“Барилга МН” нь барилгын салбарын мэргэжилтнүүд, уншигчдадаа мэдлэг мэдээлэл түгээх зорилгоор цар тахлын үеийн салбарын нөхцөл байдал, компаниудад тулгамдаж буй асуудлууд, цаашдын чиг хандлагын талаар “Барилгын зах зээлийн нөхцөл байдал ба чиг хандлага” цахим хэлэлцүүлгийг МБҮА-тай хамтран 5-р сарын 5-ны 10 цагт ZOOM-ээр зохион байгуулагдлаа. 

Барилга МН-ийн ерөнхий захирал Г. Батсүх болон МБҮА-ийн ерөнхийлөгч 

Д. Цэрэнжигмэд нар хэлэлцүүлгийг нээж үг хэлсэн юм.  

Хэлэлцүүлгийн үндсэн илтгэгчээр Барилга МН-ийн ерөнхий захирал Г.Батсүх, Эдийн засагч Ж. Дэлгэрсайхан, Барилга МН-ийн Мэдээлэл технологийн албаны дарга Д. Алтан-Очир нар оролцож 

-Цар тахлын үеийн эдийн засгийн нөхцөл байдал 

-Барилгын зах зээл ба Маркетинг 

-Барилгын салбарын цахим шилжилт зэрэг сэдвийн хүрээнд илтгэл тавилаа. 

Хэлэлцүүлэгт барилгын салбарын мэргэжилтнүүд, удирдах албан тушаалтнууд оролцож илтгэлийн сэдвийн хүрээнд асуулт тавьж, хэлэлцүүлэг өрнүүллээ. 

Уг хэлэлцүүлэг нь тодорхой дэд сэдвийн хүрээнд 5 цувралаар буюу 14 хоногт 1 удаа зохион байгуулагдах бөгөөд дараагийн хэлэлцүүлэг 5-р сарын 19-ний өдөр 10 цагт зохион байгуулагдана.