Барилгын салбартай холбоотой мэдээ мэдээллийг сар бүр хүргэдэг Барилга.МН сэтгүүлийн 123 дахь дугаар хэвлэгдэн гарлаа. Барилга МН сэтгүүлд сар бүр салбарын нэр хүнд бүхий VIP зочны ярилцлага, амины орон сууц, салбарын судалгаа, иргэдэд зориулсан хэрэгтэй зөвлөгөө, шинэ материал, технологийн дэвшил, материал болон ажил гүйцэтгэлийн үнэлгээ, шинэ орон сууцны үнэ ханш болоод бусад мэдээ мэдээллүүд хэвлэгддэг билээ. 

Тэгвэл энэ удаагийн дугаарт нийтлэгдсэн онцлох булангуудаас танилцуулж байна. 

VIP ярилцлага: Барилгын салбартаа манлайлагчдыг урьж, тэдний хийж бүтээж буй ажил үйлс, бүтээн байгуулалтын талаар ярилцдаг “VIP” ярилцлагын энэ удаагийн дугаарт “Пирамид Индастри” ХХК-ийн үүсгэн байгуулагч буюу санхүү эрхэлсэн захирал  Д.Рэгзэдмаа оролцлоо. 

Барилгын маркетинг: Монгол улсын барилгын материалын зах зээлд жилдээ 1,3 их наяд төгрөг эргэлддэг бөгөөд 800 гаруй барилгын материалын үйлдвэрлэгчид, 1200 гаруй томоохон худалдаа эрхлэгчид үйл ажиллагаа явуулдаг. Эдгээрээс барилгын зах зээлд нэвтрэх арга зам, зорилтот сувгаа оновчтой сонгоогүй, салбараа судалгаагүйгээс үр ашиггүй, байгаа оноогүй олон сувгаар зар сурталчилгаагаа цацаж цаг хугацаа, хөрөнгө санхүүгээ эрсдэлд оруулсан барилгын материал ханган нийлүүлэгчид олон байдаг. 

Иймд онцгойлон энэ салбарт ажиллаж байгаа болон цаашид ажиллахаар төлөвлөж буй барилгын материал үйлдвэрлэгч, худалдаалагчдадаа зориулан барилгын зах зээлд нэвтрэх, амжилттай ажиллах арга замын талаарх зөвлөмжүүдийг хүргэж байна. 

Барилгын маркетинг:  Сүүлийн үед дижитал маркетинг хүчээ авч, бизнесийн байгууллагууд бүтээгдэхүүн, үйлчилгээгээ хайлтын систем, сошиал медиа, имэйл, өөрийн вэб хуудас гэх мэт сувгуудыг ашиглан хэрэглэгчдэдээ мэдээлэл хүргэх аргыг ихээхэн ашиглах болсон. 

Тэгвэл барилгын салбарын бизнес эрхлэгчдийн маркетингаа хийх талбар болсон barilga.mn сайт 5 дахь удаагийн шинэчлэлтээ хийж, илүү өргөн боломжийг та бүхэнд олгож байна. Энэ талаар Барилга МН - ны мэдээлэл, технологийн ажилтан Д.Алтан-Очиртой ярилцлаа 

Залуу инженер: Барилгын салбарт ур ухаан, мэдлэг чадвараа зориулан ажиллаж буй инженерүүдийг “Залуу инженер” ярилцлагын буландаа урьдаг билээ. Энэ удаагийн зочноор Орос улсын Москва хотын томоохон барилгын компанид барилгын инженерээр Орос, Турк инженерүүдтэй мөр зэрэгцэн ажиллаж буй залуу инженер А.Нурбахыттай технологийн дэвшлийг ашиглан цахимаар ярилцсанаа хүргэж байна.

Нийтлэл: Монгол улс нь гадаад худалдааны хувьд импорт давамгайлсан орон. Импортоор ирж байгаа чанаргүй материалаас үүдэн барилгын фасад ховхорч хуурах, ус алдах, хана цуурах зэрэг олон асуудлаас болж олон хэрэглэгчид эд хөрөнгөөрөө хохирч байгаа нь ил байгаа. Гэвч энэ талаар хэрэглэгчид төдийлөн гомдоллодоггүй, хэвийн үзэгдэл мэт хүлээн авч, дасан зохицож байгаа нь ирээдүйд үр хүүхдэдээ өвлүүлэх үнэт хөрөнгийн үнэ цэн буурч, цаашид эрүүл мэндээрээ хохирох тохиолдол гарч болохыг үгүйсгэхгүй юм. 

Тэгвэл барилгын материалын ханган нийлүүлэлт, материалын чанар, түүнд тавигдах хяналтын өнөөгийн байдал ямар байна вэ? 

Амины орон сууц: Барилгын бүх ажлыг гадны мэргэжилтнүүдийн зөвлөгөөгөөр өөрийн гараар хийх боломжтой. Та зөвхөн барилгын материалаа зөв сонгож, сайн судалгаа хийх хэрэгтэй. Амины сууц барих ажил нь тодорхой үе шатуудад хуваагддаг ба энэ үе шатуудыг нарийвчлан төлөвлөж, барих хугацаагаа тооцож, зураг төсөл, төсвийн дагуу угсралтын ажлаа гүйцэтгэж, материал татан авалтаа хийх хэрэгтэй. Барилга барих үйл явц, хугацааг төлөвлөхөд олон нөхцөл байдал нөлөөлдөг. 

Тухайлбал: барилгын хэлбэр, хэмжээ, хийц, газрын байрлал, хөрсний төрөл  гэх мэт, мөн цаг агаар, ажлын талбай дээрх нөхцөлүүд, ажиллах хүч болон материалын хангалт, төсөв санхүү зэрэг байна. Амины сууцаа зөв төлөвлөж, зураг төсөл бэлэн болж, төсөв тооцоо хийгдэж, барих ажил эхлэх боллоо. Энэ дугаартаа амины орон сууцыг барихдаа юунаас эхлэх вэ, ямар дэс дарааллаар угсралтыг хийх талаарх зөвлөгөөг хүргэж байна.  

Та чадна: Зуны дэлгэр цагт хүүхдүүд тань гадаа тоглож дархлаагаа дэмжих биш цахим ертөнц, тоглоомд ихэнх цагаа өнгөрүүлж суугаа юм биш биз? Энэ асуудлыг шийдэхэд нэмэр болох орчин үеийн шийдэл бүхий зугаатай, өнгөлөг савлуурыг зуслангийнхаа гадна талбайд бүтээгээрэй. Тийм ч хэцүү зүйл биш шүү, оролдоод нэг үзээрэй.

Эдгээр болон бусад мэдээллийн дэлгэрэнгүйг Барилга МН сэтгүүлийн 123 дахь дугаараас…

Барилга МН сэтгүүл захиалах бол ЭНД дарна уу.

Холбогдох утас: 77113333, 91000233