Барилга, байгууламжийн цонх чанартай материалаар хийгдэж, чанартай гүйцэтгэл, чанартай суурилуулалттай байж таны санхүүг хэмнэж, тав тух, сэтгэл ханамжийг мэдрүүлдэг байна. Яг энэ асуудлыг цогцоор нь шийдвэрлэхээр вакуум цонхны салбарт шинэ өнгө төрх, шинэлэг чанартай материалыг нэвтрүүлж буй “Урбан инженеринг спэйшилистс” ХХК-ийн гүйцэтгэх захирал Н.Тэгштөртэй ярилцлаа.

“Урбан инженеринг спэйшилистс ”ХХК-ийн үйл ажиллагаа болоод онцлог, зорилгоо танилцуулаач? 

Манай компани анх 2013 онд “Аюулгүй ажиллаж =Амжилтаа бүтээцгээе” уриатайгаар байгуулагдсан. Чанар стандартыг эрхэмлэн барилгын салбарт хүчин зүтгэж яваа хамт олон. Бид гүйцэтгэж байгаа бүтээн байгуулалт, оролцожбайгаа төслүүддээ дэвшилтэд технологи ашигласан ухаалаг барилга байлгах, цаашид ашиглах захиалагч, хэрэглэгчдийн ашиглалтын зардал боломжит бага хэмжээнд байх, улмаар хэрэглэгч захиалагчдыг аюулгүй тав тухтай орчинд ажиллаж амьдрах боломжийг  бүрдүүлэн ажиллахыг зорьдог.

Дээрх зорилогийн хүрээнд дэвшилтэт технологийн хувьд тухайн барилга, төсөл нь цахилгаан, холбоо дохиолол, галынсистем, BMS барилгын ухаалаг систем, нэвтрэх систем, зэрэг системүүд нь олонулсын стандарт шаардлагад нийцсэн байгаасай гэж хүсдэг тул тэр жишигт тэмүүлсэн бүтээн байгуулалтыг хийе гэж зорьдог. Харин барьсан барилгын ашиглалтын зардлыг боломжит бага байлгах хүрээнд хаших хийц, цонх, фасад, агааржуулалтын системийг онцгойлон анхаарч ажилладаг. 

Танай компани цонх үйлдвэрлэлийн салбарт шинээр орж ирж байна. Яагаад энэ салбарыг сонгох болов. Ямар ололтыг харж, ямар зүйлийг шинээр хийж байна? 

“Цонх” гэдэг өргөн зах зээлийг хамарсан салбар луу ороход хүмүүс “Энэ салбар ханасан, орон зай байхгүй” гэж зөвлөж байсан. Тиймээс бид судалгаа хийж, судалгааны дүгнэлтэд чанартай сайн материалаар, чанартай цонх хийгээд түүнийгээ чанартай суурилуулах мөн дээр нь нэмээд аюулгүй ажиллагааны дүрэм журам мөрдөөд талбай дээр ажиллачих газар үнэхээр цөөхөн байсныг олж харсан юм. Нөгөө талаасаа чанар хангаж байгаа хэсэг нь  үнийн хувьд хэт өндөр байсан. Энэ нь бид энэ салбарт ажиллах орон зай байна гэж харах үндсэн шалтгаан болсон.

Ингээд хэрэглэгчдийн хэлж заншсан вакуум цонх, хаалга гэдэг салбарт ажиллаад жил гарны нүүр үзэж байна. Энэ хугацаанд Герман улсын  “Elumatec” брэндийн тоноглолтой “U-Window” нэртэй цонхны үйлдвэрээ ашиглалтад оруулсан. Турк улсын ”Firat” брэндийн материалыг Монголдоо албан ёсны борлуулах эрхтэйгээр импортолж, салбартаа 10-аас дээш жил ажилласан туршлагатай, мэргэшсэн хамт олон чанартай цонх үйлдвэрлээд, талбай дээр стандарт шаардлагад нийцүүлэн аюулгүй ажиллаж, суурилуулах цогцүйлчилгээг гарган хэрэглэгч, захиалагчдадаа үйлчлэж байна.

Дээр дурдсан ашиглалтын зардлыг бага байлгах гэдэг асуудал дээр “Цонх” гэдэг сэдэв маань нэлээн жин дарж байдаг. Жишээ нь Орон сууцны барилгын хаших хийцийн 15 орчим хувийг цонх эзэлж байна.Үүнийгээ дагаад нийт дулаан алдагдлын 30 хувийг цонхоор алддаг гэсэн судалгаа байдаг. Бид үүнийг шийдэхийн тулд чанартай материалаар чанартай цонх үйлдвэрлэж түүнийгээ стандартын дагуу суурилуулах үйлчилгээг үзүүлэх зорилго тавьсан нь энэ юм. Энэ гурван алхмыг цогцоор нь сайнхийж байж цонхоор дулаан алдахгүй сэтгэл хангалуун байх нь ойлгомжтой. Аль нэг алхмыг нь салгаж ойлгох нь өрөөсгөл юм.

Турк улсын “Firat” брэндийн материалыг сонгох болсон шалтгаан юу байв?

Материалаа сонгохдоо маш их судалгаа хийсэн. Үүгээрээ хэр чанартай материал вэ, ямар түүхтэй брэнд вэ, Монголын эрс тэс уур амьсгалд хэрнийцэх вэ, үнийн хувьд ямар байна вэ гэх зэрэг олон зүйлсийг харгалзан үзсэний үндсэн дээр “Firat” брэндийг сонгосон. Энэхүү брэнд нь 1972 оноос хойш тогтвортой үйл ажиллагаа явуулж байгаа, Европт эхний гуравт ордог том үйлдвэртэй бөгөөд профиль материалын үндсэн чанарын үзүүлэлтүүд хамгийн өндөр байсан. Жишээлбэл Монголд нийтлэг хэрэглэдэг 70мм материал дээр гэхэд чанарын гол үзүүлэлтүүд хамгийн сайн байсан юм. 

