Сайн байна уу ? “Юникл Таувэр” ХХК-ийн хэрэгжүүлж буй “U Apartment” орон сууцны хотхоны төслийн талаар танилцуулаач?

“U Apartment” хотхон 198 айл бүхий 2 блок орон сууцны төсөл бөгөөд төслийн судалгаа, шинжилгээний ажил 2019 онд бүрэн хийгдэж, барилгажих хугацааг 2020 оны 3-р сард эхлүүлнэ гэсэн төлөвлөгөөний дагуу ажлаа эхлүүлээд одоо барилга угсралтын ажил явагдаж байна. 2021 оны 1-р улирал гэхэд хотхон бүрэн ашиглалтад орсон байхаар төлөвлөсөн төлөвлөгөөндөө нийцүүлэн ажлаа зогсолтгүй үргэлжлүүлж байна. Ерөнхийдөө газар шорооны ажлаас  

эхлээд, барилга угсралттай холбогдох бүх төрлийн ажлууд бүрэн хийгдэж айлуудаа оруулж, төслийн гүйцэтгэл 100% бүрэн болох хугацааг 1 жил 3 сар гэж тооцон, одоогоор ажлын гүйцэтгэл 4 дэх сардаа явагдаж байна.  Борлуулалтын менежер М. Мөнхсүх 

Барилгын байршил, хийцлэл, чанарын талаар танилцуулаач ? 

Хан-Уул дүүргийн, 21 дүгээр хороо, “Буянт-Ухаа” спорт цогцолборын баруун талд баригдаж байна. Энэхүү бүсчлэл нь газар хөдлөлтийн 7 баллд тэсвэртэй гэж заагдсан байдаг. Мөн бид 2019 онд хийгдсэн судалгаа шинжилгээнийхээ явцад барилгын зураг төсөл, төлөвлөгөөг боловсруулж хөрсний шинжилгээ хийлгүүлсэн. Энэ шинжилгээгээр 7 баллын газар хөдлөлтөд тэсвэртэй төдийгүй тухайн газрын хөрсний ус чийг болон бусад хүчин зүйлсэд тохирсон бараа материалаар хэрхэн яаж угсрах вэ гэсэн тооцооллыг стандартын дагуу гүйцэтгэж тодорхойлсон. Тиймээс бүх зүйлийг стандартад нийцүүлэн нил хавтан суурьтай, төмөр карказан хийцлэлтэй, хөнгөн блокон дүүргэлттэйгээр барилга угсралтын ажлаа үргэлжлүүлж байна. Чанарын хувьд төмөр карказ нь барилгын насжилтын хувьд 150 жил, хөнгөн блок нь 100 жилийн насжилттай гэж тодорхойлогдсон байдаг. Тэгэхээр барилгын насжилтыг дундажлаж тооцоолдог стандартын дагуу “U Apartment” хотхон 120 жилийн насжилттай хийцлэлээр бүтээгдэж байна гэсэн үг юм. 

Иргэд бөглөрөл, хүн амын нягтаршилаас нэлээд хол байхыг эрмэлздэг болсон. “U Apartment” хотхон нь иргэдийн хүсэл шаардлагад нийцсэн байрлалд баригдаж байна гэж харж байна. 

Баярлалаа, дээр дурдсанчлан U Apartment хотхоны барилга баригдаж байгаа газар болон түүний ойр хавийн бүсчлэл нь шинэ хот төлөвлөлтийн А бүсэд харьяалагдаж байгаа. Энэ бүсчлэл нь одоогоор нягтаршил үүсээгүй, саруулхан байгаа төдийгүй барилга баригдаж буй газар том зай талбайг эзэлдэг учраас бид саруулхан зайд бүх зүйлийг цогцоор нь шийдэж өгч байгаа. Хотхоны захиалагч нар болон захиалга өгөх гэж хүсэж байгаа иргэдийн хүсэл сонирхолд бүрэн нийцэж байгаа нь бидэнд анзаарагдсан. Хүмүүс саяхныг хүртэл Нисэх, Яармагийг хотын төвөөс хол, зайтай гэж үздэг байсан бол одоо тэр зүгрүү барилгажилт их явагдаж байгаагаар зогсохгүй төрийн болон хувийн хэвшлийн олон аж ахуй нэгжүүд, томоохон байгууллагуудын байршил нь тэнд байрладаг болж эхэлж байна. Мөн Монгол улсын хамгийн том спорт цогцолбор болох Буянт-ухаа спорт ордон, Нисэх онгоцны буудал зэрэг байрлаж байна. Мөн томоохон их дэлгүүр, үйлчилгээний төвүүд энэ бүсчлэлд бүтээн байгуулагдаж байгаа учраас хотын зах гэж үзэх хүмүүсийн тоо маш цөөн болсон байна. 

