Барилгын материалын ханган нийлүүлэлт нь өнөөдөр тооцоо судалгаагүй, бодлого зохицуулалтгүй, эрх зүйн орчин сул  байгаагаас барилгын чанар аюулгүй байдалд муугаар нөлөөлж байна. Барилгын зах зах зээлд урд хөршийн гологдол хүний эрүүл мэндэд хортой, дуураймал, стандартын шаардлага хангахгүй чанаргүй материалыг ганзагын наймаачид гаальд мэдүүлэхгүйгээр их хэмжээгээгээр оруулж зах зээлд нийлүүлж байна.

Энэ хууль бус байдал нь шударгаар татвар төлж бизнес эрхэлж байгаа ханган нийлүүлэгчдийн үйл ажиллагаанд сөрөг нөлөөтэйгөөс гадна, эцсийн хэрэглэгчид чанаргүй барилгад амьдарч, гал усны аюул, хортой орчинд амьдрах зэрэг олон эрсдэлийг дагуулж, барилгынхан чанаргүй барилга барьдаг хулхиддаг муу нэртэй болж байна.

Барилгын нийт төсөвт өртгийн 42%- ийг барилгын материал эзэлдэг ч барилгын материалын ханган нийлүүлэгчдийн эрх ашгийг хамгаалах, харьяалах байгуулага байхгүйгээс тэдний дуу хоолой, нөлөөлөл салбарт их сул байна.

Монгол, Африкийн цөөн буурай орноос бусад улс орнууд барилгын материалын ханган нийлүүлэлтийн бодлого зохицуулалттай байгаа нь энэ салбар манайд хаягдсаныг харуулж байна.

Барилгын материалын чанар аюулгүй байдлыг хангах, бизнес эрхлэгчдийн эрх ашгийг хамгаалах, эрх зүйн орчныг сайжруулах зорилготой  “Барилгын ханган нийлүүлэгчдийн зөвлөл” - ийг Барилга.МН-ээс санаачлан ханган нийлүүлэгчидтэйгээ хамтран зохион байгуулж ажиллахаар боллоо.

Иймд салбартаа манлайлан ажиллаж байгаа барилгын материалын худалдаа эрхлэгчид, үйлдвэрлэгчид ханган нийлүүлэгчдийг нэгдэн хамтран ажиллахыг урьж байна.

Бүртгүүлсэн байгууллага, хүмүүстээ тун удахгүй барилгын ханган нийлүүлэгчдийн зөвлөлийн хурал, уулзалтын тов, бусад мэдээллийг хүргэх болно.

Барилгын материалын худалдаа эрхлэгчид, үйлдвэрлэгчдийг нэгдэхийг урьж байна.

Бүртгүүлэхэд төлбөргүй