Барилгын салбарын ААН байгууллагуудад чиглэсэн нэгэн томоохон ажил болох “Барилгын байгууллагуудыг вэбжүүлэх аян”-ыг 5 сарын турш тогтмол амжилттай зохион байгууллаа. Бид энэ хугацаанд 7 удаагийн сургалтад барилгын салбарын 76 компанийг хамруулж чадсан бөгөөд харилцагчдадаа үнэ төлбөргүй мэдлэг мэдээлэл өгч ажиллаа. Харин энэ оны сүүлийн сургалтуудаа онлайнаар амжилттай зохион байгуулсан юм. 

Бид бүхэн 2020 онд вэбжүүлэх аяны сургалтад хамрагдсан нийт компаниудаас азтан шалгаруулахаар зарлаж, шагналд нь www.barilga.mn сайтын 590 мянган төгрөгийн үнэ бүхий Gold гишүүнчлэлийн эрх бэлэглэхээр бэлдсэн билээ. 

Харин эрхийн эзэн компанийг 2020 оны 12-р сарын 29-ны өдөр https://pickerwheel.com/ сайтаар буюу санамсаргүй байдлаар шалгарууллаа. 

Gold гишүүнчлэлийн азтанаар “МГБИ” ХХК шалгарлаа. Танай компанийн хамт олонд халуун баяр хүргэе! Бид 2021 оны 1-р сарын 6-нд дахин холбогдож гишүүнчлэлийн эрхийг олгох болно.  

"MONGOLIAN GOLDEN BRIDGE INTERNATIONAL" ХХК нь цахилгаан, сантехник, орон сууц, үйлдвэрлэл агуулахын барилга угсралт, барилгын материалын импортын салбарт үйл ажиллагаагаа явуулж эхэлсэн 100 хувь дотоодын хөрөнгө оруулалттай компани юм.