Вьетнам улсын нийслэл Ханой хотод байгальд ээлтэй хүүхдийн цэцэрлэгийг “Лава архитектур” компани барьжээ. Энэхүү цэцэрлэг нь 6,300 мкв талбайг эзлэх ба архитектор Крис Боссе, Тобиас Валлисер, Александр Рик нарын хамтын бүтээл юм. Интерьер дизайны Module K, Viet Décor зэрэг компаниуд хамтарч барилгын дотоод заслыг хийсэн байна. Тэд хүүхдийн хөдөлгөөнд тулгуурласан, сонирхлыг нь татахуйц, ба сурах хөгжих орчныг байгальтай ойр байлгахаар  дотоод тохижилтыг хийсэн ажээ.

Уг барилга гадна болон дотор хэсгийг нь холбосон гурван тусдаа хэсгээс бүрдэж, хүүхдүүдийг гүйж харайж тоглох сонирхлыг төрүүлэхүйц ба  архитектур талаасаа аюулгүй байдлыг бүрэн хангажээ. 

“Дизайны хувьд барилгын хэлбэр, энгийн архитектурын элемент, үндсэн өнгө, өөр хоорондоо ялгаатай фассад болон цонхнууд зэрэг нь хүүхдийн насанд тохируулан хүүхдийн өсөлт хөгжлийн төлөө зорилгыг агуулсан.” хэмээн тус компанийн захирал Крис Боссе хэлсэн байна.