Монгол Улсын хэмжээнд Ковид - 19 цар тахалтай тэмцэхэд шинжлэх ухаанч арга хэмжээ авч хэрэгжүүлэх тухай Оном сангийн эрдэмтдийн баг Засгийн газар, Улсын онцгой комисс, Нийслэлийн Засаг даргын тамгын газарт санал зөвлөмжөө өгч, хамтран ажиллаж байна. Тэд дараах үндсэн 6 чиглэлд арга хэмжээ авч хэрэгжүүлэх зааварчилгаа гаргаад байгаа юм. 

1. Шинжлэх ухааны үндэстэй санал, санаачилга, зохицуулалтыг бэлэн байдлын төлөвлөгөөнд оруулах 

/Засгийн газраас гаргасан бэлэн байдлын төлөвлөгөөний дагуу хэрэгжиж байгаа арга хэмжээнд шинжлэх ухаанчаар хандаж, тодорхой саналуудыг Засгийн газарт хүргээд байгаа юм. Тухайлбал, иргэдийг хувийн машинаар явахыг хориглож, өглөө, оройдоо автобусанд олноороо явах, мах худалдан авахын тулд нэг дор бөөгнөрөл үүсгэж байгаа зэрэг нь эрсдэл дагуулж байгаа бөгөөд үүнээс сэргийлэхийн тулд ямар шинжлэх ухааны арга хэмжээ авах талаарх санал юм/

2. Вирусын халдвар илрүүлэх шинжилгээний лабораторийн чанарыг сайжруулж, лабораторийн багтаамж болон хурдыг эрс нэмэгдүүлэх шийдэл, үйл ажиллагаа 

/Олон улсын туршлагаас үзэхэд PCR оношлуураар өдөрт маш олон хүнийг хамруулан массын шинжилгээ хийж, халдварын тархалтыг хязгаарлаж авах боломжтой.Тиймээс үүнийг Дархан, Сэлэнгэ гэх мэт хотуудад ямар зардлаар, ямар хугацаанд, хэрхэн хийх талаарх төлөвлөгөө, арга аргачлыг боловсруулан Эрүүл мэндийн яаманд хүргүүлээд байна/ 

3. Эмч, мэргэжилтэн, эмнэлэгийн халдвар хамгааллыг сайжруулах, халдвараас сэргийлэх шийдэл, арга хэмжээ

/Сэлэнгэ аймгийн эмнэлэг болон ХӨСҮТ - д дотроо халдвар тархсан нь тусгаарлалтын алдаа гарснаас болсон.Тиймээс ийм алдааг дахин гаргахгүйн тулд ямар шинжлэх ухааны арга хэмжээ авах талаар эрдэмтдийн шийдлийг санал болгосон байна./

4.Мэдээллийн технологийг ашиглан хавьтлыг маш хурдтайгаар тодорхойлох шийдэлд оруулах санал 

/Хоёр хүн хоорондоо ойртоход утаснууд нь автоматаар бие биенийгээ бүртгэж авдаг бөгөөд тухайн хүн халдвар авбал ойрын хавьталд өнгөрсөн бүх хүмүүсийн утсанд автоматаар мэдээлэл очих юм. Үүнийг хамгийн их хэрэглэгчтэй Ebarimt - ыг ашиглан хийхээр ажиллаж байна/

5. Вирусын халдвараас урьдчилан сэргийлэх вакциныг Монгол Улс аль болох хурдан авахад туслах үйл ажиллагаа

/11 сарын 19 -ны өдөр АНУ - д үр дүн нь 95 хувьтай вакциныг гарган авсан. Уг вакциныг дэлхийн өндөр хөгжилтэй орнууд худалдан авч байгаа бөгөөд ядуу буурай оронд сүүлд ирэх болно. Тиймээс вакциныг аль болох хурдан авах ажилд оролцож, өөрсдийн олон улсын биотехнологийн танилуудаараа дамжуулан уг ажилд туслах юм/  

6. Эдийн засагт учир байгаа сөрөг үр дагаварыг бууруулах, арга хэмжээнд санал оруулах 

/Үүнд эдийн засагч, судлаач, эрдэмтдийн саналуудыг нэгтгэн, цаашид авах арга хэмжээний саналыг гаргаад байгаа юм.

