Энэ чиглэлээр гаргасанМонгол Улсын засгийн газрын 11 дүгээр сарын 18 -ны тогтоолыг хүргэж байна

Бүх нийтийн бэлэн байдлын зэрэгт шилжүүлсэнтэй холбогдуулан эдийнзасгийг дэмжих чиглэлээр авах зарим арга хэмжээний тухай

Монгол Улсын Засгийнгазрын тухай хуулийн 8 дугаар зүйлийн 5 дахь хэсэг, 30 дугаар зүйлийн 1 дэххэсэг, Татварын ерөнхий хуулийн 55.2.7, 56.1-д заасныг тус тус үндэслэн МонголУлсын Засгийн газраас ТОГТООХ нь:

1. Иргэдийн амьжиргааг дэмжих зорилгоор 18 хүртэлх насны хүүхэд бүрт сар бүр олгох 100,000 (нэг зуун мянган) төгрөгийн хүүхдийн мөнгөн тэтгэмж болон нийгмийн халамжийн тэтгэвэр, тэтгэмж, тусламжийн үйлчилгээг иргэдэд түргэн шуурхай, олон нийтийн бөөгнөрөл үүсгэхгүйгээр зохион байгуулж олгохыг Хөдөлмөр, нийгмийн хамгааллын сайд А.Ариунзаяа, Сангийн сайд Ч.Хүрэлбаатар нарт тус тус даалгасугай.
2. 2021 оны 7 дугаар сарын 1-ний өдрийг хүртэл хугацаанд ногдуулж тайлагнасан боловч хуульд заасан хугацаанд нийгмийн даатгалын шимтгэл төлөөгүй төрийн болон орон нутгийн өмчит, түүний оролцоотой хуулийн этгээдээс бусад аж ахуйн нэгж, байгууллагыг алданги, торгуулиас чөлөөлөх хуулийн төслийг боловсруулан Засгийн газрын хуралдаанаар нэн яаралтай хэлэлцүүлэхийг Хөдөлмөр, нийгмийн хамгааллын сайд А.Ариунзаяад даалгасугай. 
3. 2021 оны 7 дугаар сарын 1-ний өдрийг хүртэлх хугацаанд албан татвар төлөгчийн хуулийн дагуу ногдуулан тайлагнасан төлбөл зохих татварыг хуульд заасан хугацаанд төлөөгүй тохиолдолд уг хугацаанд ногдуулах татварын алданги, торгуулиас чөлөөлөх хуулийн төслийг боловсруулан Засгийн газрын хуралдаанаар нэн яаралтай хэлэлцүүлэхийг Сангийн сайд Ч.Хүрэлбаатарт даалгасугай.
4. 2021 оны 7 дугаар сарын 1-ний өдрийг хүртэлх хугацаанд худалдааны төв болон худалдаа, үйлдвэр, үйлчилгээ,  хувийн сургууль, цэцэрлэг, хүүхэд харах үйлчилгээний зориулалтаар байр, талбай түрээслүүлсэн албан татвар төлөгч түрээсийн төлбөрөө бууруулсан нь гэрээ болон төлбөрийн баримтаар нотлогдсон тохиолдолд бууруулсан хэмжээгээр түрээсийн орлогод ногдуулах аж ахуйн нэгжийн орлогын албан татварын хөнгөлөлт эдлүүлэх хуулийн төслийг боловсруулан Засгийн газрын хуралдаанаар нэн яаралтай хэлэлцүүлэхийг Сангийн сайд Ч.Хүрэлбаатарт даалгасугай.
