Дэлхий даяар эко био, тогтвортой архитектур руу аажмаар шилжих хандлага нь одоогийн бидний нүдэнд зөвхөн иргэний барилгад үр дүнтэй харагдаж байгааг анзааран энэхүү цуврал нийтлэлээ бэлтгэлээ. Олон улсын тогтвортой архитектурын шагнал, LEED, BREEAM, Zero energy building зэрэг шаардлагуудад өндрөөр үнэлэгдсэн үйлдвэрийн барилгуудийг хүргэж байна. /*Байр эзлүүлэн дугаарлаагүй болно.

Архитектор: AntiStatics Architecture 

Байршил: Бээжин, Хятад

2019-2020

Загварын салбарын нэхмэл эдлэл, хэв маягаас санаа авч, Бээжингийн загварын үйлдвэр нь хуучин аж үйлдвэрийн газрыг шинэчилж, бүтээлч ажлын олон талт хамтын нийгэмлэг болгон дахин төлөвлөжээ. Нэхмэлийн шинж чанар нь янз бүрийн дотоод болон гадаад орон зай, тэдгээрийн холболт, тусгаарлалтыг тодорхойлдог дизайны драйвер болгон ашигладаг. Энэхүү төлөвлөлт нь хувцасны загвар зохион бүтээгчийн палитраас санаа аван, оёх, хэвлэх, нэхэх зэрэг хэд хэдэн арга техникийг консепцдоо ашигласан. Онолын хувьд эдгээр үйл явц нь онолч Готфрид Семперийн архитектурын анхны үзэл баримтлалтай уялдаж, хана гэсэн үгийн этимологийг нэхмэл, даавууны гарал үүслээс улбаалан, орон зайн хуваагдлыг тоосго, чулуугаар тодорхойлдоггүй байжээ.

Ерөнхий төлөвлөгөө

Одоо байгаа аж үйлдвэрийн дэд бүтцийн давуу талыг ашиглан газар дээр нь үлдсэн үлдэгдэл олдворуудыг ландшафтад ашиглаж, дахин боловсруулах, дахин ашиглах замаар цогцолборыг бий болгосон. Одоо байгаа барилгуудын дотоод засварын ажилд COVID гэх мэт цар тахлын түүхэн нөлөөг харгалзан үзсэн бөгөөд нэгж тус бүрийн интерьерийг хувийн орон зайг хөндөхгүй байхаар төлөвлөсөн байв. Нийгмийн холын эрин үед мульти үйл ажиллагаанд зориулагдсан өргөн талбай бүхий хашаанууд, аливаа дотоод хамтын орон зайг арилгах нь оффис, студиуд зэрэг нь вирусын тархалтыг бууруулахад хэрэг болно. Оффис, студи дотор жижиг интерьер бүлгүүд үүсч болох боловч HVAC системүүд нь зөвхөн эдгээр орон зайд хамаарч, тэдгээрт үүсэх бохирдлоос урьдчилан сэргийлэхэд онцгой анхаарч ажилласан.

Фасад ба ландшафтын дизайн

Үйлдвэрийн В бүсийн хашаанд хамгийн “загварлаг туршилт” буюу хамгийн содон хийцтэй хэсэг байдаг. Энэхүү хашааг нэвтрэх бүсээс ялгаатай, өвөрмөц орчинд салан орсон мэт сэтгэгдэл төрүүлдэг. Макро масштабын дагуу оёдлын талаарх архитектурын хэлээр тоглож, орон зайг бичил хэмжээний оёдлын том хэмжээний графикаар хооронд нь холбож өгдөг. Шугам ба нуман хаалганы энгийн байршил нь орон зайн туршид тасралтгүй байдлыг бий болгож, нэг барилгын фасадыг ландшафтаар нөгөө барилгын фасаданд оёдог. Эдгээр энгийн бөгөөд давтагдсан хөдөлгөөнүүд нь орон зайд хүчтэй хэмнэл, хөдөлгөөнийг бий болгож, нүд нь ландшафтаас фасадад, ар тал руу нь дамжин ул мөрийг гаргах боломжийг олгодог бөгөөд угсарч, бүтээхэд хялбар энгийн эд ангиудын модулыг ашигладаг.

Фасад ба ландшафтын уялдаа. Консепц диаграмм

Фасадны диаграмм ба хэсэглэл

Материалийн инноваци

Аж үйлдвэрийн уян төмөр торыг ашиглах нь сонгодог архитектурын тогтоцуудын хатуу геометрийн зөөлөн мэдрэмжийг өгдөг. Шөнө, өдрийн хооронд өөр өөрөөр харагдах тор нь өдрийн цагаар хатуу, энгийн харгадаж, бүс нутгийн тодорхойлдог бол шөнийн цагаар арын гэрэлтүүлэгтэй тор нь даавуун дундуур дээши доош чиглэн тасралтгүй оёсон шугам болон гэрэлтдэг. Геометрийн нуман хаалга, ландшафтын эргэлт нь цааш үргэлжлэх зурвасын төгсгөлийг эргүүлж харуулах бөгөөд ингэснээр барилга нь тодорхойлогч болж, доторх болон гаднах үйл ажиллагааг ялгааг илэрхийлдэг.

Нийтийн орон зай

Үйлдвэрийн дотор ба гаднах аль ч хүмүүст тав тухтай байлгахаар нийтийн орон зайг санал болгосон. Театр, үзвэрийн талбай, үзвэрийн танхим, загварын алхах тайз, урлагийн галерей, хөгжмийн газруудыг багтаасан дүүрэг нь том, жижиг хэмжээний арга хэмжээ урлагийн дүүрэг болгон дасан зохицох боломжтой. Бээжингийн энэхүү Загварын үйлдвэр нь олон нийтийн олон төрлийн хөтөлбөр, арга хэмжээнүүдийг зохицуулах бүрэн боломжтой бөгөөд энэ нь тухайн газар дээр ажиллаж буй хүмүүсийн туршлага, нэр хүндийг дээшлүүлэх төдийгүй гаднаас уригдсан зочдыг оролцуулан хувийн ба нийтийн талбайг нэгтгэж байна. Ийнхүү оффис нь зөвхөн ажил хийх зориулалттай газар биш, харин хотын асар их бүтээлч байдал, үйлдвэрлэлийг харуулсан соёлын очих цэг болох хотын доторх татах цэг болж ажиллах боломжийг олгож байгаа юм.