Барилгын салбарын чиг хандлага нөхөн сэргээгдэх хэв маягтай болсоор байна. Энэ нь цор ганц хүрээлэн буй орчинд ээлтэй бус барилгын салбарт эрчим хүчний хэмнэлт хийснээр оршин суугчдын хувьд амьдрахад таатай орчныг бүрдүүлж байгаа юм. Нөгөө талаар нөхөн сэргээгдэх материал барилгын салбарт ашиглах нь барилгын үнэ цэнийг өсгөж, худалдан авагчдад ч мөн ашигтай тусаж байна. Эдгээр шалтгааны улмаас тус салбар цаашид ч аль болох байгальд ээлтэй, нөхөн сэргээгдэх материалыг ашиглах төлөв ажиглагдаж байгаа бөгөөд 2021 онд барилгын төслүүд шинэ төрлийн “ногоон” тогтвортой материал ашиглах юм. Энэ жил “ногоон” барилгын материалын зах зээл ойролцоогоор нэг тэрбум ам.долларын үнэд хүрэхээр байна

Нийлмэл дээврийн хавтан

Дээврийн материалыг сонгохдоо дахин бодож үзэх ёстой цаг болжээ. 2021 онд дахин боловсруулсан цаас, шиллэг хуванцар болон асфальтаар хийсэн нийлмэл дээвэр хамгийн зөв сонголт болох юм. Дээврийн бусад материалтай харьцуулахад илүү “урт насжилттай”, гал, салхи, ус чийгнээс хамгаалах чадвар өндөр гэх мэт давуу талуудтай. Түүнчлэн ашиглалтын хугацаанд засвар бага ордог бөгөөд эрчим хүчний хэмнэлттэй учраас хамгийн тогтвортой дээврийн материалаар нэрлэж байгаа юм.

Ухаалаг шилэн цонх

Ухаалаг шил болон ухаалаг шилэн цонх нь барилгын салбарын хувьд чухал трэнд болжээ. Цаашдаа 2026 он гэхэд энэ материалын зах зээл 3.75 тэрбум ам.долларт хүрэх төлөвтэй байна. Сүүлийн үед худалдаа, үйлчилгээний болон оффисын барилгууд өдрийн цагаар илүү их гэрэл оруулах, эрчим хүч хэмнэх үүднээс том цонх ашиглаж байна. Тиймээс зуны цагт халуун нарнаас хамгаалах, өвлийн цагт нарны энергийг оруулах хэрэгцээнээс энэхүү ухаалаг шилний технологи гарч ирсэн гэж хэлж болох юм. Энэхүү шил нь барилгын агааржуулалтын системээс хамааран гадаа халуун нарны тусгал их үед тунгалаг бус өнгөтэй, барилга дотор сэрүүн үед тунгалаг өнгөтэй болж нарны энергийг илүү оруулдаг байна. 

Хулсан шал

Бидний хэрэглэж ирсэн модон шал нь хэдийгээр хямд төсвөөр хийгддэг ч үнэн хэрэгтээ нөхөн сэргээгддэггүй. Хөдөө, орон нутагт айлуудын шал нь хямд болоод хялбар учир мод ашигласаар ирсэн. Үй олон моддыг айл гэрийн шал болохын тулд тайрсан нь харамсалтай. Харин хулс нь ургахдаа амархан ба маш бага арчилгаа шаарддаг аж. Мөн ган гачгийн үед ч хурдан ургадаг. Тиймээс хулсыг барилгын материал болгон ашиглах нь хүрээлэн буй орчинд сөрөг нөлөөгүй юм.

Тусгаарлагч бетон 

АНУ-д барилгыг барихдаа бетоныг тусгаарлаж дулаалах, модон карказ ашиглах боломжтой байдаг. Гэхдээ модон карказаас илүү тусгаарласан бетон /ICF/ нь дулаан тусгаарладаг учир өргөн цар хүрээнд ашиглаж байна. Энэхүү технологи нь гаднаас хүйтэн агаар нэвтрүүлэхгүй, дотор дулааныг хадгалдаг учир эрчим хүчний хэмнэлтийг бий болгодог. Түүнчлэн гал, ус, байгалийн гамшгийн үед тэсвэртэй.

Нарны хавтан

Нарны хавтангийн хэрэглээ одоо “шинэ” санагдахаа больжээ. Маш олон барилгын төслүүд одоо нарны эрчим хүчийг ашиглан барилга барьж байна. Хавтангууд нь өртөг өндөртэй боловч  хариу урвал нь хурдан бас том. Бүхий л амьдралынхаа турш барилгын тогонд мөнгө зарахгүй нь гэж төсөөлөөд үз дээ.

Маалинган дулаалга

Дулаалга бол ямар ч барилгын оршин суугчдын хувьд ая тух талаасаа хамгийн чухал зүйл. Өмнө нь шөрмөсөн чулууг /Asbestos/ удаан хугацааны турш барилгын дулаалгад ашиглаж байсан ч эрүүл мэндэд сөрөг нөлөө үзүүлдэг шалтгаанаар хэрэглэгдэхээ больжээ. Сүүлийн үед барилгын салбарт илүү байгаль, экологи талаасаа ээлтэй дулаалгын материал ашиглах болсон. Тухайлбал дахин боловсруулсан шилэн хөвөн, полистирол тусгаарлагч, целлолюз тугсаарлагч, хонины ноос гэх мэт материалаар барилгын дулаалга хийж байна.

Сүүлийн үед шинээр гарч ирж байгаа технологи бол маалингин тусгаарлагч юм.  92% нь байгалийн гаралтай энэхүү тусгаарлагч нь шилэн хөвөн, целлюлозын тусгаарлагчтай ижил төстэй боловч илүү хүйтнээс хамгаалах чадвартай юм. АНУ-ын хамгийн хүйтэн бүсэд тавигдах шаардлагыг давсан байдаг аж. 

Эх сурвалж: procrewschedule.com