Тун удахгүй Себу хотод байрлах Себу бизнес паркад бас нэгэн тансаг барилга сүндэрлэх бөгөөд энэхүү цамхгийн архитекторын шийдлийг Парисын Винсент Каллебо Архитектурын компаниар хийлгэжээ.

"Rainbow tree" нь 300 айлын орон сууц бүхий 32 давхар барилга:  тансаг орон сууц, нийтийн зориулалттай орон сууц, жижиглэнгийн болон үйлчилгээтэй талбайтай 115 метр өндөр 32 давхар барилгын ажлыг энэ ондоо багтааж эхлэх бөгөөд 1200 ширхэг солонгон өнгийн хавтастай мод бүхий шаталсан хэлбэртэй бүтэцтэй байх нь. 

2019 онд НҮБ-ын Боловсрол, шинжлэх ухаан, соёлын байгууллага (ЮНЕСКО)-оос 66 шинэ Бүтээлч санаа түүний дотор дизайн, архитектур, байгальд хариуцлагатай үйлдвэрлэл чиглэлээр хийсэн шинэлэг зүйлээрээ шалгарсан төсөл юм.

Энэхүү төсөл нь байгаль орчны давхар гэрчилгээтэй (LEED + BERDE) орон сууцны барилгыг соёлын өв, хосгүй гайхамшигтай байгалийн өвийг бүрэн цогцоор нь барих зорилготой юм.

"Дэлхийн нүүрстөрөгчийн ул мөрийг бууруулах радикал шийдлүүдийг эрэлхийлэх шаардлагатай байгаа энэ үед бид цорын ганц байгалийн, элбэг дэлбэг, сэргээгдэх материал болох тул цул модоор барьсан 32 давхар, 115 метр өндөр цамхагийн зураг төслийг хийлээ" гэж ерөнхий архитектор Vincent Callebaut хэлжээ.

 

Хөрш зэргэлдээ халуун орны ойгоос ургасан үзэсгэлэнтэй ургамлаар чимэглэсэн Солонго мод нь солонгын өнгөөр ​​цэцэглэн хөгжиж буй "Eucalyptus Deglupta" модны загвараас санаа авч уран барилгын элементээр чимэглэсэн байгальд ээлтэй бүтээн байгуулалт юм.

Цамхагийг CLT (Cross Laminated Timber) ашиглан барих болно. Онцолж хэлэхэд загалмайн модон материал үйлдвэрлэх үйл явц нь бетон эсвэл гангаас хамаагүй бага энерги шаарддаг бөгөөд хүлэмжийн хий үүсгэдэггүй. Сануулахад, 1 тонн бетон үйлдвэрлэхэд 2.42 тонн CO2, 1 тонн ган үйлдвэрлэхэд 0.938 тонн CO2 бий болдог.

Гал тэсвэрлэх чадварын хувьд тус материал нь удаан шатдаг, хорт утааялгаруулдаггүй, дулааныг гангаас 250 дахин удаан, галын нөлөөн дор хагардаг бетоноос 10 дахин удаан дамжуулдаг байна.

"Солонгийн өнгийн хавтастай мод нь тэгш, сондгой давхаруудын хооронд синусоид тагттай, далдуу мод, навчит модыг давхар өндөрт ургуулах боломжтой байдаг" гэж архитектор тайлбарласан байдаг.

Цаашлаад цамхагт тарьсан 30,000 ургамал, бут сөөг, мод нь Себу хотын агаар мандалд жилд 150 тонн CO2 хуримтлуулж, байгалийн фотосинтезээр дамжуулан хүчилтөрөгч болгон хувиргах болно.