5. 2021 оны 7 дугаар сарын 1-ний өдрийг хүртэлх хугацаанд хүнсний хангамжийн тогтвортой байдлыг хангах зорилгоор импортоор орж ирэх бүх төрлийн хүнсний будаа, ургамлын тосыг болон 2020-2021 оны өвөлжилт, хаваржилтийг хүндрэлгүй давахад шаардагдах өвс, мал, амьтны тэжээл, тэжээлийн үр, хүнсний улаанбуудай, улаанбуудайн үр, тослог ургамал, ургамлын түүхий тосыг импортын барааны гаалийн болон нэмэгдсэн өртгийн албан татвараас, Монгол Улсын нутаг дэвсгэрт боловсруулан борлуулсан ургамлын тос, дотооддоо борлуулсан өвс, мал, амьтны бүх төрлийн тэжээл, хүнсний будааг нэмэгдсэн өртгийн албан татвараас чөлөөлөх хуулийн төслийг боловсруулж, Засгийн газрын хуралдаанаар нэн яаралтай хэлэлцүүлэхийг Хүнс, хөдөө аж ахуй, хөнгөн үйлдвэрийн сайд З.Мэндсайхан, Сангийн сайд Ч.Хүрэлбаатар нарт тус тус даалгасугай.
6. Хүнсний салбарт үйл ажиллагаа явуулдаг аж ахуйн нэгж, байгууллагуудын хамтарсан шуурхай ажлын хэсгүүдийг байгуулан Эрүүл мэндийн яамнаас гаргасан халдвар хамгааллын шаардлагыг хангуулсны үндсэн дээр хүнсний бараа, бүтээгдэхүүний  үйлдвэрлэл, савлалт, хүргэлт, тараалт, борлуулалтын үйлчилгээг хэвийн явуулах арга хэмжээ авч ажиллахыг Монгол Улсын Шадар сайд, Улсын онцгой комиссын дарга Я.Содбаатар, Хүнс, хөдөө аж ахуй, хөнгөн үйлдвэрийн сайд З.Мэндсайхан, аймаг, нийслэлийн Засаг дарга нарт тус тус даалгасугай.
7. Төрөөс хэрэгжүүлж байгаа орон сууцны ипотекийн хөнгөлөлттэй нөхцөлтэй зээлийн 2021 оны 7 дугаар сарын 1-ний өдөр хүртэлх хугацааны үндсэн болон хүүгийн төлбөрийг зээлдэгчийн хүсэлтэд үндэслэн хойшлуулах, ингэхдээ үлдэгдэл төлбөрийн хэмжээг нэмэгдүүлэхгүйгээр зээлийн гэрээний хугацааг сунгах зохицуулалтын арга хэмжээг авч хэрэгжүүлэхийг Монголбанкны Ерөнхийлөгч Б.Лхагвасүрэн, Санхүүгийн зохицуулах хорооны дарга Д.Баярсайхан нарт зөвлөж, Сангийн сайд Ч.Хүрэлбаатарт даалгасугай.
8. Банк, банк бус санхүүгийн байгууллага, хадгаламж зээлийн хоршооноос иргэд, аж ахуйн нэгжүүдэд олгосон зээлийн үндсэн болон хүүгийн төлбөрийг хойшлуулах хүсэлтийг шийдвэрлэхдээ нэмэгдүүлсэн хүү, торгууль, алданги ногдуулж, хүүг нэгтгэж тооцох зэргээр зээлдэгчид нэмэлт дарамт үүсгэхгүйгээр төлбөрийн чадварт нь нийцүүлэн гэрээний нөхцөлд өөрчлөлт оруулж, хугацааг сунгахтай холбоотой зохицуулалтын арга хэмжээг 2021 оны 7 дугаар сарын 1-ний өдөр хүртэлх  хугацаанд үргэлжлүүлэхийг Монголбанкны Ерөнхийлөгч Б.Лхагвасүрэн, Санхүүгийн зохицуулах хорооны дарга Д.Баярсайхан нарт зөвлөсүгэй. 
9. Ашигт малтмал, газрын тосны бүтээгдэхүүн экспортолдог аж ахуйн нэгжүүдийг халдвар хамгааллын онцгой дэглэмд шилжүүлж, нийт ажилтнуудыг халдварт өвчнөөс хамгаалж, аюулгүй ажиллах нөхцөл бүрдүүлэхийг Уул уурхай, хүнд үйлдвэрийн сайд Г.Ёндонд даалгасугай.
