Барилгын материалын борлуулалтын 5 стратеги
Барилгын материалын борлуулалт нь улс орон бүрт идэвхтэй хийгддэг, их хэмжээний хөрөнгө эргэлддэг өргөн хүрээтэй салбар юм. Тиймээс энэ чиглэлээр ажилладаг дилер, борлуулагчид эрэлтэд найдан тайвширч, үйлчлүүлэгчдээ илүү татах, үнэнч хэрэглэгч болгох тал дээр төдийлөн хүчин чармайлт гаргахгүй, орхих хандлагатай байдаг.
Аливаа бизнес нь хэрэглэгчийн хэрэгцээг хангах зорилготой, үйлчлүүлэгчийг хамгийн чухалд тооцох ёстой тул ийм хандлага байх ёсгүй юм. Хэрэв та өөрийнхөө компани, брэндийг шилдэг гэж бодож байгаа бол эдгээр 5 борлуулалтын стратегийг барилгын материалд ашиглахыг зөвлөж байна.
Үйлчлүүлэгчээ таньж мэддэг байх Барилгын материалын аль ч төрлөөр үйл ажиллагаа явуулдаг байсан борлуулалтын эхний дүрэм бол үйлчлүүлэгчээ таних юм. Тиймээс хэрэглэгчээ илүү таньж мэдэхийн тулд тэднээс санал асуулга авч, хүсэл сонирхлыг нь мэдэж авах хэрэгтэй. Үүнээс гадна шалгарсан нэг арга бол барилгын үзэсгэлэнд оролцох. Үзэсгэлэн нь танай бүх бүтээгдэхүүн, үйлчилгээ хэрэглэгчийн хэрэгцээг хангахад зориулагдсан, асуудлыг нь шийдэхэд чиглэгдсэн байх тул бүтээгдэхүүнийг тань сонирхож байгаа үйлчлүүлэгчдийн хэрэгцээ шаардлагыг тандаж, түүнд нь тохирсон саналыг тавих хэрэгтэй.
Жишээлбэл удахгүй гэр бүл зохиогоод тусдаа гарах гэж буй хоёр залуугийн хүсэл, зорилго өөр өөр байж болно. Нэг нь хязгаарлагдмал төсвийн хүрээнд хувийн орон сууцтай болохыг хүсэж байхад нөгөөх нь ямар ч үнээр хамаагүй мөрөөдлийн хаустай болохыг зорьж магадгүй юм. Тиймээс үйлчлүүлэгч бүр юу хүсч байгааг мэдэж, бүтээгдэхүүнээ янз бүрээр, олон хувилбартай санал болгох нь өрсөлдөгчөөсөө ялгарах давуу талыг танд олгоно.
Үйлчлүүлэгчдэдээ зөвлөгөө өгдөг байхИхэнх үйлчлүүлэгчид дэлгүүрт орохдоо юу хүсч байгаагаа огт мэдэхгүй ирдэг бөгөөд барагцаагаар дотроо бодсон байдаг. Жишээлбэл, дулаалгын материал л хэрэгтэй гэж бодсон ч галд шатдаггүй юу, хорхой шавжнаас хэрхэн хамгаалдаг, чийг авбал ямар үр дагавар бий болдог талаар ямар ч мэдээлэлгүй байх нь бий.
Тиймээс зөвхөн зочны асуултад л хариулах бус асуух гээд мэдэхгүй байгаа зүйлийг таамаглаж, тохирсон зөвлөгөөг өгч чаддаг байх ёстой. Таны худалдааны зөвлөх робот шиг байж болохгүй юм. Зөвхөн энэ үйлдэл таны үйлчлүүлэгчдийг танайхаар үйлчлүүлэхээр дахин ирэхэд хүргэх болно.
Хэрэглэгчээ дагах буюу эргэх холбоо тогтоохБорлуулалтын гурван үе шат байдаг. Эхнийх нь үйлчлүүлэгчдийг татах, хоёрдугаарт бүтээгдэхүүнээ борлуулах, гуравдугаарт дагах стратеги юм. Сүүлийн алхмыг ихэнх барилгын материалын худалдаа эрхлэгчид хэрэггүй гэж эндүүрдэг төдийгүй бараагаа зарсан л бол тухайн хэрэглэгчийг мартдаг гэж хэлэхэд болно.
