Нийслэлийн Засаг даргын А/265 тоот буюу ”ГАМШГААС ХАМГААЛАХ БҮХ НИЙТИЙН БЭЛЭН БАЙДЛЫН ЗЭРЭГТ ШИЛЖҮҮЛСЭНТЭЙ ХОЛБОГДУУЛАН АВЧ ХЭРЭГЖҮҮЛЭХ ЗАРИМ АРГА ХЭМЖЭЭНИЙ ТУХАЙ” захирамж гарсан. Захирамжаар дөрөвдүгээр сарын 10-ны 06:00 цагаас дөрөвдүгээр сарын 25-ны 00:00 цаг хүртэл бүх нийтийн бэлэн байдлын зэрэгт хэсэгчилсэн байдлаар шилжүүлэхээр болсон билээ.

Тэгвэл А/265 тоот захирамжийн 2.9-д Эрчим хүч, инженерийн байгууламж, уул уурхай, зам, барилга, газар тариалан эрхэлдэг байгууллага аж ахуйн нэгжийн ажилтан, албан хаагчдыг нэгдсэн зохион байгуулалтад оруулж, тухайн объект, ажлын байранд халдвар хамгааллын дэглэмийг мөрдүүлж ажлын тусгай горимоор ажиллуулах гэж заасан байна. Гэвч хөл хорионы үеэр үйл ажиллагаа нь зөвшөөрөгдөх БАЙГУУЛЛАГУУДад барилгын салбар гэж заагдаагүй байгаа юм.

Энэ мэтчилэн гаргасан тушаалууд хоорондоо зөрчилдөж барилгын салбарын аж ахуйн нэгж байгууллага, ажилтнуудын ажилдаа очих, буцах хөдөлгөөнийг хориглосноор тэд байгууллага дээрээ байрлаж ажиллахаас өөр аргагүйд хүрч байна.