10. Монгол, Хятадын хилийн боомтын “Ногоон гарц”-ын хэрэгжилтийг эрчимжүүлэх, ашигт малтмал, газрын тосны экспортыг хэвийн, тасралтгүй үргэлжлүүлэх асуудлыг Бүгд Найрамдах Хятад Ард Улсын талд дипломат шугамаар тавьж шийдвэрлэхийг Гадаад харилцааны сайд Н.Энхтайван, Уул уурхай, хүнд үйлдвэрийн сайд Г.Ёндон, Зам, тээврийн хөгжлийн сайд Л.Халтар нарт тус тус даалгасугай.
11. Ашигт малтмал, газрын тосны экспортыг хэвийн үргэлжлүүлэх зорилгоор хилийн боомтуудыг халдвар хамгааллын онцгой дэглэмд бүрэн хүчин чадлаар ажиллуулах, Тавантолгойн бүлэг орд, Нарийнсухайтын бүлэг орд, Оюутолгойн ордын хүрээнд Гашуунсухайт, Шивээхүрэн боомтоор тээвэр хийж буй жолооч нарыг шинжилгээнд бүрэн хамруулж тус боомтуудыг “Ногоон бүс” болгон зарлаж, тээвэрлэлтийг дараалал үүсгэхгүйгээр зохион байгуулахыг Монгол Улсын Шадар сайд, Улсын онцгой комиссын дарга Я.Содбаатар, Зам, тээврийн хөгжлийн сайд Л.Халтар, Уул уурхай, хүнд үйлдвэрийн сайд Г.Ёндон, Сангийн сайд Ч.Хүрэлбаатар, холбогдох аймгийн Засаг дарга  нарт тус тус даалгасугай
12. Монгол Улсад ирж буй бүх төрлийн шуудан илгээмжийг ариутган халдваргүйжүүлэх арга хэмжээ авч ажиллахыг Монгол Улсын Шадар сайд, Улсын онцгой комиссын дарга Я.Содбаатар, Гаалийн ерөнхий газар /Б.Асралт/-т тус тус даалгасугай.
13. 2021 оныг дуусталх хугацаанд коронавируст халдвар /COVID-19/-ын цар тахлын оношилгоо, эмчилгээнд хэрэглэх зорилгоор импортоор оруулж байгаа оношлуур, эм, эмнэлгийн хэрэгсэл, тоног төхөөрөмж, ариутгал, халдваргүйжүүлэлтийн бодис, амны хаалтыг импортын гаалийн болон нэмэгдсэн өртгийн албан татвараас чөлөөлөхөөр Улсын Их Хурлаас 2020 оны 8 дугаар сарын 28-ны өдөр баталсан хуулийг иргэд, олон нийтэд сурталчлах ажлыг зохион байгуулахыг Эрүүл мэндийн сайд Т.Мөнхсайхан, Гаалийн ерөнхий газар /Б.Асралт/-т даалгасугай.
14. Татвар төлөгч 2020 оны татварын жилийн тайлангаар гарсан алдагдлыг татварын дараалсан 4 жилийн хугацаанд Аж ахуйн нэгжийн орлогын татварын тухай хуулийн 19 дүгээр зүйлд заасан журмын дагуу хасаж тооцох тухай хуулийн хуулийг иргэд, олон нийтэд сурталчлах ажлыг зохион байгуулахыг Татварын ерөнхий газар /Б.Заяабал/-т даалгасугай.
15. Татвар, гаалийн байгууллагын цахим шинэчлэлийг эрчимжүүлж, гаалийн бүрдүүлэлт хийх, татварын тайлан гаргах, татвар төлөх, иргэдэд үйлчлэх үйл ажиллагааг цахимжуулж, иргэдтэй нүүр тулан ажиллахаас зайлсхийн үйл ажиллагаандаа хүний оролцоог багасгаж халдварт өвчин тархахаас сэргийлж ажиллахыг Татварын ерөнхий газар /Б.Заяабал/, Гаалийн ерөнхий газар /Б.Асралт/-т тус тус даалгасугай.
