Та бүхэнд 30 мкв багтаамжтай чиргүүлэн дээрх сууцыг танилцуулж байна. Энэхүү сууц нь хоёр давхар ба дээд давхартаа унтлагын өрөөтэй. Харин доод давхартаа гал тогоо болон ажлын өрөөтэй, шатны ард талд нь цахилгаан хэрэгслүүд болон угаалгын өрөө байрлана. Дотоод интерьерийн хувьд "минималист" хэв маягийн дизайнтай ба 2021 онд тренд болж буй байгалийн материал буюу модон элементүүдийг оруулж өгсөн байна. Энэ нь сууцын доторх цагаан өнгөтэй хосолсноор илүү орчин үеийн, тав тухтай орчин бүрдүүлэхэд нөлөөлж байгаа юм.