Архитектурын ирээдүй ямар байх вэ? Бид ойрын ирээдүйд өөр гаригт хот барин,  Ангараг гаригийг колоничлохгүй байх магадлалтай боловч сүүлийн үеийн архитектурын сэтгэл хөдлөм зарим чиг хандлага дэлхийг ирээдүйд хэрхэн тэмүүлж буйг аль хэдийн төрүүлэхээр өгч эхэлж байна.

Сүүлийн 20 жилийн хугацаанд барилгын салбар эрс өөрчлөгдөж, уламжлалт орон зайн ойлголтууд, материал, хийц бүтээц зэрэг нь илүү өргөн цар хүрээтэй, сонирхолтой болж байгаа. Жишээ нь бордооны материалыг барилгын материалд ашиглаж, краудфандинг, хамтын ажиллагааны загвар нь архитектурын төслүүдэд улам бүр түгээмэл ажиглагддаг болж, ногоон дэд бүтэц, эрчим хүчний үр ашгийн ач холбогдлыг голчлон анхаарч, хувийн болон нийтийн орон зайн хоорондын шугам улам бүр бүдгэрсээр байна.

VR & 3 хэмжээст загварчлал

Орон зайг компьютерын график, утасгүй хянах технологи, чихэвч, HD проектор, оптик шил гэх мэтийг хослуулан 3 хэмжээсээр бүтээн, орчинтойгоо танилцаж алхан, биетэд хүрч, эргэн тойронд байгаа бүх зүйл бодит цаг хугацаанд хэрхэн хариу үйлдэл үзүүлэхийг харж болно. Энэ бол гайхалтай VR технологи. Дизайн, инженерчлэлийн салбар энэхүү технологийг ашиглан хурдацтай хөгжиж буй бөгөөд харилцан уялдаатай, бодит амьдралын туршлагыг бий болгоход чиглэгдэн бүтээгдсэн. Ялангуяа архитектурын салбарт орон зайг бодит масштабаар мэдрэн  бүтээх, өөрчлөлт оруулах, архитектурын түүхийн томоохон бүтээлийг дахин бий болгох зэргээр өнгөрсөн одоо ирээдүйг бодитоор мэдрэх боломжтой.

Ухаалаг хот ба дата бааз

Дата бааз нь ухаалаг хотын иргэдийн хөдөлгөөн, эрчим хүчний зарцуулалт, дэд бүтцийн янз бүрийн талууд хэрхэн харилцан үйлчилдэг зэрэг мэдээллийг цуглуулан нөөцийг илүү үр ашигтай ашиглах, эрчим хүчний хэрэглээгээ бууруулах, үр ашгийг хамгийн их байлгахын тулд хот төлөвлөлтийн олон боломж ба сул талыг бидэнд ойлгуулах болно. Өөрөөр барилга байгууламж, гудамж зам бүр гудамжны сандал хүртэл мэдээлэл дамжуулах хэрэгсэл болон интернетийн сүлжээнд холбогдсон байх шаардлагатай болно. Үүнд дасан зохицсон архитектур хэрхэн өөрчлөгдөх бол?

2020      оны ухаалаг хотоор шалгарсан Хэлсинки хот. Сингапур улс

Пара метрик архитектур

Параметрийн зураг төсөл нь генератор дизайны систем бөгөөд параметрүүдийг тохируулснаар янз бүрийн төрлийн гаралтыг бий болгож тооцоолох бөгөөд өөрөөр боломжгүй байсан хэлбэр, бүтцийг бий болгодог. Параметрийн архитектур нь төлөвлөлтдөө геометрийн програмчлалын хэлийг ашигладаг бөгөөд кодчилол хийх замаар шууд ашиглаж болно. Үүнд одоогоор ашиглагдаж буй Rhino-ийн Grasshopper нэртэй програм хангамжийн өргөтгөлийг ашиглан параметрийн дагуу дизайн боловсруулж, хэрэглэгчийн интерфейстэй ижил үйлдлийг гүйцэтгэх боломжтой.

3D принтер, роботууд

Барилгын салбарт робот техник хурдацтайгаар орж ирж байна. Бид барилгын ажлын зурагт хүнд бус роботод зориулан тооцоо хийн, угсралтын ажлыг хүний зөвхөн хяналтын доор хүнээс хамааралгүйгээр маш найдвартай, хурдан хийж гүйцэтгэх цаг ирнэ гэдэгт итгэлтэй байна. Мөн 3D принтерийг ашиглан өндөр нарийвчлалтай, төвөгтэй бүтэцтэй барилгын материалыг олон тоогоор үйлдвэрлэх боломжийг олгох юм.

Өндрийн хот

2050 гэхэд дэлхийн нийт хүн амын тоо 11тэрбумд хүрэх тооцоо байгаа бөгөөд энэ үед улс орон бүр аажмаар нэмэгдсэн иргэдийг байгаа газар нутагтаа багтаахын тулд өндөр барилгуудыг нэмсээр байх болно. Өөрөөр хэлбэл суурин газар бүр цаг хугацааны аясаар өндөрт тэмүүлсээр, дэд бүтэц ч үүнийг даган зөвхөн газарт бус шинэ байгууламжийн төрөл болон хөгжих юм.

Тогтвортой хөгжил

Тогтвортой архитектур нь байгаль орчинд эерэг ирээдүйн түлхүүрийг хадгалдаг. Нөөц баялгаараа эдийн засгийн хувьд илүү хэмнэлттэй амьдарч байж л байгаль орчин, цаг уураа хамгаална гэж найдаж болно.

Тогтвортой архитектурын цаад философи нь хог хаягдлыг багасгахад чиглэгддэг. Энэ нь зөвхөн бие мах бодийн хог хаягдлыг төдийгүй эрчим хүчний алдагдлыг багасгахыг хэлнэ. Барилга доторх хэрэглээний эрчим хүчээ аль болох урт хугацаанд байлгаснаар эхний ээлжид бага хангамж шаардагдана. Биднийг тав тухтай байлгахын тулд бага энерги зарцуулах нь байгаль орчны хариуцлагатай, нөөцийг илүү үр ашигтай зарцуулах чадвартай гэсэн үг бөгөөд энэ нь уур амьсгалын өөрчлөлтийн нөлөөг бууруулахад чухал ач холбогдолтой юм.

 Орчуулсан: Б.Энхцэцэг