Үүнээс гадна манай орны эрс тэс уур амьсгалд нийцсэн EPDM технологийн резинтэй. Энэ нь нарны гэрэл, хүчилтөрөгч, озоны хийгээс үүдэлтэй хагарал цууралт үүсдэггүй жийрэг юм. Гадаргуу нь +130 С аас  -40С -д хатуурдаггүй чанартай резин гэсэн үг. Мөн цонхны нугас, түгжээ /тоноглол/ цогцоор нь өөрсдөө үйлдвэрлэдэг нь чанартай байх бас нийцтэй байх тухайд онцгой үзүүлэлт юм. Дээр нь нэмээд олон том төсөл дээр уг материалыг хэрэглэсэн байсан үнийн хувьд ч өрсөлдөхүйц боломж олгож байсан. 

Ингээд бид уг материалаас дээж авч цонх үйлдвэрлэн лабораторийн шинжилгээнд оруулахад 70мм-тай материал нь Т4 буюу дулаан тусгаарлалт өндөр үзүүлэлттэй,  80мм-тай материал нь Т3 буюу эрчим хүчний хэмнэлттэй гэсэн үзүүлэлттэй буюу маш сайн хариу гарснаар энэхүү брэндийг сонгох хамгийн том, гол шалтгаан болсон. Уг материалыг оруулж ирээд удаагүй байгаа ч хэд хэдэн томоохон  харилцагчтай болсон байна. “ОТ” төсөл дээр ашиглагдсан, “Монкон констракшн” ХХК-ийн “Мандала Гарден” төсөл болон Сэлэнгэ аймгийн Алтан булагийн хилийн боомтын төсөл дээр ашиглаж байна. Мөн хувь хүмүүсийн хаусуудад хийгдсэн нь Монголын зах зээлд танигдаад эхэлсэн томоохон амжилт гэж харж байна. 

Чанартай цонх хийхэд юуг анхаардаг вэ? Цонхны үйлдвэрүүд юун дээр алдаж байна. Энэ талаар судалсан болов уу? 

Чанартай цонхонд сайн материал /профиль материал, резин, тоноглол, 1.5 мм дээш зузаантай зүрхэвч төмөр/, сайн тоног төхөөрөмжөөр мэргэшсэн ажилчид стандартыг мөрдөж сэтгэл гаргаж хийх нь л хамгийн чухал.

Зарим үйлдвэр, цехүүд профиль материалд хийдэг зүрхэвч төмөр /cи төмөр/ огт хийхгүй, эсвэл хэт нимгэн төмөр хийх,  бас хийсэн ч порчигт нь хийхгүй байх зэргээр материалын хэмнэлт гаргаж цонх хийж байна. Энэ нь байж болшгүй зүйл бөгөөд ийм цонх үнийн хувьд хямд боловч насжилтгүй, хэрэглэгчийг дараа нь илүү зардлаар хохироох цонх болж байгаа юм. Үүнийг энгийн хэрэглэгч гаднаас нь шууд хараад мэдэх боломжгүй, харахад цонх л байгаа болохоос үүнийгээ материал бас хөдөлмөрийн хэмнэлт гарган хийж хэрэглэгч захиалагчдыг төөрөгдүүлж байгаа явдал их байна.

2021 онд хийхээр төлөвлөж буй ажил, зорилго төлөвлөгөөгөө хуваалцаач?

Манай инженерүүд ер нь ухаалаг барилга, уг барилга ньашиглалтын зардал бага байх гэдэг дээр аюулгүй байдал тав тухтай байх талаасаа нэлээд анхаарч, олон зүйл судлан ажиллаж байна. Жишээ нь цахилгаанаас болоод гал гарчихгүй, стандартыг хангаад сайн тооцоод зөв хийх хэрэгтэй. Гал гарлаа гэхэд дохиолол нь дуугараад хүмүүс эрстэхгүй гарах боломжийг бүрдүүлэх, галын усны систем нь ажиллаад галыг бага дээр нь, тухайн газар нь унтраачихдаг байх гэх зэргийг анхаармаар байна. Ашиглалтын зардал тав тух гэдэг нь гоё дизайн, өнгө будгаар хязгаарлагдахгүйгээр цонхоор салхи сийгэхгүй сайн цонхтой байх, тэгээд сайн цонхтой болчхоор агааржуулах систем нь зөв ажиллаад өгөх буцах системтэй байх нь зөв гэх мэтээр уялдаатай хөвөрч байна.

Үүнээс гадна цар тахлыг дагаад барилгын салбарт агааржуулалтын асуудал илүү хүчтэй яригдаж эхэлж байна. Энэ дээр бидэнд ажиллаад гаргасан концепц бэлэн байгаа. Мөн “Оюу-Толгой” Мinedry гэдэг төсөл дээр олон улсын стандарт шаардлагыг хангаад гар бие оролцоод ажилласан туршлага манай хамт олонд байна. Тэгэхээр энэ онд барилгын агааржуулалт, салхивчийн хоолой үйлдвэрлэл, угсралтын чиглэлээр  илүү анхаарч ажиллахаар төлөвлөөд байна.

FB page: https://www.facebook.com/UrbanEngineeringSpecialists

WEB: https://urbanelectricsource.barilga.mn/