Улсын төсвийн хөрөнгөөр 2020 санхүүжих 691 төсөл арга хэмжээний  546,3 тэрбум төгрөг батлагдсан бол 2021 оны төсвийн тухай хуульд  барилгын салбарт 824 төсөл арга хэмжээний 850,8 тэрбум төгрөгийн бүтээн байгуулалтын ажил хийгдэхээр тусгагдсан байна.  Энэхүү 824 төсөл арга хэмжээний 516 буюу 63% нь он дамжин санхүүжих төсөл байна. Үүнээс харахад 2020 онд 691 шинээр тусгагдсан бол 2021 онд 308 төсөл арга хэмжээ шинээр тусгагдаж бүтээн байгуулалтын ажлын улсын төсвийн хөрөнгө оруулалт буурсан үзүүлэлттэй харагдаж байна. Улсын төсвийн хөрөнгөөр хийгдэж буй Бүтээн байгуулалтын ажлууд багассанаар нөгөө талаас дотоодын барилгын материалын үйлдвэрлэл хумигдах, царцах, барилгын салбарт ажиллаж буй ажилчдын нийгмийн асуудалд хүндрэх гэх мэт олон сөрөг нөлөөлөл бий болох магадлалтай байна.

Дэлхий нийтэд тархаад буй COVID-19 цар тахлаас шалтгаалан бүх  нийтийн бэлэн байдлын зэрэгт шилжсэнтэй холбогдуулан бүтээн байгуулалтуудын ажлаас “Модон эдлэл, барилгын хийц, материалын үйлдвэрийн үйл ажиллагаа”-г 2020.12.01-ны өдрөөс эхлэн үйлдвэрлэлийг нээх болсноор 21 аймгийн хэмжээнд 56 үйлдвэрийн 1232 ажилтан, Улаанбаатар хотод 44 үйлдвэрийн 993 ажилтан буюу 100 үйлдвэрийн 2225 ажилтан албан хаагчид ажиллаж эхэллээ.