Өндөр технологийн хэв маяг ”Хай- тек”

Энэ хэвмаяг 20-р зууны жараад оноос бий болсон ба ийм хэв маягийн барилгууд нь бусдаас ялгардаг стандарт бус төрх байдлаараа сонирхол татдаг. Дизайнерууд үргэлж хайдаг шинэ санаануудын эрлийн үр дүнд техник, технологи өндөр хөгжсөн үед “хай-тек” хэв маяг бий болжээ.  Өндөр технологи хэмээх энэ хэв маяг нь агааржуулалтын хоолой, цахилгаан шат, кабелийн утас зэрэг хүний нүднээс далд байршуулдаг зүйлсийг сонирхолтой байдлаар ил гаргаснаараа ялгардаг. Мөн энэ хэв маягт шилэн гадаргуу ихтэй шийдэл зонхилдог ба шилэн гадаргууг бетон, металлтай хослуулах нь байшинг өвөрмөц шийдэлтэй болгодог.

Энэ хэв загварын онцлог зүйлүүд нь :

-Саруулхан том цонх, цонхны нээлхий

-Ил тод хананы хуваалт

-Шатны өвөрмөц шийдэл, стандарт бус хаалганы систем юм.

Дотоодзасал чимэглэлийн хувьд инженерийн шугам сүлжээ, харилцаа холбоо чимэглэлийн дизайны элемент болон хувирдаг.

Орчин үеийн хэв маяг

Энэ нь өмнөх хэв маягуудаас пропорциональ байдал, хэлбэрийн зөв байдал зэргээрээ ялгаатай. Олон тооны металл оруулга, шилэн гадаргуу нь байшинг өвөрмөц архитектурын объект болгодог. Өрөөний тааз өндөр, хавтгай дээвэр нь талбайг бүрэн дүүрэн ашиглах боломжийг олгож байна. Шат, тааз, тавилгыг дагасан гэрэлтүүлэг нь улам саруулхан, нээлттэй болгож өгнө. Элдэв төрлийн чимэглэлгүй, орчин үеийн нээлттэй төлөвлөлтийн шинж чанараараа энэ хэв маяг нь орон зайн хувьд хангалттай шийдэл болж өгдөг.

Эрчим хүч хэмнэх технологи, ухаалаг шийдлүүд улам бүр чухал болж байгаа нь амины оронсууцны тав тух, тохитой байдлыг улам дээшлүүлж байна. Үүнд: гурван давхар шилтэй цонх, панорамик гэрэлтүүлэг, нарны үүсгүүр суурилуулах, шаардлага хангасан агааржуулалтын систем, инженерийн шугам сүлжээ, гэрийн ухаалаг системзэрэг орно.

Фасадны материал

Фасадныматериал нь үзэмжтэй байхаас гадна гадны нөлөөнд тэсвэртэй, дуу, дулаан тусгаарлалт сайтай байхыг шаардана.

Шилэн фасад

Амины орон сууцны гадна талд шилэн фасад хийх нь түгээмэл болж байна. Анх байгалийн гэрэлтүүлгийг чөлөөтэй нэвтрүүлэх, барилгын дотор интерьерийг гадаад орчноос хамгаалах зориулалтаар шилэн фасадыг бүтээж байжээ. Харин энэ систем нь ашиглагдах явцдаа эрчим хүчийг хуримтлуулж, дулааны урсгал, нарны ягаан туяаг хянах замаар оршин суугчдад тав тухыг авчрах үүрэгтэй болон хувирчээ.

Шилэн

фасадыг чулуу эсвэл хөнгөн цагаан хавтангуудтай хослуулан барилгад ашиглах боломжтой. Ингэснээр та шил болон хөнгөн цагаан хавтан хосолсон, эсвэл дан шилэн фасадаар хүссэн загварын барилгаа барих боломжтой.

Мод

Энэ материалыг эко, нягт сайтай, аюулгүй байдал, найдвартай байдлыг нь илүүд үздэг хүмүүс сонгодог. Модон хавтангаар хийсэн фасад нь хүрээлэн буй орчинтойгоо маш сайн зохицдог ба энэ нь өндөр технологийг хэв маягийг зөөлрүүлж өгдөг. Модон зуслангийн байшин,  карниз, хүрээ, рейкэн доторлогоо, зэрэг модоор хийх эдлэл хийцүүд их хэрэглэгдэж байгаа ба модон рамтай угсармал загварын байшин ч түгээмэл байна.

Амины орон сууцны ханыг бетоноор цутгах, блокоор өрөх нь элбэг байгаа ба ийм гадаргууг будах, хуванцар материалаар бүрэх, керамик хавтангаар хучих боломжтой. Фасадны материалд саарал, цайвар өнгө зонхилох ба энэ нь уужим, цэмцгэр байдлыг илтгэнэ.

Тоосгон загвар нь эрэлт хэрэгцээтэй хэвээр байх ба бат бөх, удаан эдэлгээтэйгээрээ бусдаас ялгагдана. Мөн байгалийн чулуун элементүүдийг цоколь, шат, гадна тохижилт зэрэгт ашиглаж байна.

Мод, чулуу, металлыг дуурайлгаж хийсэн сайдинг материалууд нь хөнгөн жинтэй, угсрахад хялбар, гадна ханыг үзэмжтэй болгохоос гадна дулаалгатай байдаг.

Барилгыг уламжлалт хийц болох тоосго, блок, мод, цутгамал төмөр бетоноор барихаас гадна сүүлийн үед урьдчилан үйлдвэрт бэлтгэсэн бэлэн хийцүүд болох хашлаган систем, СИП хавтан, 3D хэвлэмэл мөн модулин барилгаар  угсарч байна. Орчин үед аминыорон сууц, ажилчдын сууц, цэцэрлэг зэргийг модулиар ихээр барих болсон.  Энэхүү барилгын технологи нь дулаан болон дуу чимээний тусгаарлалт өндөр, барилгын үндсэн хийцүүдийг үйлдвэрийн аргаар бэлтгэж, богино хугацаанд угсардаг учир барилгын чанар тогтмол сайн байдаг. Барилгыг жилийн аль ч улиралд үйлдвэрлэж, ямар ч газар барих боломжтой, хөдөлмөр зарцуулалтыг багасгаж, бүтээмжийг дээшлүүлдэг бөгөөд манай орны цаг уурын нөхцөлд ч тохиромжтой систем юм.

Амины орон сууцны загварт ямар ч чиг хандлага давамгайлж байсан ч та үргэлж өөрсдийн хүсэл, хэрэгцээг тооцох хэрэгтэй ба ихээхэн хүчин чармайлт гаргавал энгийн байшинг ч мөрөөдлийн болгон хувиргаж болно.