Урин дулаан цаг болж, байгаль орчиндоо ойр, цэвэр агаартгэр бүл, үр хүүхдүүд, зочидтойгоо өдрийг зугаатай сайхан өнгөрөөх мөч удахгүйирнэ. Та эзэмшлийн газартаа хувийн байшин хаустаа амрах амралт тань тохьтухтай, бүрэн дүүрэн, аз жаргалтай байх ёстой. Ийм амралтын гол хэсэг ньамттай  хоол хийж, ил галд мах шарж гэрбүлийнхэн найзуудтайгаа ярилцах, хамт хооллох явдал юм. Тэгвэл эзэмшлийнгазрынхаа нэгээхэн хэсэгт мах шарагч, шорлогны зуух, шарах шүүгээ бүхий амарч,хооллох зориулалттай сүүдрэвч, байшинг барьж болох ба энэ нь зуны гал тогоо чболох боломжтой юм.

Гал тогоо ил задгай байхад бороо, салхи тэр ч байтугай зунымөндөр ч амьдралын энэ баяр ёслолын урилгагүй зочин болдог. Дээврийн доорбайрлах гал тогоо нь  байгалийн үзэгдлээснайдвартай хамгаална. Мах шарагч, зуух бүхий зуны гал тогоо ньтаны цэцэрлэг, гадна тохижилтын ландшафттай тохирч байхаас гадна тавигдахүндсэн шаардлагыг хангаж байхын тулд дизайныг нь сайн гаргасан байх хэрэгтэй. Үүнийг хийхийн тулд мэргэжлийн хүнээс зөвлөгөө авах, зураг төсөл гаргах,материал тоног төхөөрөмж сонгох, цахим сайтуудад зочилж загвар сонгох, видеобичлэгүүд үзэж болох юм. Томзуухны цогцолбор төлөвлөж байгаа бол түүнд нэмэлт талбай, суурь, барилгын ажилхэрэгтэй болно. Энгийн зөөврийн ч гэсэн танд зай талбайгаа хуваарилж, төлөвлөхшаардлагатай болно.

Энэ удаад та бүхэнд зуны гал тогооны талаар санаа өгөхөөр зөвлөгөөг хүргэж байна. 

1. Задгай талбай: Улирлын шинж чанартай, зөвхөн дулааны улиралд ашиглах чулуун, зөөврийн төмрөөр хийсэн мах шарагч, зуухыг эзэмшлийн газрынхаа талбайд сонгон байрлуулж ширээ сандал тавьж зуны налгар сайхан өдөр хооллож болох юм. Чөлөөт агааржуулалттай газартай зуны гал тогоонд бүтээлч шийдэл шаардахгүй. Махыг технологийн дагуу шарахад шаардагдах тоног төхөөрөмжөө байрлуулах газраа зөв сонгох,   салхины чиглэл, нар тусах байдлыг харгалзах, байгалийн нөлөөтэй шууд харьцахыг санах, гал голомтын найдвартай аюулгүй байдлыг хянахад хангалттай. Задгай орчинд байрлуулахад зөөврийн, хөнгөн жинтэй, зөөж тээвэрлэх, ашиглахад хялбар тоног төхөөрөмжийг сонгох нь зүйтэй.

Задгай талбайд байрлуулснаар зуны дэлгэр цагт л ашиглах боломжтой.

Зөөврийн төмөр хийцтэй загвар

2. Хагас задгай орчин: Хагас задгай хийц нь хамгийн сайн сонголт гэж үздэг. Үндсэн хийцэд мод, хөнгөн металл хийц, гүйдэг хаалга, нугастай хавтан, сүүдрэвч, саравчийг ашиглаж болох ба дээвэр, саравчийн доор байрлах тул түр зуурын байгалийн нөлөөнөөс хамгаалах, нүүрсний утаа, тааламжгүй үнэр зэрэг нь хурдан арилахаас гадна ширээ сандал, тавиур тавцан байрлуулснаар тохь тухыг хангана. Ихэвчлэн модон, металл сүүдрэвчийг ашиглаж болох ба гэр бүл болон зочдын тоо, тоног төхөөрөмжийн овор хэмжээ, галын аюулгүй байдал зэргээс шалтгаалж, талбай, сүүдрэвчийн хэмжээг сонгох ба загвар дизаиныг сайн гаргах хэрэгтэй.