Орон сууцад оршин суугчид хажуу айлын дуу, чимээ их сонсогддог гэдэг. Энэ нь амар, тайван амьдралд сөрөг нөлөө их үзүүлдэг. Ер нь яагаад, юунаас болж хажуу айлын дуу чимээ сонсогддог вэ? Үүний эсрэг танай орон сууцны хийцлэлд дуу тусгаарлалтын ямар материал ашиглагдаж байна вэ? 

Яагаад дуу чимээ үүсдэг вэ гэвэл энэ нь ердөө блокны сонголт буруу, өрлөгийн чанар дутуу буюу зай завсар ихтэй байхаас гадна барилгын хийцлэлд гипсэн ханаар тусгаарлалт хийх зэрэг олон шалтгаануудаас үүдэлтэй. Бидний хувьд энэ асуудал дээр чухал ач холбогдол өгч, нарийн тооцоолол судалгаа хийсний үндсэн дээр өмнө хэлсэн шийдэлд хүрч, чанартай ая тухтай барилга барихыг эрхэмлэж байгаа. 

Бид айл болон өрөө хоорондын ханыг блокон өрлөгөөр дүүргэж байгаа учраас энэ нь маш сайн дуу тусгаарлалтын хүчин зүйл болдог. Тэр дундаа МАК-ын евро блокийг ашиглаж байна. Энэ блок түгжигдэж угсрагдах тул маш нарийн, зай завсаргүй өрөгдөнө гэсэн үг. Түүнчлэн блок угсралтын араас давхар шавардлага хийж ямар нэгэн хананы зай завсар гэх асуудал үүсэхгүй дуу чимээг маш сайн тусгаарлаж өгөх давуу талтай. 

Орон сууц худалдан авагчид автоматжуулалтад их ач холбогдол өгдөг болсон байна. Тус хотхоны ухаалаг системийн талаар танилцуулаач?

Дэлхийн аль ч өнцөг буланд ухаалаг системийн хэрэглээ нэмэгдэж, түүнийг дагаад дэвшилтэт технологийн хөгжил ч нэмэгдэж байгаа энэ үед бид дэлхийн хөгжил, нийгэм цаг үетэйгээ зэрэгцэж алхахын тулд наанадаж хүн бүхэн ухаалаг утастай, айл бүр ухаалаг системтэй болж байна. Бид ч мөн энэхүү шаардлагыг хангаж ажиллах үүднээс айл бүрийг домофон системд холбож, байрны өнцөг булан бүрт болон орц, лифт, авто зогсоол цаашлаад давхар бүрт камержуулалтыг хийж, 24 цагийн харуул хамгаалалттай байхаар төлөвлөсөн. Улмаар оршин суугчид цаг үетэйгээ хөл нийлүүлэхээс гадна, гарч болох бүхий л эрсдэлээс хамгаалагдана. Жишээлбэл, хуучин цагт хэн дуртай нь орцруу нэвтэрч бохирдуулах, гэмт хэрэг үйлдэх, үүнээс үүдээд оршин суугчдын ая тух, амар тайван байдал алдагддаг байсан шүү дээ. Харин домофон системийг суурьлуулсанаар айл өрхүүд, зочид гийчид болон гадны хүмүүсийг орц руу нэвтрэхээс өмнө камераар хянах боломжтой гэсэн үг. Үүнийгээ дагаад оршин суугчдын амар тайван, ая тухтай амьдрах хэрэгцээ нь бүрэн хангагдах эх үүсвэр болно гэж үзэж байгаа. 