Хэрэглэгчээс танай компанийн барилгын материал, үйлчилгээний талаарх санал сэтгэгдлийг нь сонсож, тэдний хэрэгцээ бүрэн дүүрэн хангагдсан эсэх, танай дэлгүүрээр дахин үйлчлүүлэхэд ямар сайжруулалт хийхийг хүсч байгааг асууж мэдэх нь маш чухал. Эргэх холбоо тогтоож, сэтгэгдэл авах нь таны бүтээгдэхүүн, үйлчилгээг сайжруулахад туслахаас гадна дараагийн үйлчлүүлэх бусад хэрэглэгчдэд тулгарч болзошгүй асуудал, бэрхшээлийг хурдан арилгахад тусалдаг.
Бүтээгдэхүүнээ зах зээлд гаргахЭнэ стратеги мөн л бусдын адил ач холбогдол өндөр юм. Маркетинг нь бүх бизнесүүдэд зориулагдсан байдаг. Таны бизнест хангалттай ачаалал өгч, таны бараа бүтээгдэхүүн хүссэн хэмжээнд хүртэл борлуулагддаггүй нэг шалтгаан нь үйлчлүүлэгчид таны бизнес буюу бараа бүтээгдэхүүний талаар мэдээлэлгүй байх явдал юм. Хэрэглэгч таны ямар төрлийн материал санал болгож байгааг ойлгодоггүй төдийгүй ихэнх тохиолдолд танай байршлыг ч мэдэхгүй байх нь элбэг. Борлуулж буй бараа материалынхаа онцлогийг мэдэрч, зорилтот хэрэглэгчдэд хүрч чадах сувгаар дамжуулах, байршуулах нь чухал юм. Жишээлбэл, танай компани цемент борлуулдаг гэж үзвэл цементийг олон нийтэд чиглэсэн телевиз, мэдээний сайт, сонингоор цацаад төдийлөн үр дүн гарахгүй. Харин барилгын салбарын удирдлагууд, мэргэжилтнүүд, шийдвэр гаргах төвшний хүмүүсийн уншдаг хэвлэл мэдээллийг хэрэгслийг олж сонгох нь чухал юм.
Түүнчлэн олон компаниуд борлуулалтаа өсгөж, хэрэглэгчийн тоогоо нэмэхийг хүсдэг ч МАНАЙ компанид вэб сайт хэрэггүй, маркетингийн зардал төсөв хүрдэггүй, маркетинг хийж амждагүй, хариуцсан ажилтан байхгүй гэх мэт бэрхшээл яриад суух нь таны хүсэл, боломж хоёрыг эсрэг тэсрэг зүйл болгож буй явдал юм.
Борлуулалтаа өсгөж, хэрэглэгчээ нэмэхийг хүсэж л байгаа бол тодорхой золиос буюу цаг хугацаа, төсөв, хамгийн гол нь зорилтот сувагтаа чиглэсэн идэвхжүүлэлт хийж байж тодорхой хугацааны дараа үр дүнд хүрэх нь гарцаагүй юм.
Гэрээт борлуулагчидтай хамтран ажиллахЗарим барилга байшин барьж буй хөрөнгө оруулагч болон эзэд өөрсдөө барилгын материалаа худалдаж авдаг. Ихэнх тохиолдолд зах, дэлгүүр явж материалаа сонгох нь төвөгтэй ажил тул гэрээт борлуулагчдын гарт даатгаж үлдээдэг. Хөрөнгө оруулагчид гэрээт борлуулагчдаас зөвлөгөө авч, худалдан авалт хийдэг. Энэ нь гэрээлэгчдийн эрэлт хэрэгцээг ихэсгэж, харилцаа холбоо тогтоох шаардлагатай чухал хүмүүсийн жагсаалтад оруулдаг байна. Гэрээт борлуулагчид таны бараа материалыг худалдан авагч буюу эздэд санал болгоход хангалттай хэмжээний мэдээлэл мэдлэгтэй болгох нь ханган нийлүүлэгч таны чухал үүрэг болох юм.
Дээрх таван стратегыг та зөв цагт нь үр дүнтэй хэрэглэснээр үйлчлүүлэгчдийнхээ хэрэгтэй газар нь байршиж, танай компани хэрэглэгчдийнхээ хувьд хамгийн чухал байгууллага болж чадах болно.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.