Улсын төсвийн хөрөнгөөр “Дэлүүн болдог” нисэх буудал баригдаж эхэллээ
Хэнтий аймгийн Дадал сум дахь “Дэлүүн болдог” шинэ нисэх буудлыг шинээр барих бүтээн байгуулалтын ажлыг энэ сарын 9-нд шавийг нь тавьсанаар эхлүүллээ.
Хэнтий аймгийг аялал жуулчлалын бүс болгох төр засгийн бодлого шийдвэрт үндэслэн Иргэний нисэхийн ерөнхий газар /ИНЕГ/ 2016 оноос Дадалын нисэх буудлыг шинэчлэн барих төлөвлөлтийг хийж ирсэн юм.
Энэ төлөвлөлт Их Эзэн Чингис хааны түүхт аялал жуулчлалын үндэсний парк байгуулах ажилтай уялдаж улсын төсвийн хөрөнгө оруулалтаар "Дэлүүн болдог" нисэх онгоцны шинэ буудлыг барих хөрөнгө оруулалт өнгөрсөн онд шийдэгдсэн юм.
Ковидын дараах эдийн засгийн сэргэлт, аялал жуулчлалын эрчимтэй хөгжилд улс орнууд бэлтгэж эхлээд байна. Тиймээс манай улс ч иргэний нисэх, аялал жуулчлалын салбарыг сэргээх, ялангуяа манай улсыг зорин ирэх жуулчдын тоо урьд, урьдынхаас илүү өсөн нэмэгдэх хандлагатайг урьдчилан тооцоолж шинэ бүтээн байгуулалтыг эхлүүллээ.
Бүтээн байгуулалтын ажлыг “Биг Монголиа билдинг” ХХК 2021-2022 оны хугацаанд хийж гүйцэтгэх юм.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.