Эрс тэс уур амьсгалтай Монгол орны нөхцөлд зоорь хийх нь эдийн засагт тун ашигтай бөгөөд ихэнх иргэд нь хувийн газартай байдаг тул тохиромжтой юм. Ингэснээр элдэв хөлдөөгч, сэнсэнд санхүү зарцуулах шаардлагагүйгээр өөрсдөө хамгийн хялбар аргаар зоорь хийх  аргачлалыг танилцуулъя.

Монгол орны газар хөдлөлтийн гүн дунджаар 2,5 метр байдаг. Зоорийн суурийг хөлдөлтийн гүнээс доош ухаж хийвэл хүйтэн буюу 5-0 градустай хүйтэн зоорь болно. Үүнд төмс, хүнсний, даршилсан ногоо, удаан хугацаанд хадгалах зориулалттай бусад хүнсний бүтээгдэхүүнийг хадаглахад тохиромжтой.
Зоорийн бэлтгэл ажил



Энэхүү зоорь нь блокон өрөгт ханатай, төмөр бетон хучилттай, эдэлгээ удаан, хийхэд нэн хялбар юм. Суурийн өрлөгийг зоорийн суурины улыг тэгшлээд шугам татаж дөрвөн булан хийн, хаалга гаргаж өрнө.



Ханын өргийн ажлын явц



Жигд нэг түвшинд өрж, газрын хөрстэй тэгшилнэ



Ханын өргийн ажил дууссан бол дам нурууг мод эсвэл модон хавтанг ажиглаж хийнэ.



Зоорийн таазыг модон хавтангаар битүүлж, дотор талд нь тулгуураар тулна. Блокны нүхийг ашиглан арматурын үзүүрийг оруулна. Арматурыг 60-80 см гүнд суулгахад тохиромжтой. Ингэхдээ арматураа модон хавтангаас хөндийрүүлж ивээс хийгээрэй.



Дараа нь бетоноор цутгана. Бетоны марк 100-250 хүртэл байхад хангалттай.



Зоорийн тааз, хана хэсэгт агааржуулалт хийгээрэй. Үүний дараа нь таазны дээр нь сууриас гарсан шороогоороо 1 м хүртэл хучилт хийнэ.



Дээшээ гарсан шатыг мод, төмрийн аль нэгээр хийнэ.



Зоорийн хаалга нь зай завсаргүй, дулаалгатай байна. Энэ нь өвлийн хүйтэнд дотогш хэт хүйтэн агаар нэвтрэхээс сэргийлнэ. Ингээд хүйтэн зоорь бэлэн боллоо.