Стандарт, хэмжил зүйн газрын даргын 2021 оны 1-р сарын 7-ны өдрийн С/01 дугаар тушаалаар COVID-19 цар тахлын үед аюулгүй ажиллах ерөнхий зааварчилгааг баталж 2021 оны 1-р сарын 10-ны өдрөөс эхлэн мөрдөгдөж эхлэв. 

Энэхүү баримт бичиг нь хөдөлмөрийн эрүүл мэнд, аюулгүй байдал, сайн сайхан байдлыг хамгаалах зорилгоор байгууллагад COVID-19 цар тахалтай холбоотой эрсдэлийг удирдах ерөнхий зааварчилгаа юм. 

Зааварчилгаа нь хэмжээ, үйл ажиллагааны салбараас үл хамааран цар тахлын үеэр үйл ажиллагаа нь хэвийн явагдаж байгаа, бүрэн буюу хэсэгчлэн хаасны дараа үйл ажиллагаагаа сэргээж байгаа эсвэл сэргээхээр төлөвлөж байгаа, бүрэн буюу хэсэгчлэн хаагдсан ажлын байрандаа эргэн орж байгаа, үйл ажиллагаагаа шинээр эхэлж байгаа эсвэл шинээр эхлэхээр төлөвлөж байгаа байгууллагад хэрэглэх боломжтой ба бүх төрлийн ажилтанг хамгаалах талаар зааварчилгаа өгч буй баримт бичиг юм. 

Дэлгэрэнгүй зааварчилгаатай танилцана уу!