“Классфлоор” нь 2005 онд үүсгэн байгуулагдсан Америк, Турк, БНХАУ, Солонгос, Бельги зэрэг улсуудаас дорожи, гар хивс, хиймэл зүлэг,  бүх төрлийн шал болон дагалдах материалыг импортоор оруулж ирж буй салбартаа тэргүүлэгч  компани юм. 

БАРИЛГА МН сайтын зүгээс бараа бүтээгдэхүүнээ үйлдвэрлэлээс нь шууд гарт тань хямд үнэ, өндөр чанартайгаар нийлүүлэхээр зорилт тавин ажиллаж буй “Классфлоор”  компанийн Ерөнхий Захирал Х.Жаргалтай ярилцсан ярилцлагыг хүргэж байна. 

Классфлоор компанийн оруулж ирдэг бүтээгдэхүүнүүдийг хүмүүс мэдэх байх. Тэгэхээр зарим нэр төрлийн барааг тодотгож асуусан нь дээр болов уу. Тухайлбал дорожны  талаар асуумаар байна? 

Манай компанийн хувьд бүх төрлийн дорожийг оруулж ирдэг. Тухайлбал оффисын дорожи гэж ярьдаг угсардаг дорожийг хүмүүс ихэвчлэн гэртээ авч хэрэглэдэг. Яагаад гэхээр үс нь ширүүн. Ширүүн үстэй байгаа шалтгаан нь оффист хөлний ачаалал даах чадвартай, утас нь бүдүүн, гогцоо үүсдэггүй, машинаар угаахад ачаалал даана, резинен артай гэдэг шалтгаанаар оффисын зориулалттай угсардаг. Монголд энэ ширүүн үстэй дорожиг гэртээ хэрэглээд байдаг, уг нь бол зориулалт нь биш. Жишээ нь гэрт угсардаг дорожи суурилуулвал жаахан хүүхдийн нүүр, ам халцрах ч асуудал гарч болно.

Дөрвөлжин дорожи нь PР болон нелон дорожи гэж хоёр төрөл байдаг,  ялгаа гэвэл бусдаас утсаараа ялгаатай. Нелон гэдэг нь утас нь тасрахгүй, нөгөөх нь polyster polymer буюу РР нь  арай хямд байдаг. Ихэнх хүмүүс дорожи сонгохдоо зузаан л бол сайн  гэж боддог. Миний хэлмээр байгаа зүйл бол дорожины утас суух, налах зэргийг ялгахад амархан. Утсыг нь хажуунаас нь үзэхээр эрчилсэн байдаг энэ нь босоод байдаг. Харин утас нь ширхэг ширхгээрээ эрчлээгүй бол тэр дорожины утас суудаг.Тийм учраас л үнийн зөрүү гардаг. Өөрөөр хэлбэл адилхан зузаан мөртлөө утасны бүтэц, шинж чанараасаа шалтгаалаад үнэ хэлбэлздэг юм. 

Дахин хэлэхэд ямар ч дорожинд нягтрал гэж байдаг, утас нь шигүү нягтралтай байх тусам л үнэтэй, утас нь сул байхаар арай хямдхан болдог. Ерөнхийдөө утаснаасаа шалтгаалж л үнэ нь хэлбэлздэг болохоос хэрэглээ талаасаа ямар ч ялгаагүй. Тиймээс би хүмүүст би заавал үнэтэйг биш хямдыг нь санал болгодог, яагаад гэхээр хэрэглээ талаасаа яг адилхан үнэ нь ч боломжийн гэхээр гайхах тохиолдол их гардаг. Яагаад үнэтэйг нь биш хямдыг санал болгоод байгааг гайхдаг л даа. Ихэнх хүмүүс хамгийн сайн, үнэтэйг  нь авъя гэдэг тохиолдлууд бий л дээ. 

Ер нь паркет, мод,  хулс ч гэдэг юмуу шалнуудын хоорондын ялгаа нь юу юм бэ? Хэрэглэгчид сонголтоо хийхийн тулд юу мэддэг байх хэрэгтэй вэ?

Энэ их чухал асуудал, хүмүүс ихэвчлэн паркетан шал авья гэдэг, гэтэл паркет гэдэг нь ерөнхий нэр,  дээрээс нь энэ бол тусдаа цэвэр мод байдаг. Байгалийн цэвэр модоор хийсэн шалыг л паркет гэж байгаа юм. Манайхны ихэнхдээ ухуулга хийдэг гоё үзэмжтэй шалнууд бол   ламинат гэсэн үг л дээ. Модны үртсийг шахаад өөрөөр хэлбэл хаягдлаар нь хийдэг гэсэн үг.

Мөн спортын зориулалтын шал гэж бий. Энэ нь суурьтайгаа ирээд угсрагддаг, дифференциалд орохгүй, цаанаасаа хатаад, стандартын шаардлага хангасан бүтээгдэхүүн юм.  Мөн ямар төрлийн спортоосоо хамаараад шал нь өөр өөр байдаг. Жишээлбэл сагсан бөмбөгийн заалны шал гэхэд л техникийн үзүүлэлт, даац, эргэлтийн цэг гэх мэтээр олон үзүүлэлтийг мэдэж байж сонголтоо хийх ёстой. Харамсалтай нь манайхан мэдээлэлгүйгээс болоод буруу сонголт хийх нь бий. Манай компанийн зүгээс сайтаа шинэчилж,  хүмүүсийг энэ талын мэдлэг, мэдээлэлтэй болгохын тулд ажиллаж байна.

