“Барилга, орон сууц -2020” үзэсгэлэнгийн нээлт 8 дугаар сарын 21 - нд Мишээл экспод боллоо. Нээлтийн үеэр “Барилгын хөгжлийн төв” ТӨААТҮГ, “Барилга МН” ХХК хамтран ажиллах санамж бичигт гарын үсэг зурж, 2 талын үйл ажиллагаагаа дэмжих, харилцан мэдээлэл солилцох, найрсаг хамтын харилцааг өргөжүүлж ажиллахаар боллоо. 

Уг санамж бичгийг байгуулсанаар: 

• Хамтран судалгаа шинжилгээ хийх, гүйцэтгэсэн судалгаа шинжилгээний ажлын эмхэтгэл, ном товхимол, мэдээллийг харилцан солилцох

• “Барилгын  хөгжлийн төв” ТӨААТҮГ-аас эрхлэн гаргадаг “Барилгын мэдээлэл” сэтгүүл, “Барилга МН” ХХК-аас эрхлэн гаргадаг “Барилга МН” сэтгүүлийг харилцан тогтмол захиалах

• Барилгын салбарын тулгамдсан асуудал, ААНБ-уудыг дэмжихтэй холбогдсон асуудлаар нээлттэй уулзалт, хэлэлцүүлэг, сургалт, семинарыг хамтран зохион байгуулах

• Талууд аль нэг талын зохион байгуулж байгаа гадаад, дотоод арга хэмжээ, сургалт, семинарт харилцан төлөөлөгчдөө оролцуулах;

• Талууд сэтгүүл болон вэбсайтадууддаа харилцан мэдээллээ боломжит хэмжээгээр байршуулах 

  зэрэг олон ажлуудад хамтран ажиллахаар боллоо.