Мөн хотхоны гэрэлтүүлгийг хэд хэдэн төрлөөр шийдэж, бүсчлэлд хуваасан. Авто зогсоолын, хүүхдийн тоглоомын, ногоон байгууламжийн, орц, давхрын гэх мэт. Эдгээрээс бүсчлэл бүрт нь тохируулаад автомат гэрэлтүүлэгч байх уу, байнгын гэрэлтүүлэгч байх уу гэдгийг нарийн тодорхойлж өгсөн. Үүнээс дүгнээд хэлэхэд автоматжуулалтыг манай хотхонд нийгэм цаг үедээ болон хэрэглэгчид, оршин суугчдын нийгмийн хэрэгцээ шаардлагад нийцүүлэн шийдвэрлэж өгсөн гэсэн үг. 

Барилга орон сууцны бас нэгэн чухал хүчин зүйлсийн нэг хэсэг бол агааржуулалтын асуудал байдаг. 

Тэгэлгүй яахав барилгын чухал хэсгүүдийн нэг бол халаалт, агаар сэлгэлт, цэвэр бохир ус байдаг. Манай хотхоны хувьд сүүлийн үеийн дэвшилтэт технологи ашиглан галын аюулгүй байдлыг ханган галын утаа сорох систем, нийтийн эзэмшлийн хэсэг болох лифт, шатны хонгил зэрэг хэсгүүдэд агааржуулалт хийх системүүдийг төлөвлөсөн, бүрэн автоматжуулсан системээр тоноглолт  хийхээр ажиллаж байна. Мөн орон сууцуудад анзаарагддаг нийтлэг нэгэн зүйл нь гал тогоо болон ариун цэврийн өрөөний агаар дамжуулах хоолойгоор дээд, доод айлаас сорсон агаар нь буцаж цохигдоод янз бүрийн үнэр, хэншүү ханхлаад байдаг. Энэ асуудлыг манай хотхонд бүсчилсэн систем болон сэнстэй решотка хийхээр төлөвлөсөн байгаа юм. Ингэснээр энэ асуудал бүрэн шийдэгдэх боломжтой. 

Хотхоныхоо сантехник, ус дамжуулах шугам хоолойн талаар танилцуулаач. Аль улсын ямар брэндийн бүтээгдэхүүн, материал хэрэглэж байгаа вэ ? 

Шугам хоолойн асуудлууд бүгд төвийн шугам буюу дэд бүтцэд холбогдсон. Материалуудын тухайд өргөх насосын узель нь Дани улсын Grudfoss болон Danfoss брэндийн насос, тоноглол ашиглах бол ус дамжуулах хоолой нь Итали улсын Comisa брэндийн PPR, PVC шугам хоолойнууд орно. Холбох хэрэгслүүд мөн Итали улсын Comisa брэндийх, харин ариун цэврийн өрөөний тоноглол нь Герман улсын Bravat брэндийн угаалтуур, суултуур, ванн зэрэг тоноглолууд байна. 

Сүүлийн үед орон сууц сонирхогчид тав тух, эмх цэгцтэй байдлыг илүү эрхэмлэх болсон. Өрөөний сонголт, зохион байгуулалт, интерьерийн шийдлийн тухайд ? 

U Apartment орон сууцны хотхоны төслийн баг 2019 онд иргэдийн хүсч байгаа метр-квадрат болон нэг метр-квадратыг хэдэн төгрөгөөр худалдаж авбал иргэдийн айл өрхийн орлогод нийцэх вэ, ямар нөхцөл таалагдах вэ, хотын аль бүсэд барилга баривал хүсэл сонирхолд нь нийцэх вэ, эх хотын хөгжил хаашаа явж байна вэ гэх мэтээр тал бүрээс нь судалсан. Энэ судалгааныхаа үндсэн дээр бид байрныхаа метр-квадратуудыг тооцож гаргахдаа өрхийн хэрэгцээнд нийцэхүйц байдлаар хамгийн багадаа 37,7мкв-с томрох зарчмаар 74 мкв хүртэл олон сонголтуудыг гаргаж ирсэн. Ингэхдээ 37,7мкв байр хүртэл ердөө нэг өрөө бус хоёр өрөө байхаар шийдэж өгсөн. Учир нь багадаа нэг айл 3 ам бүлтэй байдаг, тэр мэдээж бүл нэмнэ, гаднаас зочид гийчид ирнэ, энэ тохиолдол бүрт нэг өрөө байр тухгүй нөхцөл байдлыг үүсгэдэг. Иймээс хэдий багавтар хэмжээтэй ч гэсэн өрөөний зохион байгуулалтыг зөв хийж өгвөл ашигтай талбай их хэмжээгээр гарч энэ зай талбайд тохилог бөгөөд хэрэгцээ шаардлагадаа нийцүүлээд амьдрах боломжтой гэж тооцоолж бид анхнаасаа зураг төслийн багтайгаа ярилцаад интерьер шийдлээ боловсруулсан. 

