Барилга байгууламжийн угсралт, ашиглалтын явцад дулааны алдагдлыг багасгах зорилгоор дулаан тусгаарлах материалуудыг өргөнөөр хэрэглэж байна. Дулаан тусгаарлах материалыг ашигласнаар хана болон бусад тусгаарлах бүтээцүүдийг илүү нимгэн хийх боломж гарч, үндсэн материалуудын зардлыг багасгана. Дулааны алдагдлыг багасгаснаар ашиглалтын үеийн цахилгаан зарцуулалт, түлшний хэрэгцээг бууруулах боломжтой. Үүнээс гадна дулаан тусгаарлах материал нь дуу тусгаарлах чанартай. Нөгөө талаар дулаан тусгаарлах материал чийг, гал, химийн үйлчлэл, дулаан, мэрэгч, хортон шавьжид тэсвэртэй байх ёстой.

Тиймээс  Хотын стандарт, орчны аюулгүй байдлын хяналт зохицуулалтын газраас гаргасан  "Дулаан, дуу чимээ тусгаарлах материалд тавигдах ерөнхий шаардлага"-тай танилцана уу.