“Classen Floor Systems”-н Монгол улс дахь албан ёсны дистрибьютрээр ажилладаг “Экспресс солюшн” ХХК-ийн Гүйцэтгэх захирал Б.Цогтгэрэлтэй тус компанийн бүтээгдэхүүн, үйлчилгээнийх нь талаар ярилцлаа.

Юуны өмнө ерөнхий шалны төрлүүд, тэдгээрийн ялгааны талаар манай уншигчдад мэдлэг болгох үүднээс тайлбарлаач?

Өрх гэрийн хэрэглээнд манайхны хэлж заншсанаар паркетан шал, хулдаас, PVC материалаар хийсэн шал болон плитаг өргөн хэрэглэж байна. Сүүлийн үед шаланд SPC төрлийн шинэ материал ашигласан бүтээгдэхүүн хэрэглээнд нэвтэрч байгаа. Шал нь хальтрахгүй байх, дуу чимээ тусгаарлах, даац авах чадвар, ашиглалтын явцын арчилгаа, урт удаан хугацаанд ашиглах гэх мэт хэрэглэгч талаасаа нэлээд олон шалгуур хангах ёстой байдаг. Үүн дээр нэмээд бүх барилгын дотор заслын материалд тавигддаг хорт хий ялгаруулахгүй байх буюу эко байх гэсэн зүй ёсны шаардлага бий. Дээрх шалны төрлүүд нь хэрэглэгчийн хэрэгцээ шаардлагыг хэрхэн хангаж буйгаараа ялгаатай байдаг л даа. Тухайлбал PVC материал нь хорт хий ялгаруулдаг, хагарч цоорохдоо хялбар гээд сул талуудтай байдаг. Харин мод болон модны түүхий эдээр үйлдвэрлэлийн сайн технологи ашиглан хийсэн ламинатан шал болон модон паркетан шал нь хэрэглэгчийн олон шаардлагуудыг зэрэг хангаж чаддаг учраас нийтлэг хэрэглээ болсон байдаг. 

Мэдээж хэрэг харагдах байдал болоод өрх гэрийн дотоод тохижилттой нийцсэн байдал, хөл нүцгэн алхаж явахад мэдрэх мэдрэмж гээд олон нарийн зүйл бий.  

Classen брэндийн шалны давуу тал? Хэрэглэгчид танай бүтээгдэхүүнийг сонгох шалтгаан юу вэ? 

Маш товчоор хариулбал хэрэглэгч талаасаа тавигддаг хэрэгцээ шаардлагыг бүрэн хангасан байдаг. Үүнд өнгө загварын сонголт, Европ стандартыг бүрэн хангасан чанарын үзүүлэлтүүдтэй гэсэн үг. Тодруулбал, давхар түгжилийн систем, гадаргуу нь матт бөгөөд байгальд буй мэдрэмж төрүүлэхээр синхро хээтэй, ус чийгээс сайтар хамгаалагдсан гээд гол давуу талуудыг нэрлэж болно. Энд онцолж хэлэхэд үйлдвэрлэгч маань ламинатан шалны шинэ трендүүдийг бий болгох бодлого баримталдаг бөгөөд үүний нэг жишээ нь 2020 оноос эхлэн 24 цагийн усны хамгаалалттай ламинатан шалыг түрүүлж зах зээлд нэвтрүүлээд байна. Ус асгарсны улмаас шал нь хөөж зай гарах зэрэг асуудлууд хэрэглэгчдэд гардаг учраас энэ асуудлыг шийдвэрлэхийн тулд илүү нягт, илүү сайн түгжилтийн систем бүхий инноваци шингэсэн бүтээгдэхүүнийг анхлан зах зээлд гаргасан байгаа. 

Нэмж хэлэхэд бид өрх гэрүүдэд урт хугацаандаа хөрөнгө оруулалт болох чанартай, орчин үеийн өнгө загвар бүхий ламинатан шалыг хамгийн өрсөлдөхүйц үнээр санал болгодог. Мэдээж Европын орнуудаас, өмнөд болон хойд хөршүүдэд үйлдвэрлэсэн сайн бүтээгдэхүүнүүд байгаа. Хэрэглэгчдэд сонголтыг бий болгож өгөх, тэдэнд илүү их мэдлэг мэдээлэл хүргэх, эцэст нь хамгийн өндөр сэтгэл ханамжийг үлдээхийг хичээдэг.

