Дэвшилтэт технологи: Tesla ногоон барилгын салбарт хувьсгал хийнэ
Цахилгаан автомашин үйлдвэрлэдгээрээ алдартай “Тесла” компанийн гүйцэтгэх захирал Элон Маск компанийнхаа үндсэн ажлыг хийхээс гадна байгальд ээлтэй өөр олон шинэ технологийг туршиж үзэх хүсэлтэй нэгэн юм. Элоны толгойд байшингийн дээврийг эко хавтангаар хийх санаа эртнээс төрж, тэрээр энэ төлөвлөгөөгөө удаан бодож явжээ. Тесла нь анх 2016 онд анхныхаа дээврийн нарны хавтанг танилцуулсан ба 2017 оноос эхлэн албан ёсоор урьдчилсан захиалгаа авч эхэлсэн билээ. “Tesla”-ийн нарны хавтангийн эрэлт өндөр байгааг тус компани мэдээллээ. “Tesla” компани 2020 оны сүүлийн гурван сард 86 мегаваттын хүчин чадал бүхий нарны хавтан суурилуулсан байна.
Энэ нь сүүлийн хоёр жил гаруйн дээд үзүүлэлт болжээ. Нарны хавтан үйлдвэрлэх зардал бага байгаа төдийгүй АНУ-д өрхүүдийн дунд эрэлт нэмэгдсэн нь нөлөөлж байгааг тус компани онцолж байна. Цахилгаан автомашины үйлдвэрлэлд олон жил анхаарч ажилласан “Tesla” нарны эрчим хүчний бизнестээ илүү төвлөрч байгаа гэж тус компанийн Гүйцэтгэх захирал Илон Маск мэдэгдсэн байна. Түүнчлэн тэрбээр цаашид салбартаа тэргүүлэгч болохыг зорьж байгаагаа онцоллоо.
Эко дээвэр нь харахад ердийн нэг чулуун, эсвэл тоосгон хавтангаас ялгарахааргүй ч энэ хавтангийн ид шидийг мэдэх хүмүүст бол байгальд ээлтэй шинэ ноу-хау болж чадсан хэмээн шуугицгааж байна. Учир нь энэхүү хавтан нь нарны эрчим хүчийг өөртөө хуримтлуулах замаар байшинг бүхлээр нь тогоор хангах хүчин чадалтай бөгөөд нар тусаагүй үед ч хуримтлуулсан эрчим хүчээ удаан хугацаанд найдвартай хадгалж чаддаг давуу талтай.
Эх сурвалж: https://aoc.mn/
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.