Интерьерийн хувьд айл өрх бүрт ээлтэй байдлаар шийдэж өгсөн гэдэг нь харагдаж байна. Тэгвэл экстрьерийн шийдэлдээ юу юуг багтааж өгсөн байгаа вэ ? 

2 блок барилга баригдана. Ингэхдээ 1 барилга 1 орцтой, 24 цагийн хос цахилгаан шат, аваарын гарц, шатны хонгил зэрэг нь бүгдээрээ голдоо байрлалтай, айлууд маань эдгээрийг тойроод байрласан гэсэн үг. Мөн барилга төсөл хэрэгжүүлэх газар дээрээ ромбо хэлбэртэй байрлаж байгаа. Учир нь нийтийн жишгээс үзэхэд яг тэгш байрлалаар баригдсан барилгын хойшоо харсан цонхтой хэсэгт байрладаг өрхүүдрүү нарны гэрэл тусах нөхцөл боломж хаагдмал байдаг. Иймээс бид 198 айл өрхүүдрүү бүгдэнрүү нарны туяа тусдаг, цонхоор нь нарны гэрэл ордог байгаасай гэсэндээ 2 барилгаа ромбо хэлбэрээр байрлуулсан учраас чанх хойшоо харсан нэг ч айл байхгүй. Мөн тагтны хаалтуудыг маш саруулхан байлгахаар шийдсэн бөгөөд гаднаасаа харагдаж байгаа байдал нь өнгө үзэмжтэй, дотроосоо гаднах орчинг харахад тааламжтай байлгах үүднээс тагтны зохион байгуулалтад хүртэл анхаарч ажилласан. Хэдийгээр давхардаа 9 айлтай, шатны хонгилоо тойроод байрлана гэж байгаа боловч айлуудын хаалга нэг нэгэндээ төвөг учруулахгүй байхаар хаалгануудын зайг тооцож өгсөн.

Зарим орон сууцны хүүхдийн тоглоомын талбайг харахад харагдах байдал нь тоглоомын талбай боловч яг үнэндээ хүүхэд тоглоход эв хавгүй, сонирхолгүй, ганц гулгуур, савлуур мэтхэн л байдаг. Өөрөөр хэлбэл “Хүүхдэд ээлгүй тоглоомын талбай” гэмээр. Нөгөө талаар авто зогсоол хүүхдийн тоглоомын талбайтай хамт байгаа нь аюулгүй байдал тал дээр эрсдэлтэй харагддаг. 

Энэ тал дээр маш сайн анхаарч ажилласан төдийгүй мөн адил нарийн судалгааг боловсруулсан. Монгол улсын барилгын стандартад тухайн газрын 70% -д барилгажилтын ажил явуулж үлдсэн 30%-д нийтийн эзэмшлийн зам талбай, авто зогсоол, тоглоомын талбай зэргийг шийднэ гэж зөвшөөрсөн байдаг. Энэ нь хаана нь тоглоом тавих уу, хаана нь ногоон байгууламж авто зогсоол барих уу гэх асуудал үүсгэж улмаар хомстол үүсч, ая тухтай байдлыг эвдэх үндэслэл болдог. Харин бид эсрэгээр нь барилгажих талбайн ердөө 30%-д барилгаа бариад үлдсэн 70%-д нь нийтийн эзэмшлийн зам талбай, авто зогсоол, ногоон байгууламж зэргийг цогцоор нь шийднэ гэж төлөвлөсөн. 

