Төрөөс барилгын салбарт баримтлах бодлогыг хэрэгжүүлэх ажлын хүрээнд салбарын өнөөгийн нөхцөл байдлыг хэлэлцэж, цаашид авч хэрэгжүүлэх арга хэмжээг тодорхойлох, дотоодын үйлдвэрлэлийг өргөжүүлэн хөгжүүлж, бүтээгдэхүүний чанар стандартыг сайжруулах, барилга байгууламжийн зураг төсөл, угсралт, ашиглалтын шатанд тулгамдаж буй асуудлыг шийдвэрлэж, салбарын төрийн болон төрийн бус байгууллага, аж ахуй нэгжүүдийн хамтын ажиллагаа, уялдаа холбоог сайжруулах зорилгоор "Барилга байгууламжийн чанарын улсын зөвлөгөөн"-ийг 10 сарын 20-22-ны өдрүүдэд амжилттай зохион байгууллаа. 

Тус зөвлөгөөнд төрийн болон төрийн бус байгууллага, 21 аймгын ГХБХБГазрын төлөөллүүд нийлсэн нийт 250 гаруй зочид оролцсон юм. Зөвлөөгөөний үеэр салбарын төлөөллүүд салбартаа тулгамдаж байгаа асуудлыг хөндөн илтгэл тавьж хэлэлцүүлэг өрнүүлсэн юм. Тус илтгэлүүдээс зөвлөгөөнд оролцогч зочдын төлөөллүүд дүгнэлт, зөвлөмж гарган ажилласан билээ. 

Гурван өдрийн турш зохион байгуулагдсан "Барилга байгууламжийн чанарын улсын зөвлөгөөн"-ий сүүлийн өдөр болох нэгдсэн зөвлөгөөнөөс дөрвөн чиглэлд 25 зөвлөмж гарч, бодлогодоо тусган ажиллахаар боллоо. Энэхүү дөрвөн зөвлөгөөнөөс нийт 54 асуудал хөндсөн. Эдгээр асуудлаас нэгтгэн 

-Барилга хот байгуулалтын салбарын хууль, эрх зүйн орчны бодлогыг боловсронгуй болгох чиглэлт есөн зөвлөмж, 

-Барилгын материал чанар хяналтын тогтолцоог сайжруулах чиглэлд зургаан зөвлөмж, 

-Барилгын зураг төсөл чанарын хяналтын тогтолцооны чиглэлд, 

-Барилга угсралтын үе шатны ажлын чанар хяналтын тогтолцооны чиглэлд гээд нийт 25 зөвлөмж гарч Сайдын зөвлөлийн хурлаар хэлэлцэж, цаашдын төлөвлөгөөндөө тусгаж ажиллахаар боллоо.

"Барилга байгууламжийн чанарын улсын зөвлөгөөн"-ийг 10 сарын 05-ны өдөр Архангай аймгийн Цэцэрэг хотноо зохион байгуулсан бол салбар зөвлөгөөнүүд болох “Барилга байгууламжийн зураг төслийн чанар, хяналтын тогтолцоо” зөвлөгөөн 10 сарын 20-ний өдөр

“Барилга угсралтын үе шатны ажлын чанар, хяналтын тогтолцоо” зөвлөгөөнийг 10 сарын 21-ний өдөр зохион байгуулсан.

Харин тус хоёр зөвлөгөөнийг нэгтгэсэн Барилга байгууламжийн чанарын улсын зөвлөгөөнийг 10 сарын 22-ны өдөр зохион байгуулсан нь энэ юм.