Дэлхийн барилгын технологи нь гайхалтай хурдаар үсрэнгүй хөгжиж байна. Хөгжингүй ирээдүйд улам хурдтай ойртож, шинжлэх ухааны зөгнөлт зохиолчдын мөрөөдөл биелж, заримдаа санаанд багтамгүй технологи нэвтэрч байна.

Цаг хугацаа зогсолтгүй урагшилсаар, хүн төрөлхтөн шинэ барилгын материал, технологийг бий болгосоор байгаа бөгөөд үүнд барилга байгууламжийг халаах, хөргөх шинэлэг арга барилууд, эрчим хүчний хэмнэлтийг бий болгох шинэ материалууд болон бусад гайхалтай барилгын технологийг боловсруулж, манай ертөнцийг өөрчилж байна.

1. Олон чиглэлтэй соронзон цахилгаан шат

Заримдаа өндөр барилгад цахилгаан шаташиглахад хүлээлгэж хугацаа алддаг,ачааллаа дийлдэггүй, эвдрэл саатал гардагзэрэг  доголдлууд байдаг. Тэгвэл Германыцахилгаан шат үйлдвэрлэгч “Thyssen Krupp” нь эдгээр асуудлыг шийдвэрлэхээр төлөвлөж байна. Троссыг ашиглахын оронд соронзон татагч дээр суурилсан цахилгаан шатыг ажиллуулахыг тэд санал болгож байна. Энэ технологийг ашигласнаар цахилгаан шат зөвхөн босоо чиглэлд төдийгүй хэвтээ чиглэлд шилжих боломжтой болно.

Мөн босоо тэнхлэг бүрт хоёроос илүү кабиныг ашигласнаар хүлээх хугацааг хэмнэх болон  даацыг зөв тохируулдаг. Үүнээс гадна соронзон цахилгаан шат нь бага эрчим хүч зарцуулна.

2. Хулсан хот

Хулс нь гайхалтай, ирээдүйтэй барилгын материал болно гэжта бодож байсан уу? Хулс нь хурдан ургадаг, гангаас илүү хүчтэй, цементээс илүү тэсвэртэй байдаг. Иймд Бээжин хотод төвтэй Пенда архитектурын студи хулсыгбүхэл бүтэн хотын барилгын гол материал болгон ашиглахаар төлөвлөж байна.

Энэ материалыг хэрэглэснээр байгаль орчинд ээлтэй байхаас гадна өртөг хямд байх болно. Барилгаа барихдаа хулсан боодлыг хооронд нь холбон олсоор бэхлэж ашиглана. Энэ технологиор 2023 он гэхэд 200,000 хүн оршин сууххот байгуулах төлөвлөгөөтэй ажиллаж байна.

Хулсаар барьсан тасалгаа, тэр байтугай бүтэн байшинг ч нэг их хүч орохгүйгээр амархан задалж, хулсыг дахин ашиглаж болно.

3. Алмазан нано утас

Пенсильванийн их сургуулийн эрдэмтэд хүний үснээс 20000дахин нарийн алмазан нано утас бүтээжээ. Энэ алмазан нано утас нь дэлхий дээрх хамгийн удаан эдэлгээтэй материалд тооцогдож байна. Маш нарийн, бат бэхтэйгээс гадна хөнгөн жинтэй.

Судлаачид тусгаарлагдсан молекулуудад ээлжлэн даралт өгснөөр нарийн алмазан утсыг бүтээх боломжтой болжээ. Үүний үр дүнд нүүрстөрөгчийн атомын цагиргууд үүссэн бөгөөд эдгээр нь гинжээр холбогдсон байна.

Ийм нано утаснууд нь өдөр тутмын барилгын ажилд ашиглагдах боломжгүй бөгөөд зөвхөн тусгай төслүүдэд ашиглагдана. Жишээлбэл: Тэнгэр баганадсан барилгад кабель, троссны оронд ашиглахад тохиромжтой байна.

4. Нарны будаг

Альберта мужийн их сургуулийн судлаачдын баг цайр, фосфорын нано нэгжээр шүршдэг нарны будгийг хийжээ. Хэрэв байшингийн  дээврийг энэ нарны будгаар бүрхвэл үйлдвэрлэсэн энерги нь байшингийн эрчим хүчний хэрэгцээг хангахад хангалттай байх болно.

Үүнээс гадна нарны будаг нь уламжлалт нарны хавтангуудаас хямд үйлдвэрлэгддэг. Эрдэмтэд одоо нано будгийн үр нөлөөг сайжруулахаар ажиллаж байна.

5. Aэро гелэн тусгаарлагч

Aэрогель бол шинэ материал биш юм. Үүнийг өнгөрсөн зууны 1920-иод онд олж нээсэн. Энэ материал нь гелиэс шингэнийг ялгаж, хий болгон орлуулах явцад үүсдэг. Үүний үр дүнд бүтээгдэхүүн нь хэт хөнгөн болж, 90% -ийн агаартай тул дулаан тусгаарлалтад ашиглахад тохиромжтой болсон. Aэрогелийг  дамжуулах хоолойг тусгаарлахад ашигладаг байсан.

