“Барилга МН” барилгын салбарын удирдах ажилтнууд, мэргэжилтнүүд, салбарын олон нийтэд мэдээлэл түгээх, тэдний  хамтын ажиллагааг нь өргөжүүлэх зорилгоор цуврал вебинар хэлэлцүүлгийг тодорхой сэдвийн хүрээнд тогтмол зохион байгуулж байгаа билээ. 

Энэ удаагийн вебинарыг “Архитектур ба хот төлөвлөлт” сэдвээр 2021.05.19-ний 10 цагт онлайнаар "Монголын архитекторуудын эвлэл"-тэй хамтран зохион байгуулах гэж байна. 

Хэлэлцүүлгийн үндсэн илтгэгчээр БХТ-ийн ХАНБНСТ-ийн хэлтсийн дарга н.Одбаяр, Хот төлөвлөлт, судалгааны институтийн газрын дарга Ч.Рэгзмаа "Монголын ногоон барилгын хүрээлэн" ТББ гүйцэтгэх захирал Б.Батжав нар хэлэлцүүлгийн сэдвийн хүрээнд вебинар тавина. 

Мөн хэлэлцүүлэгт оролцогч Хот байгуулалт хөгжлийн газар, МАЭ, ЗТЗХ, МБИХ болон архитектор, хот төлөвлөгч, салбарын удирдах албан тушаалтнууд вебнарын төгсгөлд дээрх сэдвийн хүрээнд тулгамдаж буй асуудал, гарц шийдлийн талаар хэлэлцүүлэг өрнүүлэн түүнийг нэгтгэн дүгнэж, оролцогчдоос гарсан санал хүсэлтийг холбогдох газарт хүргүүлэх юм.

Тус хэлэлцүүлэг ZOOM-ээр явагдаж давхар barilga.mn Facebook хуудсаар LIVE хэлбэрээр, мөн Youtube сувгаар видео болон цацагдана.  

Зохион байгуулагч: Барилга МН

Хамтран зохион байгуулагч: МАЭ

ХЭЛЭЛЦҮҮЛЭГ ҮНЭ ТӨЛБӨРГҮЙ

Та хэлэлцүүлгийн арга хэмжээнд бүртгүүлэх бол ЭНД дарна уу

Дэлгэрэнгүй мэдээлэл авах утас:

99907816, 99907814