“Барилгын материал үйлдвэрлэлийн улсын зөвлөгөөн” \2020.10.05\ Архангай аймаг цэцэрлэг хотод болсон билээ. 

Зөвлөгөөний үеэрх мэргэжилтнүүдийн тавьсан илтгэл, судалгаанд улсын хэмжээнд барилгын материалын нийт 827 орд, илэрц байгаагаас хайгуулын тусгай зөвшөөрөлтэй 57, ашиглалтын тусгай зөвшөөрөлтэй 223 орд байна. Барилгын материалын түүхий эдийн ордын нөөцөөс шалтгаалан орон нутагт барилгын материалын үйлдвэрлэл хөгждөг байна.

Тухайлбал Улаанбаатар хотод 554 үйлдвэр үйл ажиллагаа явуулж байгаа бол 21 аймгийн хэмжээнд 499 үйлдвэр үйл ажиллагаа явуулж байна. 

Харин Архангай аймагт хуванцар хаалга, цонхны 5 үйлдвэр, хүрмэн блокны 3, модон хаалга, цонхны 2, авто замын хайрганы бутлуурын 1 гээд 11 үйлдвэр үйл ажиллагаа явуулж байгаа аж.

Дашрамд дурдахад зөвлөгөөний үеэр барилгын материал үйлдвэрлэгчид өөрсдийн үйлдвэрлэсэн бүтээгдэхүүнээр үзэсгэлэн гаргажээ. 

Үзэсгэлэнд “Монцемент билдинг материалс” ХХК, “Монголын алт” (МАК) ХХК, “Премиум индастриал энд инженеринг” ХХК, “Перамид индастриаль” ХХК,  “Сейф арматур” ХХК,  “Цонх констракшн” ХХК,  Хөтөл “Цемент Шохой” ХК ТӨХК,  “Батс-Өргөө” ХХК,  “Метропласт” ХХК,  “Жоби” ХХК,  “Цээб” ХХК,  “Монголбазальт” ХХК,  “Сибкабель” ХХК,  “Дорнын хөгжил” ХХК,  “Байгууламж-Од” ХХК,  “Шилмэл өргөө” зэрэг 16 аж ахуйн нэгж оролцсон байна.