Монгол эрдэмтэд онцгой нөхцөл байдалд авах арга хэмжээний нарийвчилсан төлөвлөгөө гаргалаа
Монгол Улсын хэмжээнд КОВИД-19 ѳвчний үүсгэгч САРС-КоВ-2 вирүсийн халдварын улмаас үүсээд буй халдварт өвчний онцгой нөхцөл байдалд үзүүлэх хариу арга хэмжээний нарийвчилсан дэлгэрэнгүй төлөвлөгөөг Оном сангийн Эрдэмтдийн багаас эцэслэн бэлтгээд Монгол Улсын Шадар сайд, Улсын онцгой комиссын дарга Я.Содбаатарт 2020 оны 11 сарын 23-нд албан ёсоор хүргүүллээ.
Оном сангийн эрдэмтдийн багт вирүслоги, эпидемиологи, халдварт ѳвчин судлал, анагаах ухааны нарийн мэргэжлийн эрдэмтэд, эмч нар багтдаг тѳдийгүй шинжлэх ухааны суурь салбарын эрдэмтэд, судлаачид, мэргэжилтнүүд зэрэг 34 хүний бүрэлдэхүүнтэй мэргэжлийн баг юм. КОВИД-19 цар тахлын онцгой нөхцөл байдалд үзүүлэх хариу арга хэмжээний нарийвчилсан төлөвлөгөө нь дараах үндсэн зургаан бүрэлдэхүүн хэсгээс бүрдэж байна.
1. Бэлэн байдлын төлөвлөгөөнд оруулах шинжлэх ухааны үндэстэй санал, санаачилга, зохицуулалтууд
2. КОВИД-19 ѳвчнийг үүсгэгч САРС-КоВ-2 вирүсийн халдвар илрүүлэх шинжилгээний лабораторийн чанарыг сайжруулж лабораторийн багтаамж болон хурдыг эрс нэмэгдүүлэх шийдэл болон САРС-КоВ-2 вирүсийн халдварын голомтыг тодорхойлж, халдварын тархалтын гинжин хэлхээг тасалж, хайрцаглахад зориулагдсан Нэг ѳрх - Нэг хүн - Нэг шинжилгээ зорилтот үйл ажиллагаа
3. Эмч, мэргэжилтэн, эмнэлгийн халдвар хамгааллыг сайжруулах, халдвараас сэргийлэх шийдэл, арга хэмжээнүүд
4. Мэдээллийн технологи хэрэглэн хавьтлыг маш хурдтай тодорхойлох шийдэлд оруулах санал
5. КОВИД-19 ѳвчнийг үүсгэгч САРС-КоВ-2 вирүсийн эсрэг болон КОВИД-19 ѳвчний эмчилгээ, вирүсийн халдвар болон ѳвчнѳѳс урьдчилан сэргийлэх вакциныг Монгол Улс аль болох хурдан авч эрүүл мэндийн үйлчилгээнд нэвтрүүлэхэд туслах үйл ажиллагаа
6. Олон нийтийн бэлэн байдлын үеийн хатуу хѳл хорионоос болоод эдийн засагт учирч байгаа сѳрѳг үр дагаврыг бууруулах арга хэмжээнд оруулах саналууд
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.