Түүхийг тодотгох нь: Lasvit Шилэн оффис
Архитектор : OV-AБайршил: Новый Бор, Чех улс
Төлөвлөлт: 2014-2017
Угсралт: 2017-2019
Талбай: 1580 м2
Үйлчлүүлэгч нь Новый Бор хотын төвд түүхэн хоёр байшинг компанийн төв байр болгох зорилгоор худалдаж авсан ба тэдгээр нь 19-р зуунд шилэн эдлэлийн цех байжээ. Тухайн үед хүмүүс эдгээр барилгуудад амьдарч хоёр зуун жилийн туршид барилгад янз бүрийн өөрчлөлт бүтээн байгуулалтыг хийж байсан. Хорьдугаар зууны хоёрдугаар хагасыг дуустал шилэн эдлэлийн сургууль хүртэл энэ барилгад үйл ажиллагаа явуулж байсан бөгөөд он удаан жил үнэ цэнийг нь хадгалж үлдсэн учир түүхэн дурсгалт газраар үлдээсэн байна.
Үйлчлүүлэгч буюу Lasvit хүсэлт нь шил үйлдвэрлэх уламжлалт аргыг үргэлжлүүлж, орчин үеийн шил, гэрлийг хослуулсан компанийн төв байрыг бий болгох явдал байв. Тус компанийн бүтээгдэхүүн дэлхийн өнцөг булан бүрт байдаг бөгөөд шилэн үйлдвэрлэлийн хамгийн шилдэг нь юм.
Архитектур нь шилэн эдлэлийн уламжлалыг тусгасан бөгөөд дараа нь Lasvit компанийн ажил, дизайны хэв шинжийг тодотгон харуулсан байна. Энэхүү загвар нь ердийн хоёр давхар шилэн байшинг одоогийн байдлаар нь байлгаж, цогцолборын нэг функциональ хэсэг болгон нэгтгэжээ. Шилэн байшин нь компанийн дотоод кафе, хурлын өрөө, бас номын санг багтааж байгаа юм. Хоёр дахь нь 5 тонн жинтэй шилэн эдлэлийн 1: 1 масштабтай дээжийг танилцуулах орон зайг санал болгодог хар байшин юм.
19-р зууны эхэн үеийн уламжлалт барилга болон контемпрари шилэн гэсэн хоёр барилгыг ижил төстэй хэмжээтэй, хэлбэртэй хийсвэр хар, цагаан өнгийн хоёр орон зайн хэлбэрээр түүхэн барилгыг үзэмжийг дарагдуулахаас сэргийлж, эсрэгээрээ тодруулахын дээр өөрсдийн барилгыг 200 жилийн үнэ цэнтэй болгон төлөвлөсөн байна.
Түүхэн жагсаалтад багтсан 170, 171 тоот хоёр байшинг сэргээн засварлахдаа гадна ханан дээр шавар гипсээр дулаалж, дээврийн хөндийг аль болох чөлөөтэй байлгахын тулд зарим ханыг нурааж цэвэрлэсэн. Шаланд сүлжээ, агааржуулагч зэргийг байрлуулахын тулд акустик, халалт зэргийг тооцон шалны цутгалтыг давхарлан хийсэн бөгөөд аль болох хэв шинжийг алдагдуулахгүй байгалиар зүйрлэвэл онгон дагшинаар хадгалахыг хичээсэн тул түүхэн архитектурыг хэвээр үлдээж чадсан гэж найдаж байгаа.
Latvis энэхүү төслөө үргэлжлүүлэх зорилготой байгаа бөгөөд талбай руу харсан тав дахь байшин, олон нийтэд зориулсан кафе, хэд хэдэн оффис барихаар төлөвлөж байна. Зургаа дахь байшинтай блокоо дуусгаснаар доторх цэцэрлэгийг тойрсон цогцолборыг бүхэлд нь барьж дуусгах болно.
