Гучин жил баригдсан концертын танхим нээлтээ хийлээ
Гучин жилийн дараа Туркийн Ерөнхийлөгчийн нэрэмжит симфони найрал хөгжмийн концертын танхим нээлтээ хийлээ.
Хэрэв Анкарагийн Ерөнхийлөгчийн нэрэмжит симфони найрал хөгжмийг тодорхойлсон зүйлийг нэрлэ гэвэл энэхүү бүтээн байгуулалтыг босгосон урт удаан цаг хугацаа юм. Туркийн нийслэлийн концертын танхимын барилга нь 30 гаруй жилийн турш үргэлжилсэн бөгөөд таван ерөнхийлөгч, арван ерөнхий сайд, хорин соёлын сайдаар дамжин өнгөрчээ. Энэ нь 1992 онд орон нутгийн архитектурын Uygur Mimarlık пүүс үндэсний цорын ганц ерөнхийлөгчийн хөгжмийн танхимыг зохион бүтээх үндэсний нээлттэй тэмцээнд ялснаар энэ бүхний эхлэл тавигдсан. “Макетнийхаа хэсэг бүрийг гараар зүсч, скизээ хоёр луужингаар зурж байсныг би одоо хүртэл санаж байна” гэж пүүсийн үүсгэн байгуулагч Семра Уйгур нээлтийнхээ үеэр хэлж байжээ.
Тэр цагаас хойш үймээн самуун нь улс орны соёлын хэтийн төлөвийг сүүдэрлэж байлаа. 1990-ээд оны сүүлчээр гарсан эдийн засгийн уналтын дараа Шударга ёс, хөгжлийн нам (AKP) 2002 онд засгийн эрхийг гартаа авсан бөгөөд намыг үндэслэгч Режеп Тайп Эрдогангаар удирдуулж, тэр үеэс хойш хүнд суртал, хяналт, нөлөөгөө нэмэгдүүлжээ. Европын Холбоонд элсэх гэсэн оролдлогыг үл тоомсорлож, үүнээс хойш нийгмийн орчинд үг хэлэх эрх чөлөөг хязгаарласан байдал, 2013 онд улс даяар Гези цэцэрлэгт хүрээлэнгийн жагсаал, 2016 оны харгис хэрцгий эсэргүүцлийн оролдлогууд гарч ирсээр байсан.
1997 онд 14 акр газрыг “эвдэж” дуусгасны дараа хөгжмийн танхимыг барих төсвөө бууруулж, засгийн газруудынхаа тэргүүлэх чиглэлийг өөрчилснөөр замдаа олон удаа зогсож байв. 2018 оноос эхлэн бүтээн байгуулалтыг яаравчлан 2020 онд барьж дуусгах төлөвлөгөө гарган ажиллан 2020 оны 12-р сард дуусгажээ.
Хурц ирмэг, динамик дугуй хэлбэртэй барилгуудаас бүрдсэн энэхүү цогцолбор газрын түвшингээс 42.5 фут/13м/-ын доор байдаг бөгөөд газар дээрх байгууламж нь яг л газраас ургаж эсвэл газар руу орж байгаа юм шиг харагддаг. Архитекторуудын үзэж байгаагаар энэхүү шийдэл нь орчин үеийн Туркийг үндэслэгч, анхны ерөнхийлөгч Мустафа Кемал Ататүркэд зориулж бүтээсэн Анкарагийн бэлгэдлийн Аниткабир бунхны/дээр нь дарж үзэмжийг алдагдуулахаас зайлсхийсэн явдал байв. “Бид дурсгалт газар болон Анкара цайзын ойролцоо байрлаж байгаадаа баяртай байна. Манай дизайны стратеги нь өнгөрсөн болон одоогийн байгууламжийн аль алинд нь ач холбогдол өгдөг” гэж Семра Уйгур хэлж байсан.
Пирамид хэлбэртэй шил ба гантиган үүдний танхим нь хийн хэвний аргаар /pneumatic formwork/ бүтээсэн бөмбөрцөг хэлбэртэй хоёр концертын танхимыг холбодог. Өндөг хэлбэртэй 22,689м2 шилэн том танхим нь 2000 зочин хүлээн авах боломжтой бол 8000 м2 хэмжээтэй жижиг танхим нь 500 хүний суудалтай.
Зочдын туршлага бол архитекторуудын алсын хараанд тодорхой дээвэр эсвэл фасадын хэсгүүдийг үл тоомсорлож, бие даасан мэт санагдах хэлбэрээс бүрдсэн уран баримлын байгууламжийг илэрхийлэх хөшүүрэг юм. “Бид өнцөг булан бүрээс өөр харагдахаар хийхийг зорьсон” гэж Озжан Уйгур консепцоо тайлбарласан байдаг.
2000 хүний суудалтай симфони хөгжмийн их танхим
Өнөө үед пүүс футуристик стилээр дагнана гэж мэдэгдсэн бөгөөд тэдний хүргэхийг хүссэн ирээдүйн үеэс тэр ирээдүйд очих үед энэхүү үзэл баримтлалыг эргэж харах болно. Өдрөөс өдөрт ирээдүйн байж боломгүй яриа мэт байсан нисдэг машин, робот туслах зэргээс гадна архитектур, дизайны шинэчлэгдэж буй технологийг өөрийн төслүүддээ шингээн харуулах болно гэжээ. “Энэхүү саналыг бэлтгэж байхдаа бид компьютер арга барил гээд ашигласан бүх зүйлээ шинэчлэх ёстой гэдгээ ойлгосон” гэж архитекторууд дурсаж өнөөдөр уг цогцолборыг 3D загварчлал, рендерингээс эхлээд CNC-ийн боловсруулалт хийхээс эхлээд хамгийн сүүлийн үеийн барилгын технологийг ашиглан уг төслөө дуусгажээ.
Эх сурвалж: https://emonarchitecture.wordpress.com/
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.