Барилгын салбарын мэдээ мэдээлэл, ярилцлага, нийтлэл, төрөл бүрийн судалгаа болон бусад мэдээллийг салбарынханд хүргэдэг Барилга МН сэтгүүл сар бүр тогтсон хугацаандаа хэвлэгдэн гарч, 11 дэх жилтэйгээ золгож байна. Шинэ оны эхний дугаар болох 128 дахь дугаар хэвлэгдэн эрхэм захиалагч, уншигч таны гарт очиход бэлэн болоод байна. 

Энэ дугаарын нүүр хуудсанд "Кансай пейнт" групп компанийн Япон болон олон улсад чанараараа хэдийн хүлээн зөвшөөрөгдсөн Алеско брэндийн бүтээгдэхүүнийг албан ёсны  эрхтэйгээр Монгол улсад импортлон борлуулагч “Улаан Глобал Трэйд”ХХК хамтран ажиллаа.  

Сэтгүүлд гарсан онцлох булангуудтай танилцана уу.

VIP ярилцлага

Шинэ оны хамгийн эхний дугаарын хүндтэй зочноор “Макс” группийн ерөнхий захирал, МБҮА ТББ-ын Ерөнхийлөгч Д.Цэрэнжигмэдийг онцлон VIP ярилцлагадаа урилаа. Шуба оёж, хуушуур зарж бизнесээ эхлүүлсэн тэрээр өдгөө Монголын тэргүүлэгч компанийн удирдагч болж, салбартаа гялалзаж яваа бизнесмен төдийгүй Монголын морин спортыг дэлхийн дэвжээнд гаргахад өөрийн хувь нэмрээ оруулсан Тод манлай уяач хүн юм. 

Төлөв байдал

Өнгөрсөн оны барилгын салбарын нөхцөл байдал, хийж хэрэгжүүлсэн ажлаа дүгнэн тайлагнаж, үр дүнгээ хэлэлцэн, салбарын цаашдын чиг хандлага, энэ жилийн төлөвлөгөөгөө тодорхойлох цаг ирээд байна. 

2021 онд салбарын ерөнхий чиг хандлага,  төлөв байдал, төсвийн тодотгол, бүтээн байгуулалт, орон сууцны ипотекийн зээлийн мэдээлэл, улсын болоод эдийн засгийн ерөнхий дүр зургийн талаарх тойм мэдээллийг энэхүү булангаар хүргэж байна.  

Судалгаа

Энэхүү нийтлэлдээ захиалагчийн нэгдсэн бодлого, алдаа оноо сайжруулах боломжийг эрэлхийлж  улсын хөрөнгө оруулалттай болон хувийн хэвшлийн хөрөнгө оруулалттай 2 төрлийн төслийн хэрэгжилтийн гүйцэтгэлийг авахад ямар бэрхшээлүүдтэй тулдаг тухай гүйцэтгэгч байгууллагын төлөөлөл болж “Монкон констракшн” ХХК-ийн гүйцэтгэх захирал, зөвлөх инженер Г.Батбаярын судалгаа мэдээллийг нийтэллээ. 

Үл хөдлөх хөрөнгө

Үл хөдлөх хөрөнгө нь хүний чухал үндсэн хэрэглээний нэг төдийгүй үнэ цэн нь үргэлж өсөж, эдийн засгийн гол хөдөлгөгч хүч нь болж тасралтгүй эргэх мөнгөний урсгалын нилээд хэсгийг бүрдүүлж байдаг томоохон салбар юм. Манай улсын хувьд барилга, үл хөдлөх хөрөнгийн салбар харьцангуй залууд тооцогддог ч сүүлийн жилүүдэд  олон улсын туршлагуудыг амжилттайгаар нэвтрүүлж, гаднын нөү-хауг ашиглан, хөгжлийн хурдаа түргэсгэсээр байна. 2020 оны хувьд үл хөдлөхийн салбарт олон өөрчлөлт, нөлөөллүүд бий болсон цаг хугацаа байлаа. Тодруулбал…

Харин 2021 оны үл хөдлөхийн зах зээлийн төлөв байдал ямар байх талаар энэхүү нийтлэлээс уншаарай. 

Амины орон сууц

Энэ булангаараа зөвлөх инженер Н.Ганбаагын барьсан бодит “Пассив хаус” - ыг танилцуулж байна. 

Пассив барилга бол сүүлийн үед Европын орнуудад жишиг стандарт болж, дэлхий нийтийн барилгын чиг хандлагыг тодорхойлж буй барилгын концепц юм. Дулаан тусгаарлалтыг маш өндөр хэмжээнд хийж өгснөөр нэгэн хэмийн хэлбэлзэлгүй тав тухтай орчин бүрдүүлэхэд шаардагдах халаалт, хөргөлтийн эрчим хүчийг эрс бууруулах боломжтой гэдгийг эрдэмтэд илрүүлсэн бөгөөд дэлхийн бөмбөрцгийн аль ч хэсэгт пассив хаусыг барих боломжтой гэж үздэг. 

Та чадна

Та амины орон сууцандаа эрүүл мэндийг тэтгэгч мини саун хийхээр сонирхож, төлөвлөж байна уу.  Саун хийхэд цэлгэр том өрөө тасалгаа шаардлагагүй, сууцныхаа бага талбайтай зоорийн давхартаа ч хийж болно. Энэ нь зөвхөн угаалгын өрөө ч биш гэр бүлийн гишүүн бүрд зориулсан эрүүл аж төрөхөд хэрэгцээтэй тул сууцныхаа зоорийн давхарт өөрсдийн хүчээр яаж мини саун хийх талаарх зөвлөгөөг хүргэж байна. 

Сар тутмын Барилга МН сэтгүүлээ захиалаад үнэгүй хүргүүлэн аваарай. 

Захиалгаа ЭНД дарж захиалгаа өгнө үү

Утас 91000233, 77113333