Жил бүрийн есдүгээр сарын эхний долоо хоногийн сүүлийн өдрүүдийг “Барилгачдын баяр” - ын өдөр болгон тэмдэглэн өнгөрөөдөг уламжлалтай. Энэ жил Барилгын салбар үүсэж хөгжсөний 94 жилийн ой тохиож байгаа бөгөөд өнөөдөр /09.04/ Барилгачдын талбайд барилгын салбарын оны шилдэг 10 аж ахуйн нэгж байгууллагуудыг  шалгаруулж, туг мандуулах хүндэтгэл ёслолын үйл ажиллагаа зохион байгуулагдлаа. 

Нээлтийн арга хэмжээнд БХБ-н сайд Б.Мөнхбаатар, БХБ - ын дэд сайд Э.Золбоо, газрын дарга нар, БХТ - ийн захирал Ц.Амарсанаа болон холбогдох албан тушаалтнууд, төрийн бус байгууллагууд /ТББ/, мэргэжлийн холбоодын удирдлагууд болон үе үеийн ахмад барилгачид, инженер техникийн ажилтнууд оролцлоо. 

2020 оны барилгын салбарын шилдэг 10 аж ахуй нэгжийг алдаршуулан дуудаж, “Баганат өндөрлөг” бүхий цом, өргөмжлөлийг гардуулан, тугаа мандууллаа.  

Барилга угсралтын чиглэлээр "Баганат-Өргөө" ХХК,  "Чинбат" ХХК,  "Монкон констракшн" ХХК, Инженерийн шугам сүлжээний чиглэлээр  "Универсум" ХХК,  Барилгын материал үйлдвэрлэлийн чиглэлээр  "Говь цамхаг" ХХК,  "МАК Цемент" ХХК,  Зураг төслийн чиглэлээр  "Орхон констракшн" ХХК,  "Интеллект тауэр" ХХК,  Нийтийн аж ахуйн чиглэлээр  "Цог өрнөх" ОНӨААТҮГ,  Хөдөлмөрийн аюулгүй байдал эрүүл ахуйн чиглэлээр "Жунсон костракшн" ХХК тус тус шалгараад байна.

 "Монкон констракшн" ХХК

 "Баганат-Өргөө" ХХК

 "Чинбат" ХХК

 "Универсум" ХХК

"Интеллект тауэр" ХХК

 "Орхон констракшн" ХХК

 "Цог өрнөх" ОНӨААТҮГ

"Жунсон костракшн" ХХК 

Мөн арга хэмжээний үеэр салбартаа олон жил үр бүтээлтэй ажилласан ажилтан, албан хаагчдыг шагнаж урамшууллаа. 

Энэхүү үйл ажиллагаа нь ажил үйлс, амжилт бүтээлээрээ манлайлсан байгууллагуудаа тодруулж, олон нийтэд таниулан сурталчлах,  барилга бүтээн байгуулалтын салбар төдийгүй улс орныхоо хөгжилд оруулсан хувь нэмрийг нь үнэлж, тэдэнд улам ихийг хийж бүтээх урам зориг өгөх зорилготой үйл ажиллагаа юм.