                                                                       Хагас задгай орчин-сайн сонголт

3. Агааржуулалттай битүү орчин: Зуны гал тогоог дотор, тусдаа жижиг байшинд ч юм уу, амбаар, цонхтой битүү сүүдрэвчинд байрлуулснаар улирлын хамаарал, цаг уурын бэрхшээлийг хайхралгүйгээр тохь тухтай амарч, хооллож цагийг зугаатай өнгөрөөх болох юм.  Үүний тулд агааржуулалттай  битүү орчинд яндан бүхий зуух, мах шарагчийг тоноглосон байх бөгөөд энэ нь зочдын хажууд шууд хоол хийх боломжийг олгодог. Зуухны дизайныг урьдчилан бодож үзэх хэрэгтэй бөгөөд бусад хэсэгт саад болохооргүй, галын аюулгүй байдлыг бүрэн хангасан байх шаардлагатай. Сонирхолтой сонголт бол Финлянд гал тогоо бөгөөд энэ нь байшингийн яг төвд нь гал голомтыг байрлуулах боломжийг олгосноор гоо зүйн үзэмж, орчин үеийн дизайнаар ялгагдана.Энэ санаа нь мах шарах, хоол хийх, ширээнд тохьтой суух, тэр ч байтугай буйдан дээр хэвтэх боломжийг олгодог. Энэ загвар нь нилээд уян хатан бөгөөд нэг дор хэдэн хүн амарч, хооллохоос шалтгаалан сонголтоо хийж болно.

Финлянд загварын төвд нь мах шарагч, зуухаа байрлуулдаг

Уншигч та мах шарагч, зуух бүхий зуны гал тогоог байрлуулах, талбайг сонгохдоо дараах зүйлийг анхаараарай:

-тохиромжтой байрлалыг сонгох- харьцангуй тэгш газар, нар сайн тусдаг байх;

-харагдах байдлаар сайн, ус тогтохгүй толгод дээр ч сонгож болно;

-хий, цахилгаан утас, шатамхай материалаас хол байх;

- хашаа, хөршүүдээс хол байх;

-салхины чиглэлийг тооцож байрлалаа сонгох;

-гоёл чимэглэлийн элементүүдийг сонгож чимэглэх;

-орон зайг оновчтой ашиглах хоол хийх бүс хамгийн бага зайг эзлэхээр, амралтын талбай том байхаар төлөвлөх;

-угаалгын өрөөтэй байвал сайн, дэргэд нь худаг гаргах зэргээр усан хангамжийг тооцох;

-мах шарагч, шарах шүүгээ, зуухаа зэрэгцүүлэн байрлуулах, өрөөг бүслэх нь чухал;

Гал тогоог амрах, хооллох байрнаас тусдаа ч байрлуулж болно.

Мах шарагч, шорлогны  зуух:  Мах шарагч, шорлогны зуухны загварыг сонгоход дараах хүчин зүйлс шууд нөлөөлдөг - ашиглах давтамж, түүний байршил, овор хэмжээ, суурин, зөөврийн аль нь болох, хэрэв та өөрөө хийхийг хүсч байвал загвар дизайнаа гаргах, материал худалдаж авахад хөрөнгө оруулах хэрэгтэй болно.

Мах шарагч нь суурин, хөдөлгөөнт, зөөврийн, угсармал, эвхэгддэг болон цахилгаан гэх мэт төрлүүдтэй байна.

Суурин: Ихэвчлэн бетонон суурин дээр байрлуулсан овор ихтэй байдаг. Тоосгон, чулуун, цутгамал суурьтай төмөр хийцтэйгээр шийдэж болно. Зуслангийн байшин, замын хажуугийн кафед хамгийн тохиромжтой ба удаан эдэлгээтэй боловч суурилуулах нь ихээхэн зардал шаарддаг ба тохиромжтой газар олоход бэрхшээлтэй байдаг.

Зөөврийн: Улирлын шинж чанартай зусландаа ашиглах, байгальд аялахад эвхэгддэг металл хайрцагтай зөөврийн мах шарагч, шорлогны зуухыг ашиглах нь тохиромжтой. Давуу тал нь зөөж тээвэрлэхэд хялбар, хөнгөн жинтэй, хурдан угсарч, задлах ашиглахад хялбар байх ба ашиглахгүй үедээ түүнийг задалж, хуурай өрөөнд хадгалах хэрэгтэй. Энэ нь элементүүдийн зэврэлтээс зайлсхийх, улмаар ашиглалтын хугацааг уртасгахад тусална.

Мах шарагчийг хийгдсэн материалаар нь металл, тоосгон, чулуун болон холимог гэж ангилна.

Тоосгон загвар: Шарах шүүгээ, мах шарагчтай зуухыг тоосгоор барьж болно. Энэ нь ихэвчлэн суурин байдлаар хийгддэг тул саравчинд юм уу байшинд байрлуулбал тохиромжтой. Тоосгон өрөгт гол төлөв керамик тоосгыг хэрэглэдэг ба шарах хэсэгт галд тэсвэртэй тоосгыг хэрэглэвэл зохино. Тоосгон зуух нь удаан эдэлгээтэй, бат бөх чанартай, гал тэсвэрлэх чадвар сайн, дулаан хадгалалт сайтай зэрэг давуу талтай боловч өртөг өндөртэй, хийхэд хөдөлмөр зарцуулалт ихтэй байдаг. Мэргэжлийн хүний тусламжтай өөрсдийн сонирхолд нийцсэн загварын дагуу тоосгон зуухны эскиз зургийг гаргаж төсвөө тооцоолон материалаа зөв сонгож, суурь хийж, зургийн дагуу өрөх хэрэгтэй. Схем зурагт гаднах байдал, үндсэн болон нэмэлт элементүүд болох шарах хэсэг, түлээ хадгалах хэсэг, хаалга, яндан зэргийг тусгаж өгнө. Битүү болон хагас задгай орчинд заавал утаа зайлуулах яндан төлөвлөх хэрэгтэй.