“Оном сан” - аас өмнө нь Монгол Улсын хэмжээнд КОВИД-19 - ийн үед хэрхэн ажиллах төлөвлөгөөг гарган танилцуулж байсан. Уг төлөвлөгөөнөөс үзэхэд халдварт өвчний онцгой нөхцөл байдлын 1-4 зэрэгт буюу өдөр тутмын бэлэн байдал, өндөржүүлсэн бэлэн байдал, бүх нийтийн бэлэн байдал, онц байдал гэсэн 4 хэсэгт хуваан үзэж байна. Зэрэг тус бүрт ямар арга хэмжээ авч ажиллах талаар ерөнхий төлөвлөгөө, эрүүл мэндийн авч хэрэгжүүлэх арга хэмжээ, өдөр тутамд мөрдөх зааварчилгааг гаргажээ. Монгол Улс одоогийн байдлаар халдварт өвчний онцгой нөхцөл байдлын 3 дугаарт зэрэгт буюу бүх нийтийн бэлэн байдалд байна. Энэ үед ямар арга хэмжээ авч ажиллах ёстой талаар доорх танилцуулгаас үзнэ үү.

Мөн “Ковид -19” ба өрхийн орлого - ын талаарх судалгааг гаргаж, богино хугацаанд авч хэрэгжүүлэх ажлын арга хэмжээний саналыг гаргасан байна. Энэхүү судалгаанаас онцолбол, 

• МҮХАҮТ - ын судалгаагаар цар тахлын улмаас 8000 ажлын байр үгүй болоод байна

• Манай улсын ихэнх өрх/75%/ нь ямар нэгэн банкны хадгаламжгүй байдаг

• Цар тахлын хөл хорио нь барилгын салбарт бага нөлөөтэй ч бусад салбарын уналтаар дамжин аажмаар нөлөөлөх болно 

• Уг вирусын тархалт орлого багатай дүүрэгт өндөр байх хандлагатай байна.

• Дэлхийн банкны мэдээллээр сүүлийн 20 гаруй жил бууралттай байсан ядуурал энэ жил анх удаа өсөж байгаа бөгөөд үүний 80 гаруй хувь нь дундаж орлоготой улсын иргэд байгаа юм. 

Тиймээс Монголд богино хугацаандаа дараах арга хэмжээнүүдийг авах саналыг гаргасан байна

• Цалингийн татаас болон ажлын байрыг хадгалж үлдэхэд туслах хөтөлбөр 

• Нийгмийн даатгалын шимтгэлийг хөнгөлөх,

• Ажилгүйдлийн тэтгэмжийг нэмэx, уртасгах,

• Ажилчдыг дадлагажуулах, шинэ орчинд болон интернетээр ажиллах дадлага олгох 

  Иргэд, хэрэглэгчдийн утас болон интернетээр авах үйлчилгээг нэмэгдүүлэх,

• Эмчилгээний зардлыг хөнгөлөх, өвчтэй хүмүүс болон тэдний гэр бүлд туслах хөтөлбөр,

• Нийгмийн халамжийн үйлчилгээг нэмэх шинэ журам гаргах,

• Нийгмийн халамжийн ажилтнуудын тоог түр хугацаанд нэмэх,

• Хэрэглэгчдийн ус, цахилгааны мөнгөө төлж барагдуулах хугацааг сунгах,

• Тэтгэврийн доод хэмжээг түр хугацаанд нэмэгдүүлэх.

Судалгааны дэлгэрэнгүйг хүргэж байна