Санхүүгийн зохицуулах хороо /СЗХ/- оос “Үл хөдлөх хөрөнгө зуучлалын байгууллагын үйл ажиллагаа эрхлэх тусгай зөвшөөрөл, эрх олголт, бүртгэлийн журам” -ыг шинээр боловсруулан батлаад багагүй хугацаа өнгөрлөө. Уг журмын дагуу  зуучлалын байгууллагууд СЗХ - оос тусгай зөвшөөрөл авч, үйл ажиллагаа явуулах шаардлагатай болсон.

Тэгвэл Улсын бүртгэлийн ерөнхий газраас есдүгээр сарын 29-ний өдөр тусгай зөвшөөрөл аваагүй үл хөдлөх эд хөрөнгө зуучлалын байгууллагуудын  үйл ажиллагааг эрхлэхийг хүчингүй болгосныг мэдэгдсэн байна. 

Хороо нь дээрх санхүүгийн бус бизнес, мэргэжлийн үйлчилгээ үзүүлэгч этгээдүүдэд тусгай зөвшөөрөл олгох, бүртгэлжүүлэх ажлыг нэн даруй эхлүүлсэн бөгөөд Улсын бүртгэлийн ерөнхий газарт бүртгэлтэй үл хөдлөх эд хөрөнгө зуучлалын байгууллагын үйл ажиллагаа эрхэлж буй хуулийн этгээдүүдийг 2020 оны есдүгээр сарын 21-ний өдрийн дотор мэдээлэлд оруулсан өөрчлөлтөө харъяалах улсын бүртгэлийн байгууллагад ирүүлэх, дээрх хугацаанд улсын бүртгэлийн байгууллагад хандаж холбогдох өөрчлөлтөө бүртгүүлээгүй тохиолдолд улсын бүртгэлийг хүчингүйд тооцох талаар мэдээллэсэн байна. 

Дээрх хугацаанд улсын бүртгэлийн байгууллагад хандаж холбогдох өөрчлөлтөө бүртүүлээгүй 6,728 хуулийн этгээдийн үл хөдлөх хөрөнгө зуучлалын байгууллагын Улсын бүртгэлийн ерөнхий газрын хяналтын улсын байцаагчийн 2020 оны 9 дүгээр сарын 24-ний өдрийн 4,737 тоот дүгнэлтээр хүчингүй болгосон болохыг мэдээлж байна.

Дээрх хоёр үйл ажиллагааг Санхүүгийн зохицуулах хорооны тусгай зөвшөөрөлгүй эрхэлсэн тохиолдолд "Зөрчлийн тухай хууль"-д заасан захиргааны арга хэмжээ авах нөхцөл үүсэхийг анхааруулж байна.