Монгол Улсын Ерөнхийлөгчийн зарлигаар “Барилгын хөгжлийн төв”-ийн “Норм, нормативын хэлтэс”-ийн дарга Д.Алтанхуяг Төрийн дээд Алтангадас одонгоор энгэрээ мялаалаа. Тэрээр “Барилгын хөгжлийн төв”-д 13 жил, Төрийн албанд 26 жил ажилласан туршлагатай. Түүний Барилгын салбарт оруулсан хувь нэмэр, хөдөлмөр бүтээлийг нь өндрөөр үнэлсэн Алтангадас одонг Барилга, Хот байгуулалтын сайд Б.Мөнхбаатар гардууллаа.

Тэрээр “Барилгын хөгжлийн төв”-ийн үйл ажиллагааг өдрөөс өдөрт дэвшилттэй байгааг хэлж Д. Алтанхуягт хандаж “Цаашдын ажил үйлст өндөр амжилт хүсч, олон жил ажилласан мэдлэг, туршлагаараа хойч үедээ үлгэрлэн ажиллахыг ерөөж үг хэллээ.

Дашрамд дурдахад “Барилгын хөгжлийн төв”-д Алтангадас одонт зургаан хүн ажилладаг бөгөөд өнөөдрийг хүртэл мэдлэг, туршлагаараа бусдадаа үлгэрлэн ажиллаж байгаа юм байна.