгээний төвүүд гэх мэт бүгд л хэрэглэх боломжтой гэдгээрээ бас онцлог юм. Одоо Монголд ч бас өргөн хэрэглэгдэж байна. 

Шилэн замаск энгийн замасканаас юугаараа ялгардаг вэ?

Энэ бол АЙКА-д л үйлдвэрлэж байгаа гоёмсог өнгөлгөөний материал. Зөвхөн дотор засал хана, таазны интерьерт ашигладаг. Мөн банны өрөөний плитаны оронд санал болгодог. Ус чийг нэвтрэхгүй, үнэргүй, тунгалаг шпатлиар татаж хэрэглэх маш сонирхолтой бүтээгдэхүүн. Манай загварын өрөөнд үйлчлүүлэгч нарын хамгийн түрүүнд л нүдэнд нь өртдөг материал байгаа юм. 

Дэлхий нийтээрээ эко хандлагаруу шилжиж байна. Танайх ч мөн ЭКО хандлагыг эгнээнд амжилттай нэгджээ. 

Дэлхий тэр аяараа эко байдалруу шилжиж байна. Том том компаниуд, шилдэг технологийн Японы АЙКА шиг үйлдвэрүүд бүгд л хүний эрүүл мэнд, байгальд ээлтэй бүтээгдэхүүнүүдийг нэн тэргүүнд хийж байна. Энэ ч утгаараа бидний импортолж байгаа бүх бүтээгдэхүүнүүд ЭКО гэдгийг л хэлээд байгаа юм.  

Манай барилгын салбар ч эко чиглэлдээ хөгжиж байна. Тиймээс импортолж байгаа барилгын материалын чанарт зайлшгүй анхаарах ёстой юм. Монголд орж ирж байгаа будагны 80 хувьд нь хорт бодис агуулагдаж байгаа судалгаа бий. Японд бол маш хатуу стандартыг баримталдаг. Тиймдээ ч жолипэйт будгийг жирэмсэн эмэгтэйчүүд хүртэл хэрэглэж байдаг. Манай гүйцэтгэлийн багийнхан ч маск хэрэглэдэггүй. Хүний биед сөрөг нөлөөгүй, эко байхаас гадна технологи, өнгө үзэмж нь гайхамшигтай олон сонголттой байдаг. Тиймээс би барилгын материалын салбарт ногоон гэрлээр орж чадлаа гэж бахархалтайгаар хэлээд байгаа юм.

Манайхтай ижил нэр төрлийн бараа бүтээгдэхүүн импортолдог компаниудаас Японы өндөр технологийн эко, чанартай бүтээгдэхүүн нийлүүлдэг, гүйцэтгэл хийдэг өөрсдийн чадварлаг баг хамт олонтой гэдгээрээ ялгаран ажиллаж байна.

Богино хугацаанд ярилцсанд баярлалаа. Танай хамт олны цаашдын зорилго, зорилтод нь амжилт хүсэе. 

Вэб хуудас: https://solongiindomog.barilga.mn/

FB page: https://www.facebook.com/AICAinMongolia

Утас: 9909-5915