Мах шарагчийн энгийн тоосгон загвар

Шарах шүүгээтэй, хоол хийх хэсэгтэй тоосгон зуухны загвар

Төмөр хийцтэй загвар: Төмөр хийцтэй мах шарагч нь хямд өртөгтэй, цэвэрлэх, тээвэрлэх, ашиглах, угсарч задлахад хялбар, дулааныг сайн хадгалдаг, аюулгүй байдал хангагдсан, өөрсдийн хүчээр ч хийх боломжтойгоороо давуу талтай. Гар хийцийн төмөр мах шарагчийн холбоосуудыг гагнаж хийхээс гадна боолт ашиглан холбож болох ба галд тэсвэртэй төмрийг ашиглана.  Төмөр хийцтэй мах шарагчийг суурин болон зөөврийн хэлбэрээр байрлуулна. Суурин ашиглах үед хөлийг нь бетонд суулган бэхлэх ба зөөврийн үед жижиг хөнгөн жинтэй төмрөөр хийдэг. 

Мах шарагчийг өөрсдийн хүсэл сонирхолд нийцүүлэн сонгож авах ба өөрийн хүчээр хийхээр бол ашиглах газар, хооллох хүний ​​тоо, зураг төсөл, загварт нийцүүлэн тодорхой стандарт хэмжээсүүдийг дагаж мөрдөх хэрэгтэй. Мах шарагчийн хананы өндөр, гүн нь хамгийн чухал ба металл, цутгамал төмрийн загвар нь зөвхөн нүүрсний жинг төдийгүй түлээ модыг тэсвэрлэх чадвартай байх хэрэгтэй. Хэрэв та түлээ ашиглана гэж бодож байгаа бол гүнийг 30 см хүртэл болгоорой. Сараалжийг ашиглахдаа зориулалтын нүүрс нь түүнд ойрхон байх ёстой бөгөөд нүүрснээс мах хүртэлх хамгийн их зай нь 20 см орчим байвал зохимжтой. Урт нь их байх тусам түүнийг шилжүүлэхэд илүү төвөгтэй байдаг ба нүүрсний хэрэглээ нэмэгдэж, температурын оновчтой горимыг хадгалахад илүү хэцүү болдог тул 100 см орчим байвал тохиромжтой гэж үздэг. Зөөврийн мах шарагчийн хувьд урт нь 60-80 см байвал хангалттай ба шорлогны хоорондох зайг 7-10 см-ээр тооцоолно. Хамгийн тохиромжтой өргөний хэмжээ нь 30-40 см. Зөөврийн, эвхдэг мах шарагчийн хувьд хөлний шаардагдах өндөр нь 30 см орчим байдаг. Хэт өндөр хийвэл бүтэц нь тогтворгүй болж, доод хэсэгт нь тоос шороо, хог хаягдал орж болно. Суурин мах шарагчийн хувьд хөлний өндөр 80-100 см, энэ нь хамгийн сайн шийдэл байх болно.

Төмөр хийцтэй мах шарагч, шорлогны зуух нь ашиглахад хялбар байдаг.

Зуны гал тогоондоо мах шарагч төлөвлөхдөө галын аюулгүй байдал, загвар дизайнд дараах зүйлсийг анхаарч үзээрэй:

-Зуухаа байрлуулах суурин талбай

-Мах шарагч буюу зуухны талбай

-Галын хайрцагнаас суудал хүртэлх зай гурван метрээс багагүй

-Ширээ тавиур, вандан сандал зэргээр тохижуулах

-Чимэглэл ба дизайны элементүүд хийх

-Хэрэв барилгын ажлыг ландшафтын дизайныг харгалзан гүйцэтгэсэн бол төслийн дагуу түүний элементүүд /усан горхи, гоёл чимэглэлийн гүүр, хашаа гэх мэт/-ийг хийж өгнө

-Ил галаас мод, байгууламж хүртэл таван метр, ханан тал хүртэл 0.5 метрээс багагүй байх ёстой

-Ил галын урд хэсгийг галд тэсвэртэй материалаар хучих /элс, бетонон хавтан,чулуу гэх мэт/

-Бүх модон элементүүдэд галд тэсвэртэй бодис түрхэж хамгаалах

Цэвэр агаарт гэрийн нөхцөлд найз нөхөд , гэр бүл, хайртай дотны хүмүүстэйгээ хамтдаа зориулалтын нүүрс, аргал хомоолоор цогшуулан шарсан ил галын амттай шорлог , шарсан мах хийж идэхэд тохиромжтой тоног төхөөрөмжийг өөрсдийн хүчээр хийж, саравч сүүдрэвч барьж,  гэртээ хийсэн хоолноос илүү амттай, анхилуун үнэртэй болохыг мэдрэх тэр агшин, боломж танд ч бас байна.