Дэлхий даяар эко био, тогтвортой архитектур руу аажмаар шилжих хандлага нь одоогийн бидний нүдэнд зөвхөн иргэний барилгад үр дүнтэй харагдаж байгааг анзааран энэхүү цуврал нийтлэлээ бэлтгэлээ. Олон улсын тогтвортой архитектурын шагнал, LEED, BREEAM, Zero energy building зэрэг шаардлагуудад өндрөөр үнэлэгдсэн үйлдвэрийн барилгуудийг хүргэж байна. /*Байр эзлүүлэн дугаарлаагүй болно./

Архитектор: Design Unit Architects Sdn Bhd

Байршил: Малайз

Талбай: 15000м2

Барилга ба эдэлбэр газрын үнэр, дуу чимээ, хүрэлцэх, орчны харагдацыг байгаль ногоон байгууламжид тулгуурлан, хамгийн боломжит хэмжээгээр ойр байлгахаар төлөвлөсөн. Ой модноос тулгуур авсан хучилт нь оффис болон гадна талбайг модульд хуваахаас гадна халуун орны нарнаас хамгаалдаг. Аль ч давхраас ой мод зэрэг байлалийн элементтэй шууд харьцаж болох учир завсарлагаа, уулзалт эсвэл зүгээр л бодлоо цэгцлэн суухад маш таатай орчинг бүрдүүлсэн нь уг оффисыг дизайны үйлдвэрлэлийн кластер болоход маш чухал үүрэг гүйцэтгэж байна.

Үйлдвэрийн хэсэг нь ландшафт болон тэнгэрийг бүрэн харагдуулах бүрэн шилэн фасадан дээр бетон хаалт хийн гялбалтаас хамгаалсан.

Ногоон байгууламж нь шилэн фасадаас шууд орж ирэх халуун орны хурц нарны туяаг бууруулахас гадна тусгайлан хийсэн шалны хөргөлтын систем болон хөдөлгөөнт агааржуулах технологийн хамтаар эрчим хүчийг энгийн оффисоос 2 дахин зарцуулагдах эрчим хүчийг хэмнэн тогтвортой хөгжлийн бодлогод нийцсэн барилгыг бий болгож байна.

Хүчитгэсэн бетон, метал бүтээц, шил зэрэг нь хэлбэрийг нарийн төвөгтэй гаргахад ашиглагдалгүй харин эсрэгээрээ барилгыг юу болох, яаж хийгдсэн, бидэнд яаж нөлөөлөхийг илэрхийлэхийг зорин, уг байгууламж болон байгууллагын нүүр царай болгосон ногоон байгууламж ой модыг тодотгон өгсөн.

Тогтвортой байдал – Төсөл хэрэгжиж эхэлснээс хойш үйлчлүүлэгчийн гол хүсэлт нь эрчим хүчний хэмнэлттэй, цаг уурын мэдрэмжтэй барилга байгууламж барих байсан ба тогтвортой дизайны зарчмууд нь эрчим хүч, усны үр ашиг, өдрийн гэрэлтүүлэг, биофилиа зэрэг байгальтай холбогдох хүний үндсэн хэрэгцээг хангах ажлын байрыг бий болгох зорилго тавьжээ.

Мөн зөвхөн өдрийн гэрлийн тусламжгүйгээр ямар ч цаг агаарын нөхцөлд үйлдвэрийн хэвийн үйл ажиллагааг хангахын тулд жигд тархацтай бүдэг LED гэрэлтүүлгийг ашигладаг.

Шалны хөргөлтийн систем нь үйлдвэр, албан тасалгааны туршид бетонон хавтананд суулгагдсан PEX хоолойгоор ажилладаг. Аль гэрэлтүүлгийн үед шалыг гялбалт үүсгэхгүй байхаар тооцон өнгөлгөө хийгддэг бөгөөд хавтангуудыг ойролцоогоор 21 ° C хүртэл хөргөж, дотоод агаарын температурыг заагдсан хэмжээнд барихад туслан ердийн агааржуулагчаас 50 хувиар бага эрчим хүч зарцуулдаг.

https://emonarchitecture.wordpress.com/