Хулсан шалны хувьд? Бусад төрлийн шалнаас ялгарах онцлог давуу тал нь юу юм бэ?

Хулсан шалны хувьд манай улсад ашиглахад тохиромжгүй, учир нь хулс чийгтэй орчинд ургадаг, цэвэр хулсаар шал хийдэг учраас Монголд хэрэглэхэд тохиромжгүй, хатах магадлал өндөр. Үйлдвэрээс нь авчраад нэг жил ч юмуу өнгөрсөн, эсвэл тэндээ үйлдвэрлээд удаан хугацаа өнгөрсөн байвал ерөнхийдөө диффренциалд орохгүй гэсэн үг. Дөнгөж шинээр гарсан, сайн хатаагаагүй юмуу хямд үнэтэй хулс худалдаад авчихвал диффренциалд ордог. Манай компани диффренциалд орохгүй, инженерийн шийдлээр давхарлагдсан хулсан шал оруулж ирдэг.

Монголчуудын хувьд үнэ дагаж чанар гэсэн ойлголт түгээмэл байдаг. Гэтэл танай компанийн танилцуулга дээр хямд үнээр чанартай бүтээгдэхүүнийг хэрэглэгчийн гарт нийлүүлнэ гэсэн байсан. Энэ талаар тодруулж асуумаар байна л даа. 

Хямд үнээр чанартай бүтээгдэхүүн хэрэглэгчийн гарт хүргэх нь манай зорилго мөн. Манай хувьд ганцхан шаланд зориулсан 4 давхар 700 мкв агуулах бий. Захиалгаар бараа авчирдаг газрууд урд хөршөөс ч юмуу бага багаар, түүвэр ачаагаар бүтээгдэхүүн авчирдаг. Харин манай тухайд туслах материал байсан ч үйлдвэрээсээ шууд нийлүүлэгдсэн чингэлэг дүүрэн ирдэг учраас үнэ нь хямдхан байдаг. 

Бид ерөнхийдөө бараа бүтээгдэхүүнийг их хэмжээгээр аваад агуулахдаа хадгалдаг, дагалдах бүтээгдэхүүнийг заавал рекламдах шаардлагагүй хурдан зарагдаж дуусдаг. 

Үйлдвэрээс шууд бараа нийлүүлснээр зардал бага, үнэ хямд байдаг мөн дээрээс нь манайх олон төрлийн бараа оруулж ирдэг учраас эргэлт сайтай, өндөр үнэ тавих шаардлагагүй. 

Хүмүүс гаднаас бүтээгдэхүүн оруулж ирээд өндөр үнээр зарж ашиг хийхийг чухалчлах нь бий. Харин манай хувьд олон нэр төрлийн бараа бүтээгдэхүүн оруулж ирдэг учраас бүтээгдэхүүн эргэлдэж байх нь илүү чухал, нэг бараа зарагдахгүй байлаа ч нөгөө нь зарагдаад ашгаа нөхөөд явдаг. Хамгийн гол нь манай бараа агуулахад бэлэн байдаг учраас нэг бүтээгдэхүүнийг их хэмжээгээр авахыг хүссэн хэрэглэгчдэд тустай байдаг.  

Классфлоор бусад компаниас юугаараа ялгарах вэ? Ер нь танай компанийн оруулж ирдэг бараа бүтээгдэхүүн бусдаас ялгарах давуу тал нь юу вэ? 

Миний бодлоор Классфлоор компанийн бусдаас ялгарах онцлог нь өнгөний сонголт гэж хэлмээр байна. Хамгийн эхлээд би хуучин, шинэ загвар аль нь ч байсан бүх хүмүүст зориулж өнгөө сонгодог. Улаан, цэнхэр, ногоон, хар  гэх мэт хүн худалдаж авахгүй байсан ч олон сонгоод оруулж ирдэг. 

Хэрэглэгч худалдаж авахгүй байх нь хамаагүй, хамгийн гол нь энд бүх төрлийн өнгө, дэлхийн дэвшилтэт технологи, цаг үеэсээ хоцрохгүй сонголт байдаг гэсэн ойлголт авах нь илүү чухал юм. 

Түүнчлэн манай бүтээгдэхүүн олон улсын CO /country original/  стандартыг хангасан байдаг. 

Танай компани бүтээгдэхүүнээ суурилуулж өгдөг гэсэн шүү дээ. Тэгэхээр баталгаат хугацааны талаар асуумаар байна?

Нэгдүгээрт суурилуулалт дээр манайхаас нэг жилийн баталгаа өгдөг,  энэ  хугацаанд дахин суурилуулах гэсэн асуудал 20 жилийн хугацаанд одоог хүртэл бидэнтэй таараагүй байна. Хоёрдугаарт суурилуулалтад хамгийн чухал нь чийг, шалны талбай, агаар ямар байх гэдэг ч юмуу гүйцэтгэх нөхцлүүдээ мэдэж байж хийх ёстой. Материал дээр үйлдвэрээс шууд ирдэг учраас хайрцаг, уут сав баглаа бүрт дугаар байдаг тул 100% баталгаатай гэсэн үг. 

Ярилцсанд баярлалаа. Танд ажлын амжилт хүсье.

Баярлалаа

Компанийн албан ёсны вэбсайт: https://classfloor.barilga.mn

 http://shal.mn

Хаяг: Floor Market салбар 1 - БГД, 21-р хороо, Горькийн гудамж 331 тоот 

 Floor Market салбар 2 - БГД, 4-р хороо, Гермес центр C-29

Холбогдох утас: 75779611, 9666-9611, 96668964

И-мэйл:  kjargal@yahoo.com