“Aspen Aerogels” компани нь барилгын ажилд аэро гель ашиглахаар төлөвлөж байна. Үүний тулд “Spaceloft одеял” гэж нэрлэгддэг бүтээгдэхүүнийг бүтээсэн бөгөөд энэ нь жин багатай, нимгэн тул ашиглахад хялбар байдаг. Хөнгөн жинтэй энэ бүтээгдэхүүн нь уламжлалт дулаалгын материалтай харьцуулахад дулаан тусгаарлах үзүүлэлт нь хоёроос дөрөв дахин их байдаг. 

Aэрогелэн тусгаарлагч нь уламжлалт дулаалгын материалаас үнэтэй боловч барилгын ашиглалтын явцад эрчим хүчний зардлыг хэмнэх болно.

6. Утаа шингээдэг барилгууд

Энэ нь уран зөгнөл шиг сонсогдож байгаа боловч энэ технологи нь аль хэдийн бий болсон. Энэ системийн дагуу барьсан барилга гадна талаасаа тийм ч үзэмжтэй биш санагдах байх, гэхдээ ер бусын дүр төрхтэй. 

Агаар мандлаас утааны тоосонцорыг шингээж инертний давс болгон хувиргах чадвартай био динамик цагаан бетон ньбарилгад ер бусын дүр төрхийг өгдөг. Ийм байдлаар орчны утааг багасгахад энэ технологи үр нөлөөгөө өгч байна.

7. Эрчим хүчний хэмнэлттэй тоосго

Барилгын шинэ материалуудын нэг бол эрчим хүчний хэмнэлттэй тоосго юм. Энэ нь нарийн ширхэгтэй, олон нүхтэй бүтэцтэй, янз бүрийн хэмжээ, хэлбэртэй байдаг. Энэхүү тоосгоор барьсан хана нь торон бөгөөд энэ нь халуун, хуурай цаг агаартай нөхцөлд агааржуулагчийн үүргийг гүйцэтгэх юм.

Уг тоосго нь чийгийг шингээдэг олон нүх сүвүүдээс бүрдэх хөвөн материал юм, Түүгээр дамжин өнгөрөх халуун агаар чийгийг шингээж, хөргөлтийн процесс явагдаж, эрчим хүчийг хэмнэх боломжийг олгодог ажээ.

Энэ технологийг гаргасан компани 3D принтер ашиглан керамик тоосго хэвлэх аргыг боловсруулсан байна.

8. Дээврийн шилэн хавтан

Швейцарьт төвтэй “SolTech” компани нь барилгын дээврийн зориулалттай өвөрмөц шилэн хавтанг бүтээжээ. Уг дээврийн шилэн хавтангийн фото элементүүдээр дамжин өнгөрөх нарны туяаны энергиэр  усыг халааж барилгын халаалтын систем, цахилгаан энергийг үйлдвэрлэхэд ашигладаг тул уг шилэн хавтан нь эрчим хүчний хэмнэлтэд ихээхэн хувь нэмэр оруулж байна.

9. Замагны энергийн хувилбар

Германы Гамбург хотод замагийг ашиглан цахилгаан эрчим хүч гарган барилгад анх удаа ашигласан. Туршилтын зориулалтаар баригдсан уг барилгыг шинжилгээ судалгааны төв болгон ашигладаг ба тус хотын эрчим хүчний хангамж, хэмнэлтийн талаарх шинэ санаанууд энд хийгддэг.

Энэ барилгын фасадад далайн ургамал агуулсан биологийн усан сан байдаг. Энэ нь замагийн далайн тэнгист байдаг орчинтой адил бүхий л нөхцөлийг бүрдүүлдэг. 

Дулааны улиралд нарны шууд тусгалаас замаг эрчимтэй ургаж эхэлдэг бөгөөд  үр дүнд нь цахилгаан эрчим хүч үүсч барилгад эрчим хүчний хэмнэлтийг авчирдаг.

10. “Өөрийгөө эдгээх” бетон

Хамгийн гайхамшигтай технологи болох тусгай био бетоныгГолландын эрдэмтэд бүтээсэн байна. Энэ бетон нь "өөрийгөө эдгээх" чадвартай бөгөөд уг материалд чийг нэвчих, цаашлаад уурших асуудлыг шийдсэн байна.

Цементийн зутан дахь амьд бактери нь сүүн хүчлийн кальцийг шингээж авсны дараа шохойн чулуу үүсгэдэг. Мөн тэрээр эргээд бүх микро хагарал, нүх сүвийг дүүргэж, бетоны бат бэхийг хангадаг.

Шинэ төрлийн бетон нь гайхалтай уян хатан, хөнгөн бөгөөд ачааллыг  арилгасны  дараа “өөрийгөө эдгээх” чадвартай болдог. Энэ шинэ бүтээл нь олон шагнал хүртсэн бөгөөд одоо газар хөдлөлтийн идэвхтэй бүсэд гүүр барихад ашиглагдаж байна.