Альфийн нуруунд байрлах толин байшин
Швейцарийн Альпийн нуруунд байрлах "Мираж Гстаад" хэмээх энэхүү толин байшин нь АНУ - ын архитектор Даг Айткений бүтээл юм. Швейцарийн Гстаад дахь үзэсгэлэнт нугад баригдсан эл байшин битүү толиор бүрхэгдсэн бөгөөд жилийн дөрвөн улиралд байгалийн үзэсгэлэнт төрхийг ойлгон харуулж, Альпийн нурууны үзэсгэлэнт төрхийг улам тодруулдаг аж.
Уг байшинг алсаас харахад байгалиас ялгарч биш уусаж харагддаг бөгөөд яг л алга болсон мэт сэтгэгдэл төрүүлдэг. Байшин дотор ороход гадаа байгальд байгаа мэт санагддаг. Дотоод засал нь калейдоскоп, гэрлийн тусгалыг ашиглан гэнэтийн тусгалыг бий болгосон юм.
Уг байшинг загварыг XX зууны эхэн үеийн калифорнийн фермерийн байшингийн дизайнаас санаа авч, дэлхийн алдарт архитектор Фрэнк Лойд Райтын бүтээлийн онцлогийг шингээсэн аж. Америк болон хөгшин Европын уламжлалыг аль алиныг нь харуулахыг зорьжээ.
Энэхүү байшин нь түүний 3 дахь толин бүтээл юм. Өмнө нь 2017 онд Палм спрингсийн гаднах элсэн дунд Desert X толин байшин, 2018 онд Детройт дахь банкны доторх шилэн хэсгийг бүтээжээ.
Гэвч сүүлийн үед энэхүү байшин нь шувуу ажиглагсдын зүгээс шүүмжлэл дагуулаад байгаа. Хурдтай нисэж буй шувууд уг байшинг харахгүйгээр мөргөж байгаа талаар ярьжээ. Үүний хариуд архитектор Айткон "Байшин Швейцарийн шувуу хамгаалах нийгэмлэгтэй зөвлөлдөж, барилгын ханын 3 см тутамд хар зураас татсан. Ингэснээр нүүж яваа шувууд байшинг харах боломжтой" хэмээн тайлбарлажээ.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.