Та барилгын төсвөө хэмнэмээр байна уу?
Барилга, бүтээн байгуулалтын салбарын ажил эд өрнөж эхэллээ. 2020 онд барилгын салбар төдийгүй бүхий л салбар цар тахлаас шалтгаалан уналттай байсан ч харин энэ онд эдийн засаг сэргэж, 2021 онд төлөвлөсөн их бүтээн байгуулалтын үр дүнд салбарын үйл ажиллагаа тогтворжих хандлагатай байгааг салбарынхан төдийгүй эдийн засагч нар хэлж байгаа юм.
Барилга, хот байгуулалтын яамнаас мэдээлснээр БХБ-ын сайдын багцын батлагдсан хөрөнгө оруулалтын зардалд улсын төсвөөс нийт 417,8 тэрбум төгрөг тусгагдсанаас 2021 онд 181 төсөл, арга хэмжээний 186.2 тэрбум төгрөг санхүүжүүлэхээр батлагдсан байна.
Түүнчлэн “150 мянган-орон сууц үндэсний хөтөлбөр”-ийн хүрээн дэх 1008 айлын 21 давхар орон сууц 8 ширхэг, Солонго 1,2 төслүүдийн ажил үргэлжлэн хийгдэхээс гадна “Эрүүл мэндээ хамгаалж, эдийн засгаа сэргээх 10 их наяд цогц төлөвлөгөө’’-ний 3 их наяд төгрөгийн эх үүсвэр, санхүүжилтийг барилгын салбарт бүрдүүлэхээр төлөвлөсөн. Энэ хүрээнд иргэдийг дэмжих чиглэлээр 2 их наяд төгрөгийн санхүүжилт бүхий ипотекийн 6%-ийн зээлийн хөтөлбөрийн тогтвортой бодлогыг хангаж хэрэгжүүлэх, мөн нэг их наяд төгрөгийн барилгын салбарыг дэмжих чиглэлээр "Залуус хороолол"-ын бүтээн байгуулалтын төсөл, цаашид орон даяар орон сууцжуулах ажлын төлөвлөлт хийх зэрэг асуудлуудыг Засгийн газраас танилцуулсан.
Энэ мэт олон барилга бүтээн байгуулалт энэ онд өрнөх тул барилгын салбарт тусгай зөвшөөрөлтэй 6000 орчим албан ёсны мэргэжлийн гүйцэтгэгч байгууллагууд нь ажлын төлөвлөлт, санхүүгийн зөв менежмент, зохион байгуулалт, барилгын материал бүтээгдэхүүнээ цаг хугацаандаа хүлээн авах нь чухал юм.
Ихэнх компаниуд хаврын улиралд арматур, бетон цемент гэх мэт гол материалуудаа худалдан аваад, дотор заслын бүтээгдэхүүнийг хойш тавьдаг бөгөөд энэ нь намар цагт эрэлтийг огцом нэмэгдүүлж, үүнийгээ дагаад үнэ өсөх, материал хомстох гэх мэт эрсдэлийг үүсгэж болох юм. Тийм ч учраас зарим барилга угсралтын томоохон компаниуд нь барилгын ажил эхлэх үетэй зэрэгцүүлэн дотор заслын материал /сантехник, цонх хаалга, ЛИФТ гэх мэт/ -аа урьдчилан төлөвлөж эртнээс захиалгаа хийдэг. Ингэснээр цаг хугацаагаа алдахгүй байх, хямдралтай үед нь авч санхүүгээ хэмнэх, төлөвлөөгүй урсгал зардал гарахгүй байх зэрэг давуу талыг бий болгодог байна.
Энэ талаар “Барилга МН” ХХК-ийн харилцагч барилга угсралтын компаниудаас судалгаа авахад давхардсан тоогоор 29% нь дотор заслын материалаа хавар урьдчилан авдаг бол 33% нь барилгад материал ашиглагдах тухайн үед шийдвэрлэдэг байна.
Өндөр үнэтэй бүтээгдэхүүнийг хөнгөлөлттэй үнээр авах нь төсвийг хэмнэж, дотор заслын ажил хэзээ ч эхэлсэн бэлтгэл бүрэн хангагдсан байх бөгөөд судалгаанд хамрагдсан компаниудын ихэнх нь хямдрал зарлагдсан үед нь худалдан авалт хийдэг гэдэг нь доорх судалгаанаас харагдаж байна.
Тиймээс та намар ашиглагдах материалиа таатай нөхцөлөөр эртхэн авах уу, цагийг нь тулгаж тулсан сонголтыг хийх үү гэдгээ дахин нэг бодоод, төлөвлөгөөгөө эргэн нэг хараарай.
Ялангуяа төсвийн багагүй хувийг эзэлдэг хэдэн зуун саяар үнэлэгдэх цахилгаан шатыг чанар, стандарт, үнэ ханшийг эртнээс судалж төлөвлөх нь санхүүгээ хэмнэх, хамгийн сайныг боломжийн үнээр шилж сонгох нөхцөлийг бүрдүүлдэг.
Орчин үеийн барилга үйлдвэрлэлийн төсөвт өртөг, чанар, хүчин чадлыг эцэслэн тогтооход голлох үүрэгтэй энэхүү лифт нь
25-30 жилийн насжилттай
2 жилийн баталгаат хугацаатай
Борлуулалтын дараах сервис үйлчилгээтэй, мэргэжлийн угсралтын багтай
Галд тэсвэртэй хаалга нь Е120 стандартын тоноглолтой тул 2 цаг хонгилд гал алдахгүй
Ковид-19 цар тахлын энэ үед агаар цэвэршүүлэгч, 1,5мм зайнаас мэдрэх бактерийн эсрэг нян устгагч зэрэг нэмэлт шийдлүүдтэй.
BMW, Subaru зэрэг шилдэг брэнд автомашинуудын загварчлалын дизайнер Андреас Запатинас /Andreas Zapatinas/-ын бүтээсэн ВААР мэт МУРУЙ /Curved/ загварын бүхээг /кабин/ нь зорчигчдийн хэрэгцээ, гоо зүйн таашаал, сэтгэл хангалуун байдалд анхаарч, босоо чиглэлийн зөөвөрлөх төхөөрөмж байсан цахилгаан шатны ойлголтыг эвдэн ИРЭЭДҮЙН ТРЕНД /Future Trends/-ийг бий болгож шинэ стандарт тогтоосон. Энэхүү Curved загвар нь патентлагдсан бөгөөд зөвхөн KLEEMANN үйлдвэрлэдэг.
Лифтний бүхээгийн хувьд 3 төрлийн муруй загвартай. Энэ нь орон зайн хувьд цэлгэр том харагдуулах бөгөөд хэлбэр дизайны шинэлэг шийдлийг санал болгож байна.