Хүүхдийн тоглоомын талбайн тухайд нас насны ангиллаар 3 төрөл болгож хуваасан. Өсвөр насны хүүхдүүдэд зориулсан сагсан бөмбөгийн талбай, скүтер, ролькын зам талбайг хүүхдийн анхаарал сонирхол татахуйц байдлаар бага зэргийн экстрем маягаар шийдсэн. Мөн бага насны хүүхдүүд болон тэднийг салхилуулдаг ээж, аав, асран хамгаалагчдад зориулсан сүүдрэвч, гулсуур, савлуур зэргийг байрлуулж мөн эрсдэлээс сэргийлсэн зөөлөн дэвсгэр зэргийг байрлуулна. Бас нэгэн мартаж үл болох хүмүүс бол өндөр настанууд шүү дээ, тэдэнд зориулсан эрүүл мэндэд тустай бялдаржуулах төхөөрөмж, даам шатар тоглоод суух сүүдрэвч зэргийг суурилуулна гэж төлөвлөгдсөн. Ингээд ерөнхийдөө нарлаж, салхилж суух 3 хэсэг бүхий талбайг шийдвэрлэж өгсөн. 

Харин авто зогсоолыг айл бүрт хүрэлцээтэй байхаар шийдвэрлэсэн тул зогсоол олдохгүй гэдэг асуудал үүсэхгүйгээс гадна, хүүхэд тоглож байгаад машинд дайруулах эрсдэл гарахвий гэх аюулгүй байх үүднээс тоглоомын талбай, авто зогсоол зэргийг тусад нь шийдэж өгсөн аюулгүй байдалд эерэг нөлөөлнө гэж итгэж байна. 

Ногоон байгууламжийн хувьд?

Ногоон байгууламж бол маш сайн хийж өгөх шаардлагатай. Манай газар бүсчлэлд тохирох байдлаар бут сөөгүүдийг сонгоно, ингэхдээ хүнд харшил үүсгэхээргүй ургамал, сөөг бутнуудыг тухайн орчны салхины чиглэлд нийцүүлэн зөв байрлалд суурилуулахаар төлөвлөөд байна.

Орон сууц худалдан авагч нарт зориулсан төлбөрийн уян хатан нөхцөл байгаа юу ? 

Мэдээж байлгүй яахав, та анзаарч байгаа байх. Манай төсөл бол маш нарийн судалгаа, төлөвлөгөөний үндсэн дээр хэрэгжиж байгаа. Бид маш олон давуу талтай, хүн бүрийн хүсэл сонирхолд нийцсэн, иргэн бүрт ашигтай санал дэвшүүлж байгаа гэдэгтээ итгэлтэй байгаа. Нарийн судалгаа хийсний үндсэн дээр цөөн ч гэсэн айлыг өрийн дарамтгүйгээр амьдрах үйл хэрэгт нь туслалцаа үзүүлэх юмсан гэсэн сэтгэлээр манай байгууллагын хамт олон энэхүү төслөө хэрэгжүүлж эхэлсэн. 

Учир нь Монголын нийгэмд нас харгалзалгүй бүгд л хэрэглээний, орон сууцны, авто машины, тэтгэврийн зээл гэх мэт янз бүрийн их, бага хэмжээний зээлтэй, цалингаас цалингийн хооронд амьдарч байгааг бид бүгд мэднэ. Авсан цалингийнхаа ихэнх хувийг зээлийн хүүгийн төлөлтөө өгдөг. Иймээс бид нийгмийн хариуцлагын хүрээнд иргэдийнхээ, тэр дундаа залуу гэр бүлүүдээ дэмжин, зээлийн хүүгийн дарамтаас салгах зорилготойгоор Монголдоо анх удаа урт хугацааны буюу 8 жилийн, огт хүүгүй зээл олгох нөхцөл бүрдүүлж, санаачилж чадсандаа сэтгэл өндөр байгаа. 

Энэ нөхцөлөөр байраа захиалснаар 96 сарын хугацаанд, зөвхөн орон сууцны үндсэн төлбөрөө ямар нэгэн зээлийн хүүгүйгээр сар бүр хуваагаад төлөх боломжтой бөгөөд төлөлт нь сардаа тухайн өрхийн эдийн засгийн байдалд хүндрэл учруулахгүйгээр зохион байгуулж, график төлөвлөлт гаргасан байгаагаараа давуу талтай. Хамгийн гол нь зээлийн хүүний дарамтаас салж байна гэдгээрээ л илүү онцлог. Хүн бүр л мэдэж байгаа, нэг орон сууц ипотекийн зээлээр аваад тав, арван жил ажиллаад л төлөөд л байдаг, гэтэл зээлийн үндсэн төлөлт рүүгээ ороогүй, дан хүүг нь төлсөөр байдаг ийм жишиг, жишээ харамсалтай нь их олон байгаа. Харин манай орон сууцыг ямар ч хүү шингээгүй, яг үндсэн үнээр нь байраа авч байгаа учир айл өрхүүдэд маш том боломж гэдгийг хэлмээр байна. 