Ламинатан шалыг зөвхөн Герман улсад үйлдвэрлэж, олон улсын зах зээлд шууд нийлүүлдэг гэсэн. Тэгэхээр цэвэр үйлдвэрийн шалыг  “дуураймал”  шалнаас хэрхэн ялгах вэ?

Ламинатан шалны хувьд тийм зүйл сонсож байгаагүй. Хамгийн гол нь үйлдвэрлэл нь аль улсад байна, үйлдвэрлэгч өөрөө хэр туршлагатай, олон улсад нэр хүндтэй вэ гэдгийг хэрэглэгч сонирхдог. Classen брэндийн шал зөвхөн Герман улсад үйлдвэрлэгддэг. Бүтээгдэхүүний гарал үүслийн гэрчилгээг бид харилцагчдад үзүүлэх тохиолдол байдаг. Нэмж хэлэхэд манай ширхэг шал бүрийн ард “Made in Germany” хэвлэл шошго мөн үйлдвэрлэсэн цаг минут, дахин давтагддаггүй бар код байрладаг.

Classen брэндийн шалны бүтэц, ус даах чадварын талаар?

Маш зөв асуулт байна. Хэрэглэгч ламинатан шалны ус даах чадварт хамгийн их санаа тавьдаг. Өмнө би дурдсанчлан Classen компани 2020 оноос эхлэн шинэ технологиор 24 цагийн усны хамгаалалттай шал үйлдвэрлэснийг манай дэлгүүр борлуулдаг. Шалны бүтэц яривал хэт техникийн талруугаа хазайх болов уу. Шалны гол их бие өндөр нягтрал бүхий хавтан, түүнд суулгасан түгжилтийн систем, чийгний хамгаалалт бүхий үе байдаг. Нэмээд гадаргуугийн үзүүлэлт буюу үрэлтэд хэр тэсвэртэй байгааг харуулах өнгөн гадаргуу чухал хэсэг байдаг. 

Өөр санал болгож буй бүтээгдэхүүний талаар? 

Бид ламинатан шалны зөөлөвч дэвсгэр, шалны хүрээг мөн санал болгож байгаа нь хэрэглэгч олон газар явж цагаа үрэхгүй байхад тусалдаг. Түүнчлэн шал угсралтын үйлчилгээг санал болгодог. Шалны өнгө, загвар нийтлэг биш,  хэмжээний хувьд өргөн, яг байгалийн цэвэр модны хээ, ярыг харуулсан өнгө дизайнтай, суурилуулахад хялбар мөн олон нийтийн газар ашиглаж болох чанарын үзүүлэлттэй.

Танай зүгээс хэрэглэгчид, худалдан авагчдадаа “ямар” бүтээгдэхүүн нийлүүлэхийг зорьдог вэ?

Бид хэрэглэгчдийн таашаалд бүрэн нийцсэн, өрх гэрт нь эрүүл эко орчин бүрдүүлсэн, урт хугацаандаа хөрөнгө оруулалт болох тийм бүтээгдэхүүнийг үйлчилгээтэй нь хамт түргэн шуурхай нийлүүлэхийг зорьж байна. Мэдээж хэрэг барилгын төслүүдэд төслийн үнэ цэнийг нэмэхүйц өнгө загвар чанарыг зах зээлийн өрсөлдөхүйц үнээр санал болгохыг нэг зорилтоо болгосон. 

Цаашид бид гадаргуугийн үзүүлэлт хамгийн өндөр, усны хамгаалалттай шалыг зах зээлд түлхүү нэвтрүүлэхийг зорьж байгаа. 

Ярилцлагынхаа төгсгөлд манай бүтээгдэхүүнийг сонгодог бүх хэрэглэгчид, харилцагчдадаа талархал илэрхийлье. 

Сайт: https://classen.barilga.mn/
Хаяг: Мишээл барилгын их дэлгүүр №12 showroomУтас: 91118175, 91118175, 90995595И-мэйл: classeninmongolia@gmail.com