Дэлхий даяар эко био, тогтвортой архитектур руу аажмаар шилжих хандлага нь одоогийн бидний нүдэнд зөвхөн иргэний барилгад үр дүнтэй харагдаж байгааг анзааран энэхүү цуврал нийтлэлээ бэлтгэлээ. Олон улсын тогтвортой архитектурын шагнал, LEED, BREEAM, Zero energy building зэрэг шаардлагуудад өндрөөр үнэлэгдсэн үйлдвэрийн барилгуудийг хүргэж байна. /*Байр эзлүүлэн дугаарлаагүй болно./
Архитектор: BIG фирм
Байршил: Норвеги

2020 он 
Талбай: 6501 м2

Норвегийн ландшафтын тавилга /сандал, хогийн сав г.м/ үйлдвэрлэгч Vestre компанитай хамтран BIG нь Норвегийн ойн дунд байрлах дэлхийн хамгийн тогтвортой тавилгын үйлдвэр болох The Plus-ыг танилцуулж байна. Ландшафтын тавилгыг хамгийн цэвэр, нүүрстөрөгчийн агууламжгүй хийцтэй болгоход зориулагдсан тосгон-үйлдвэр байхаар төлөвлөсөн The Plus нь тогтвортой архитектур, өндөр үр ашигтай үйлдвэрлэлийн дэлхийн чиглэл байхыг зорьж байна. Норвегийн сүүлийн хэдэн арван жилд тавилга үйлдвэрлэлийг хангасан үйлдвэрлэгчийн хувьд 6,500 м2 талбай бүхий нээлттэй үйлдвэрлэлийн байгууламж нь ногоон үйлдвэрлэлийн салбарыг бий болгох эрхэм зорилгын дагуу үйл ажиллагаагаа явуулж, явган аялал, кемпийн зориулалттай 12 га гаруй талбайг бүхий нийтийн цэцэрлэгт хүрээлэн болгон ногоон байгууламжийн хэмжээг хоёр дахин нэмжээ.

Мөн баригдаж дуусвал Нордикийн бүс нутгийн байгаль орчны хамгийн өндөр гэрчилгээтэй BREAM Outstanding-д хүрсэн анхны үйлдвэрийн барилга болно. Бүх материалыг хүрээлэн буй орчны нөлөөллөөр сайтар сонгож, фасадыг орон нутгийн мод, бага нүүрстөрөгчийн бетон ба дахин боловсруулсан арматурын ган төмрөөр хийсэн болно. “Paris Agreement Proof” барилга байхаар төлөвлөсөн бөгөөд дизайны бүхий л талууд нь Vestre-ийн экологид ээлтэй үйлдвэрлэлд тохирсон сэргээгдэх, цэвэр эрчим хүчний зарчмууд дээр суурилж, харьцуулж болох үйлдвэрүүдээс хамгийн багадаа 50% бага хүлэмжийн хий ялгаруулдаг.

Энэхүү барилга нь төв хэсэгт холбодог агуулах, өнгөт үйлдвэр, модны үйлдвэр, угсралт гэсэн дөрвөн үндсэн үйлдвэрлэлийн танхимаас бүрдсэн радиаль массив хэлбэрээр баригдсан юм. Зохион байгуулалт нь үйлдвэрлэлийн хэсгүүдийн хоорондох үр ашигтай, уян хатан, ил тод ажлын урсгалыг хангаж, уулзвар дээр нь “нэмэх” хэлбэрийг бий болгодог. The Plus-ийн төвд үйлдвэрлэлийн бүх дөрвөн танхимтай шууд холбогддог төлөвлөлтийн алба, үзэсгэлэнгийн төв байрладаг бөгөөд Vestre-ийн ажилчдад ажлын төлөвлөлтийг хамгийн их үр ашигтайгаар боловсруулах боломжийг олгодог.

Үйлдвэрийн технологийн хувьд бүхэлд нь удирдан зохион байгуулах ухаалаг робот, өөрөө явагч ачааны машин, таблет зэрэг Industry 4.0 шийдлүүдийг ашиглах болно. Энэхүү техник хэрэгслүүдийн өнгөлөг байдал нь Vestre үйлдвэрлэлийн байгууламжийн ажлын урсгалыг удирдан чиглүүлж, тайлбарлахад тусалдаг харааны шинж тэмдгүүдийг өгдөг бөгөөд ингэснээр зочид музейгээр аялж байгаа мэт үйлдвэрлэлийн явцыг хялбархан дагаж мөрдөх боломжийг олгодог. Үйлдвэрүүдийн дотор жигүүр тус бүрт налуу дээврийг бий болгож, үйлдвэрлэлийн танхимууд дотор, гадна талд нь ой харагдахаар төлөвлөсөн байна. Өнгө, модны үйлдвэрийн дагуу налуу дээврийг өргөтгөж, зочид, ажилтнуудад барилгын доторх үйлдвэрлэлийн явцыг дагаж явахад барилга дээр өгсөж уруудах замыг бий болгоно. Үйлдвэрлэлийн дөрвөн хэсгийг 21 м-ийн чөлөөтэй, хөндлөн давхарласан модоор босгож чөлөөт зайг бий болгоно. 3 меьр өргөн үйлчилгээний коридор нь хэсэг тус бүрт техникийн дэд бүтэц, бүтцийн тогтвортой байдлыг хангаж өгдөг.
Барилгын дөрвөн талаас зочид, ажилчдыг байгууламжийг тойрон алхаж, дээврийн ногоон террас зэргээр тавилгын үйлдвэрийг ой доторх хотхон музей болгон тохижуулжээ. Хэн ч нэвтрэх боломжтой налуу зам нь нарс модны дунд байх гайхалтай байдлыг мэдрэх боломжийг олгодог. Дээвэр дээр 1200 нарны хавтанг оновчтой өнцгөөр ашиглалтын дагуу байрлуулснаар хавтангаас гарах илүүдэл дулааныг хөргөх, халаах, хүйтэн хадгалах сав, дулааны насос, эрчим хүчний худаг зэргийг мөсөн устай системд холбож, хадгалах систем болгон ашигладаг бөгөөд ерөнхийдөө систем нь эрчим хүчний хэрэгцээг дор хаяж 90 хувиар бага түвшинд байлгахад тусалдаг.