Хэрэв энэ төсөл амжилттай хэрэгжиж, хэрэглэгчдийн таашаалд хүрвэл бид дараа дараагийн төслүүдээ энэ нөхцөлөөрөө үргэлжлүүлэн ажиллах төлөвлөгөөтэй байгаа гэдгийг бас энд дурдах нь зөв болов уу. Энэ нь ард иргэдэд сайшаалтай төсөл байгаасай гэж хүсч байгаа төдийгүй бидний санаачилсан энэхүү нөхцөл үнэхээр үр шимээ үзүүлж байна уу, ард иргэдийн ачаанаас бага ч гэсэн хөнгөлж чадаж байна уу үгүй юу гэдэг нь энэхүү төслийнхөө ард гарсны дараа олж харахаар байна.

Төлбөрийн нөхцөлийн хувьд ихээхэн давуу талтай харагдаж байна. Уншигчдад метр- квадратын үнийн сонирхож байгаа байх ? 

Баярлалаа, үнийн хувьд барилгын үндсэн өртөг метр-квадрат нь 2,4 сая төгрөгөөр борлуулагдахаар хэмжээнд байгаа. Гэхдээ бид үндсэн үнээр нь борлуулна гэх хатуу байр суурийг баримталж чадсангүй. Тиймээс барилга угсралтын явцад уян хатан байж хүүгүй төлөлтийн нөхцөлөөсөө гадна, метр-квадратын үнээ хөнгөлж болох нөхцөлийг гаргаж ирэхийг зорьж доод үнийг 1,8 саяас эхлээд сар бүр энэ үнээсээ 60,000 төгрөгөөр өсөх график гаргаж, байр ашиглалтад орох үед үндсэн үнээр борлуулах төлөвлөгөө гарган ажиллаж байгаа.

Ерөнхийдөө байр ашиглалтад орох дөхөх тусам, үндсэн үнэ рүүгээ очно л гэсэн үг. Гэхдээ төсөл эхэлснээс хойш өнөөдөр хүртэл 4 сарын хугацаанд бидний төсөөлснөөс хамаагүй олон залуус бидэнд хандаж байна, маш олон хүмүүс сонирхож байна, бидний төлөвлөгөөт хугацаанаас хамаагүй өмнө байрны борлуулалт дуусахуйц харагдаж байгаа учраас нүдээ олсон нөхцөлөөр, цаг үеэ олсон төсөл хэрэгжүүлж байгаа юм байна даа гэж дүгнэхэд хүрч байна. 

8 жилийн хүүгүй зээлд хамрагдахын тулд худалдан авагч нарт ямар шаардлага тавигдаж байгаа вэ ? 

Бид нийгмийн хариуцлагын хүрээнд ард иргэдэд чиглэсэн ээлтэй төсөл хэрэгжүүлэх зорилго тавьсан учраас олон шаардлага тавьж харилцагчиддаа хүндрэл учруулахыг хүсээгүй. Орон сууц сонирхож байгаа, худалдан авалт хийхийг хүссэн хүн тодорхой хэмжээний мөнгөн хуримтлал үүсгэсэн байдаг, тиймээс урьдчилгаа ердөө 20% бүрдүүлээд, иргэний цахим үнэмлэхтэйгээ ирэхэд хангалттай. 

Өөр бид ямар нэгэн шаардлага тавихгүйгээр бүрэн итгэлцлийн хүрээнд өөр ямар нэг төрлийн барьцаа хөрөнгө, бичиг баримт нэхэхгүйгээр орон сууц захиалгын гэрээгээ хийж байна.

Танай компани төр засгийн хийж хэрэгжүүлээгүй зарим боломжийг ард иргэдэд олгож байна. Иргэдэд 8 жилийн хугацаанд хүүгүй зээлээр, үндсэн төлбөрөө төлөөд байртай болох энэхүү нөхцөлийг бүрдүүлснээр танайд ямар нэгэн эрсдэл үүсч байна уу ? 

