Б.Лхагважав нь Бизнесийн удирдлагын доктор, эрх зүйч мэргэжилтэй бөгөөд 1988-1995 онд Польш Улсын Вроцлав хотын Техникийн их сургуулийг төгссөн. Тэрээр 2014-2019 онуудад МҮХАҮТ-ын Ерөнхийлөгч ба Удирдах зөвлөлийн даргын албан тушаалыг хашиж, 2019 оноос хойш МҮХАҮТ-ын Тэргүүлэгч гишүүн, 2017 оноос хойш Монгол банкны Хяналтын зөвлөлийн гишүүн, Монголын Гимнастикийн холбооны Ерөнхийлөгч зэрэг албан тушаалыг тус тус хашиж байна.

"МБҮА ТББ" -ийн Төр Олон нийттэй харилцах ажил хариуцсан дарга нь байгууллагын стратеги, зорилго, зорилтуудын дагуу олон улс, бүс нутаг, үндэсний ба орон нутгийн хэмжээнд хэрэгжүүлэх 2021-2024 оны үйл ажиллагааны стратеги төлөвлөгөөг хууль эрх зүй, бизнесийн хэрэгцээг улс төрийн бодит байдал, өнөөгийн байдалтай уялдуулан үнэлэх замаар асуудлуудыг тэргүүлэх чиглэлд чиглүүлэн боловсруулах юм. Салбарт сөргөөр нөлөөлж буй асуудал болох тендер, татвар, даатгал, НӨАТ, валютын ханш, цалин хөлс, хөдөлмөрийн нөхцөл, инновац, техник технологийн стандарт гэх мэт бодлогын асуудлын жагсаалтыг гаргаж Засгийн газар, УИХ-д санал оруулж шийдвэрлүүлж ажиллана.