Та гэртээ “бяцхан” өөрчлөлт хиймээр байгаа бол доорх санаануудыг туршаад үзээрэй. Эдгээрийг  хэрэгжүүлэхэд танд DIY туршлага эсвэл мэргэжлийн хүний тусламж хэрэггүй. Дэлгүүрээс шууд худалдан авах боломжтой бэлэн бүтээгдэхүүнүүдийн тусламжтайгаар гэртээ багахан өөрчлөлт хийцгээе. 

Хаалганы бариулаа солих- Гэрийнхээ хаалгануудын бариулыг солих нь хурдан бас амарханаар дотоод тохижилтоо шинэчилж буй “хөөрхөн” арга юм. 

Агуулахаа цэгцлэх- Та агуулахаа бүхэлд нь цэвэрлэх гэж байгаа бол спортын тоног төхөөрөмж зэрэг хүнд хэрэслүүдийг хананд өлгөж болох юм. Үүнийг хийхэд танд ханын тогтоогч хэрэгтэй. Эсвэл зориулалтын сагс ашиглан агуулах доторхыг цэгцэлж болно. Ингэснээр доторх зай талбайг чөлөөлж, цэвэрлэгээ илүү хялбар, үр нөлөөтэй болно үг.

Агааржуулалтын хаалтыг будах- Агааржуулалтын хаалт яагаад заавал цагаан өнгөтэй байх ёстой гэж? Шүршигч будгийн тусламжтай өөр өнгөөр будаж болно шүү дээ. Харин будахдаа агааржуулалт сайтай газар сонгохоо мартуузай. /гадаа будвал илүү тохиромжтой/ Түүнчлэн дахин суурилуулахаас  өмнө 24-28 цагийн турш бүрэн хатаах хэрэгтэй шүү. 

Гал тогооны тавилганы бариулыг солих- Ямар ч гал тогоонд тавилганы хаалга эсвэл бариулыг солих нь шинэчлэлт болж чадна. Шинэ бариул худалдан авахаасаа өмнө тавилганы хаалган доторх шураг хоорондын зайг хэмжиж үзэхээ санаарай. Ихэнх бариулууд стандарт хэмжээтэй байдаг боловч дахин хэмжилт хийснээр зөв, сайн бариул сонгоход туслана. 

Хаалга будах- Та амины орон сууцанд амьдардаг бол хаалганыхаа будгийг солисноор гадна тохижилтын хувьд өнгө үзэмж нэмэгдэх ач холбогдолтой. Энэ нь танд их цаг зарцуулах юм шиг санагдаж байвал шинээр хаалга худалдан авч сольж болох юм.  

Гэрэл шилжүүлэгч хавтанг солих-Хүний гар хамгийн их хүрдэг гэрийн хэсэг бол унтраалга. Энэ хэсэг толбо тогтох, хагарах цуурах зэргээр элэгдэлд орох нь бий. Тэгвэл үүнийг солихдоо заавал цагаан бус өөр өнгө, хэв загвартайг сонгож болно. Гэрэл шилжүүлэгч хавтангийн Toggle (стандарт унтраалга) ба Decora (хавтгай, тэгш өнцөгт унтраалга) гэсэн үндсэн хоёр төрөл байдаг. 

Ханандаа холимог галлерей бүтээх- Олон төрлийн зураг чимэглэлэлээс бүтсэн галлерейг ханандаа бүтээх нь янз бүрийн хэв маягийг гэрийн засал чимэглэлд оруулах гайхалтай арга юм. Тухайлбал Сагс, цэцэг, цаг, зургийн жааз, ижил өнгөтэй зүйлс гэх мэтийг ашиглан өөрийн хүссэн хэлбэрээр ханаа чимэглэж болох юм. 

Гэртээ кофены булантай бол- Хэрэв та гэрээсээ ажиллаж байьал кофены завсарлага авах нь зүйн хэрэг. Тэгвэл гэрийнхээ аль нэг хэсгийг зөвхөн кофенд зориулан тохижуулаарай. Эсвэл гал тогоондоо цөөн хэдэн нэмэлт зүйл хийх боломжтой хэсгийг олоорой. Одоо хэрэглэж буй цай болон кофены аягыг ялган, өөрийн дуртай данх эсвэл аягануудаа жижиг ширээн дээр байрлуулж болох юм. 

Хаврын уур амьсгал оруулсан чимэглэл сонгоорой- Та гэртээ байсан ч гадаах уур амьсгалыг мэдрэх боломжтой. Хаврын урь орж, модод нахиалж байгаа энэ үед гэртээ ургамал, бут сөөгний төрлийн чимэглэл оруулаад үзээрэй.