Бидний хувьд маш том эрсдэл үүрээд зориг гарган төслөө эхлүүлсэн. Хөрөнгө мөнгө зараад бүтээн байгуулалтаа дуусгаад, товлосон хугацаандаа ашиглалтад орж айлууддаа түлхүүрийг нь хүлээлгэж өгсөн хойно дөрөв, таван жил амьдарч байгаад төлбөрөө дуусгахгүй бол эсвэл төлбөрөө огт төлөхгүй бол яах вэ, ямар нэгэн байдлаар гэрээгээ заагдсан зүйлээ зөрчвөл яах вэ гэх мэт бүтэн 7 жилийн хугацаанд их бага хэмжээний олон эрсдэлтэй нүүр тулах хэмжээнд ажиллаж байна.   

Гэхдээ өнөөгийн нийгэмд залуус, ард иргэд хийж бүтээе гэсэн хүсэл эрмэлзэл, цог золбоо дүүрэн болсон байна. Үүнийг дагаад өндөр ухамсартай, соёлтой болсон гэдэг нь олон зүйл дээр харагдаж байгаа тул залуучууд, захиалагчдадаа итгэж, мэдээж орон сууцтай болох, амьдралдаа шинээр өнгө нэмэх хүсэлтэй хүмүүс манай хамт олны ажил хэрэгт хүндрэл учруулж, хууран мэхлэх зүйл тохиолдохгүй байх гэдэгт л бид итгэж байна. 

Нийгэмд үүссэн бас нэгэн эрсдэл бол барилга царцалт буюу барилгын ажил зогсох асуудал болоод байгаа. Танай байгууллагын хувьд эдийн засгийн баталгаат байдлын талаар нууц биш бол хуваалцаач. 

Барилга царцах асуудал нийгэмд цөөнгүй үүсч олон хүнийг хашраасан болохоор “Танай байгууллагад ийм байдал үүсгэхгүй биз дээ” гэх эргэлзсэн асуулт бидэнд ирдэг гэдгийг нуух хэрэггүй байх. Бид захиалагчдадаа 20% төлбөрөө урьдчилж төлөөд орон сууцаа урт хугацааны зээлээр захиалах эрх олгож байгаа. Үүнтэй холбоотойгоор үүсдэг өөр нэг асуулт нь урьдчилгаанд авсан 20%-иараа чанаргүй барилга босгож, үлдсэнээр нь ашиг хийх гэж байна гэсэн хардалтын асуудал ч бас үүсдэг. Чанартай ч бай, чанаргүй ч бай ямар ч барилга хэзээ ч урьдчилгаа 20%-иар бүтээн байгуулалт хийгдэх боломж байдаггүй. Тэр дундаа бидний төлөвлөсөн төлөвлөгөөнд нийцсэн, байрлал бүсчлэл нь өндөр үнэ цэнэтэй, газар нь хүртэл маш өндөр дүнгээр авсан ийм барилга тийм бага өртгөөр бүтэх ямар ч боломжгүй. Хүүхдийн тоглоомын талбай, ногоон байгууламж, зам, шугам хоолой сүлжээ, цаашлаад бүтээн байгуулалт хийж байгаа залуусын цалин гэх мэт олон ажлуудад маш өндөр өртөг зарцуулагдана. Энэ утгаараа захиалагчдаас авсан 20%-иар барилга бүтээн байгуулагдана гэх ямар ч үндэслэлгүй юм. 

Бидний төлөвлөсөн бүтээн байгуулалтад манай байгууллагын эдийн засгийн тал дээр хангалттай хүрэлцээтэй бөгөөд ажил тасралгүй үргэлжилж төлөвлөсөн хугацаандаа ашиглалтад орох бүрэн боломжтой. Бид захиалагчдадаа бүтэн 8 жил итгээд орон сууц бүтээн байгуулж өгч байгаа шиг захиалагчид ч гэсэн ойролцоогоор 1,5 жилийн хугацаанд бидэнд бас итгээд энэ сайхан бүтээн байгуулалтын ард хамтдаа гарч чадна гэж бодож байна. Хэрэв энэ төсөл амжилттай хэрэгжиж дуусвал бид ийм таатай нөхцөлөөр дараа дараагийн олон төслийг хэрэгжүүлэх бүрэн боломжтой, манай хамт олон ч дадлага туршлагатай шижигнэсэн залуус байгаа гэдгийг хэлмээр байна. 

Орон сууцны дэлгэрэнгүй мэдээлэл үзэх