16. Татварын өртэй татвар төлөгч улсын болон орон нутгийн төсвийн санхүүжилтээр гүйцэтгэсэн бараа, ажил, үйлчилгээний төлбөрийн авлага, бусад татварын илүү төлөлттэй тохиолдолд тухайн татвар төлөгчийн хүсэлтээр татварын өрийг тухай бүр суутган тооцож ажиллахыг Сангийн сайд Ч.Хүрэлбаатарт зөвшөөрсүгэй.
17. Зээлийн батлан даалтын сангийн үйл ажиллагааг хууль тогтоомжид нийцүүлэн бизнесийг сэргээхэд чиглүүлэх, тус сангийн үйл ажиллагааг идэвхжүүлэх арга хэмжээ авч ажиллахыг Хүнс, хөдөө аж ахуй, хөнгөн үйлдвэрийн сайд З.Мэндсайханд даалгасугай.
18. Төсвийн болон төрийн байгууллага, төрийн болон төрийн өмчийн оролцоотой аж ахуйн нэгжүүдэд ажил, үйлчилгээ үзүүлсэн, бараа нийлүүлсэн этгээдийн төлбөрийг түргэн шуурхай барагдуулж ажиллахыг бүх төсвийн захирагч нарт үүрэг болгосугай.
19. Эдийн засгийн хүндрэлийг даван туулах, дотоодын үйлдвэрлэлийн тасралтгүй ажиллагааг дэмжих зорилгоор Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 10, 101 дүгээр зүйлд заасныг үндэслэн дотоодын барааг худалдан авахыг бүх төсвийн захирагч нарт даалгасугай.
20. Аж ахуйн нэгжүүдийг тендер шалгаруулалтад оролцох тэгш боломжоор хангах зорилгоор бэлэн байдал зарласан хугацаанд хүлээн авах бүх төрлийн тендер шалгаруулалтуудын хугацааг 2020 оны 12 дугаар сарын 04-ний өдөр хүртэл сунгахыг бүх төсвийн захирагч нарт даалгасугай.
21. Бүх нийтийн бэлэн байдлын зэрэгт шилжүүлсэнтэй холбогдуулан төсвийн орлогын бүрдэлтэй уялдуулан төсвийн захирагч нарын төсвийг хэмнэлтийн горимд үргэлжлүүлэн, цалин, тэтгэврээс бусад зарлагыг эрэмбэ тогтоож санхүүжүүлэх арга хэмжээ авахыг Сангийн сайд Ч.Хүрэлбаатарт даалгасугай.
22. Үйлдвэрлэл, үйлчилгээ, аж ахуйн үйл ажиллагааг хэвийн явуулах чиглэлээр эдийн засаг, төсөв, санхүүгийн талаар авах арга хэмжээний саналаа Засгийн газрын гишүүн бүр судалж боловсруулан Улсын онцгой комиссын хуралд танилцуулан шийдвэрлүүлж ажиллахыг Засгийн газрын гишүүдэд даалгасугай.
23. Хүн хооронд 2 метрийн зай барих, амны хаалт тогтмол зүүлгэх, үйлчлүүлэгч, ажилчдын биеийн халууныг тогтмол үзэх, гар халдваргүйжүүлэгч байршуулах, ариутгал, халдваргүйжүүлэлтийг өдөр тутам хийх, коронавируст халдвараас урьдчилан сэргийлэх зөвлөмжийг ил тод байршуулах болон Эрүүл мэндийн яамнаас өгч буй бусад зөвлөмж, шаардлагууд, иргэд, олон нийтийн олон нийтийн сэтгэл зүйг дэмжих соён гэгээрүүлсэн, үндэсний өв соёлыг харуулсан нэвтрүүлэг, зонтентууд, энэ тогтоолын талаар хэвлэл, мэдээллийн хэрэгслээр иргэд, олон нийтэд сурталчлах, нэвтрүүлэх ажлыг зохион байгуулахыг Монгол Улсын Шадар сайд, Улсын онцгой комиссын дарга Я.Содбаатар, Соёлын сайд Чулуун сайд нарт даалгасугай.