Barilga.mn сайт 5 дахь удаагийн шинэчлэлт, цоо шинэ хувилбарыг хийж одоогоор 770 гаруй гишүүн байгууллага, 600 гаруй харилцагчидтай үйл ажиллагаагаа явуулж байна. 

Компаниудын үйлчилгээг зорилтот хэрэглэгчдэд хүргэх, үйл ажиллагааг нь дэмжих, салбарын компаниудын хоорондын харилцаа холбоо тогтоох боломжийг бүрдүүлэн, хамтын ажиллагаагаа дэмжин бэхжүүлэх зорилготой “Барилгын салбарынхныг вэбжүүлэх аян”-г өрнүүлж байгаа билээ. 

Энэ аяны хүрээнд бид салбарын байгууллагууддаа зориулан Barilga.mn сайтын шинэчлэлт болон хэрхэн өөрийн сайтаа үүсгэх, хөгжүүлэлт хийх, e-shop үүсгэх зэрэг компаниудын бүтээгдэхүүн үйлчилгээний хөгжүүлэлтийг сайжруулах талаарх сургалтыг 7 хоног тутам тогтмол зохион байгуулж байна. 

Энэ удаагийн сургалтад барилгын салбарт үйл ажиллгаа явуулдаг 15 орчим байгууллагын төлөөллүүд оролцсон бөгөөд тэдэнд сайт шинэчлэлтийн давуу тал болон Barilga.mn сайтад өөрийн сайтаа үүсгэх нь ямар давуу талтай байх, e-shop үүсгэж бараа бүтээгдэхүүнээ хэрхэн борлуулах, и-мэйл маркетинг, сошиал маркетинг, өөрийн сайттай болоход бүтэц, шаардлага, хөгжүүлэлт хэрхэн хийх зэрэг маркетингийн талаарх сургалт, мэдээллийг өгсөн юм. 

Сургалтыг "Барилга МН"-ийн мэдээлэл технологийн ажилтан Д.Алтан-Очир удирдан орлоо.