“Barilga expo” 2020 цахим үзэсгэлэнгийн хүрээнд эхний өдөр буюу 5-р сарын 25-ны өдөр  14 цагаас  “Цемент бол барилгын талх” сэдэвт хэлэлцүүлэг болно. 

   Энэ цаг үед барилгын гол түүхий эд болох цементийн хомсдол үүсэж, үнэ огцом өсөж, иргэдийн дунд Монголын цементийн томоохон үйлдвэрүүдийн нийлүүлэлт багассан, дундын ченжүүдээс болж үнэ хөөрөгдөж, хомсдол үүслээ гэсэн асуудлууд яригдаад нэлээд хугацаа өнгөрөөд байгаа билээ. 

   Цементийн үнэ 7 хоногийн дотор 280-300 мянган төгрөг болж даруй 2 дахин нэмэгдсэн нь дэд бүтэц, бүтээн байгуулалтын компаниудад маш их хүндрэлийг авчирч байгаа талаар болон энэ асуудлын хүрээнд төрөөс шаардлагатай арга хэмжээ авах, хэрхэн шийдвэрлэх талаарх асуудлын хүрээнд хэлэлцүүлэг явагдах болно.  

Хэлэлцүүлэгт: Модератор: Г.Батсүх, БХБЯамны ББМБХЗГ-ын дарга Л. Батжаргал, "Монголын Алт МАК" ХХК-ийн Барилгын материал, борлуулалт эрхэлсэн дэд ерөнхийлөгч Г.Ганбаяр, "Хөтөлийн Цемент Шохой" ХК-ийн гүйцэтгэх захирал А.Шоовдор, МБМҮХолбооны гүйцэтгэх захирал О.Лхагвадорж нар оролцон дээрх сэдвийн хүрээнд ярилцах юм.

Хэлэлцүүлэг 5.25-ны өдөр 14 цагт Barilga.mn FB хуудсаар дамжуулан шууд LIVE-р явагдах болно.